«Արմանի մասին մտքերով ենք շնչում, քնում ու արթնանում, նա է ապրելու ուժ տալիս». ավագ սերժանտ Արման Աղվանյանն անմահացել է հոկտեմբերի 9-ին Ջրականում. «Փաստ»
ՀԱՐՑԱԶՐՈՒՅՑ![«Արմանի մասին մտքերով ենք շնչում, քնում ու արթնանում, նա է ապրելու ուժ տալիս». ավագ սերժանտ Արման Աղվանյանն անմահացել է հոկտեմբերի 9-ին Ջրականում. «Փաստ»](/timthumb.php?src=disc/26-06-24/9628d9a32ce17826d3ee8f0a1b568c75.jpg&w=780)
«Փաստ» օրաթերթը գրում է.
«Փոքր տարիքից շատ աշխույժ երեխա էր: Իր քայլերը գիտակցված էին, գիտեր, թե ինչ էր անում: Ընկերասեր էր, հարգված թե՛ մեծերի, թե՛ փոքրերի կողմից: Անսահման հումորով էր»,-«Փաստի» հետ զրույցում ասում է տիկին Մանուշը՝ Արմանի տատիկը:
Մինչև յոթերորդ դասարանն Արմանը հաճախել է Վանաձորի Գայի անվան թիվ 21 դպրոցը: Հիմա դպրոցում Արմանի անվան դասասենյակն է «պատմում» նրա մասին: Տատիկն ուսուցչուհի էր, և Արմանը դարձավ նրա դասարանի աշակերտներից մեկը: «Արմանը դեռևս մանկապարտեզում աչքի էր ընկնում, մասնակցում բոլոր միջոցառումներին, փայլում էր: Նույն կերպ՝ նաև դպրոցում: Սեպտեմբերի 1-ն էր, Արմանը բանաստեղծություններ էր արտասանում, դպրոցի բակում վալս պարում: Ճիշտ է, նախապես պատրաստել էինք պարի այդ համարը, բայց այնքան հասուն էր պարում: Ես իր ուսուցչուհին էի, բայց երբեք տարբերություն չեմ դրել իր ու իմ մյուս աշակերտների միջև, նա էլ երբեք չի օգտվել այն հանգամանքից, որ իր տատիկն եմ»:
Տիկին Մանուշի խոսքով, Արմանը հետաքրքրված էր մաթեմատիկայով, նկարչությամբ: «Շատ լավ հիշողություն ուներ և ընդունակ էր: Դասը մեկ կամ երկու անգամ կարդում էր և տիրապետում թեմային: Օտար լեզուները՝ անգլերենը և ռուսերենը, հավասարապես սովորում էր: 1988 թ.-ի երկրաշարժից հետո մեր դպրոցը կառուցել էին իրանցիները, և իրենց հովանավորությամբ մեր դպրոցում նաև պարսկերեն էին սովորում: Արմանս նաև այդ լեզվին էր տիրապետում»: Դպրոցում սովորելու տարիներին Արմանն ընտրվել է աշակերտական խորհրդի նախագահ: Տատիկը հիշում է՝ կարծես Ազգային ժողովի ընտրություններ լինեին: «Բուկլետներ էր տպել, իր կարգախոսը գրել, քարոզարշավ էր անցկացնում, արդյունքում ընտրվեց խորհրդի նախագահ: Այնքան էր ուրախացել»: Այնուհետև Արմանը տեղափոխվում է Վանաձորի՝ մաթեմատիկական թեքումով «Էվրիկա» դպրոց, այնտեղ ևս ընտրվում աշակերտական խորհրդի նախագահ:
«Մի շրջան կար, երբ ուզում էր զինվորական դառնալ, հետաքրքրված էր այդ մասնագիտությամբ, գրքեր էր աչքի անցկացնում, ասում էին, որ լավ սպա կլինի: Հիշում եմ՝ կավճանկարի մրցույթ էին հայտարարել: Արմանս տանկ էր նկարել, տանկի փողի վրա նստած աղավնի, բերանին՝ ծրար, ու գրել էր՝ խաղաղություն աշխարհի բոլոր մանուկներին: Երբ հիշում եմ այդ նկարը, կարծես կանխազգացման պես մի բան ունեցած լինի: Այդ մրցույթում նա հաղթող ճանաչվեց, մի թուր և նոթատետր նվիրեցին, թուրն այժմ նվիրել ենք Պատմության թանգարանին: Հետաքրքրված էր համակարգիչներով, շատ լավ տիրապետում էր: Փոքր տարիքից զբաղվել է սպորտով. կարատե, ըմբշամարտ, սամբո, ֆուտբոլ, լող, լողի ձեռքի գնդակ: Ջրագնդակի միջազգային մրցույթի ժամանակ մրցանակ ստացավ «Լավագույն ռմբարկու» անվանակարգում: Իրեն առաջարկեցին Ռուսաստանում թիմերից մեկի հետ խաղալ, բայց քանի որ ուներ սովորելու նպատակ, հրաժարվեց: Այնքան պատվոգրեր ու մեդալներ ունի, որոնք թվել ուղղակի անհնար է, պետք է տեսնել: Դաշնամուր, դուդուկ ու կիթառ էր նվագում, հրաշալի երգում էր»:
«Էվրիկայում» սովորելու ժամանակ, երբ նաև հունահռոմեական ըմբշամարտի էր հաճախում, տարբեր մրցումների է մասնակցել, այդ թվում՝ նաև Ստեփանակերտում, և մրցանակ շահել: «Երևանում հունահռոմեական սպորտաձևի միջազգային մրցումներ էին: Արմանը մրցման ժամանակ անարդարության հանդիպեց: Տուն եկավ ու ասաց՝ պետք է հանրապետության դատախազը դառնամ, որ պայքարեմ անօրինականությունների դեմ: Եվ ընդունվեց Սլավոնական համալսարանի «Իրավագիտություն» ֆակուլտետի ռուսական բաժինը, անվճար հիմունքներով: Վեց ամիս հասցրեց ուսանող լինել, այդ ընթացքում սիրվեց համալսարանում թե՛ իր ընկերների, թե՛ դասախոսական կազմի կողմից: Ծառայության ընթացքում ևս մշտական կապի մեջ էր նրանց հետ: Ես վստահ եմ, որ հրաշալի մասնագետ էր դառնալու»:
Քննությունները գերազանց հանձնելուց հետո Արմանը 2019 թ. հունվարի 13-ին զորակոչվում է պարտադիր զինվորական ծառայության: Առաջին վեց ամիսը ծառայել է Արմավիրի ուսումնական զորամասում, հետո տեղափոխվել է Ստեփանակերտի Ցորի տանկային վաշտ՝ որպես տանկի հրամանատար: Կրտսեր սերժանտի կոչումով տեղափոխվել է Ցոր, այնտեղ ստացել ավագ սերժանտի կոչում: Եղել է դասակի հրամանատարի տեղակալ: «Մեծ սիրով է մեկնել ծառայության, մեծ սիրով ծառայել: Ծառայության ժամանակ պարգևատրվել է «Լավագույն զինվոր-մարզիկ», «Քաջարի մարտիկ» կրծքանշաններով: Ինձ ու մայրիկին կարծես սաստեր՝ որ բանակ գնացի ու դուք լաց եղաք, վերջ, էլ ձեզ չեմ զանգահարի: Երբևիցե անգամ միտք չի ունեցել, որ կարող է չծառայել»: Պատերազմին նախորդող օրերին Արմանը մշտապես զանգահարում է տուն, կապի մեջ լինում տատիկի ու մայրիկի հետ: Նույն կերպ՝ նաև պատերազմի ընթացքում: Պատերազմի սկսվելուց անմիջապես հետո Արմանը տեղափոխվել է Ջրական: «Իրեն հարցնում էի՝ Արմա՛ն ջան, որտե՞ղ ես:
«Ցորի բունկերում ենք, սպասում ենք, տեսնենք, թե ինչ է լինելու»: Զրուցելու ժամանակ ո՛չ կրակոցի ձայն եմ լսել, ո՛չ շշուկ: Դեպքից երկու օր առաջ զանգահարեց՝ տա՛տ, լույս չկա, հեռախոսը լիցքավորելը դժվար է, երկու օր չեմ զանգի, չանհանգստանաս: Հեռախոսն անջատեցի ու ինքս ինձ ասացի՝ դու Արմանն ես, մի ճար կգտնես, կզանգես: Սպասում էինք իր զանգին»: Արմանն այդպես էլ չի զանգահարում: Օրեր անց ընտանիքը ստանում է բոթը: Արմանը զոհվել է հոկտեմբերի 9-ին Ջրականում: «Տանկային ամբողջ շարասյունը մնացել էր Արմանի հույսին, Արմանն է ղեկավարել ու կռվել: Տանկերի շարասյունը պետք է տեղափոխվեր այլ վայր, Արմանն է այդ ամենը համակարգելիս եղել, նրա տանկի «լ յուկը» բաց է լինում, նա էլ՝ դուրս եկած, եթե ներսում լիներ, իրեն ոչինչ չէր լինի:
ԱԹՍ-ի հարվածից տանկը շրջվել է, իսկ երկաթը հարվածել է Արմանի գլխին»: Արմանի «վերադարձը» տուն չի ուշացել, իսկ հարազատները կարողացել են նրան հրաժեշտ տալ. «Իր սիրուն դեմքն անվնաս էր»: Իսկ հիմա մայրիկին ու տատիկին ապրելու ուժ կրկին Արմանն է տալիս: «Եթե ինչ-որ հարցի շուրջ պետք է որոշում կայացնեմ, ինչպես նախկինում, հիմա էլ Արմանի հետ եմ որոշում: Անգամ փոքր տարիքում իմ խորհրդատուն էր, ընկերը, իմ տղան ու թոռը: Մեր ամեն ինչն է: Իր մասին մտքերով ենք շնչում, քնում ու արթնանում: Գնում եմ, Արմանի հուշաղբյուրի մոտ նստում: Մարդիկ գալիս են, ջուր խմում, հետո Աստծո անունն են տալիս, կարծես դրանով գոհանում եմ: Ինձ նաև իր մայրիկի՝ Գայանեի ներկայությունն է ուժ տալիս»: Հ. Գ. - Ավագ սերժանտ Արման Աղվանյանը հետմահու պարգևատրվել է «Մարտական ծառայություն» մեդալով: Հուղարկավորված է Օձունի գերեզմանատանը:
ԼՈՒՍԻՆԵ ԱՌԱՔԵԼՅԱՆ
Մանրամասները՝ «Փաստ» օրաթերթի այսօրվա համարում
![](disc/26-06-24/442e53d2791ccdf0ad2876433c8b37b5.jpg)
![](disc/26-06-24/30d16cf76c37f66d1947a7c28454156e.jpg)
![](disc/26-06-24/362c41ccb3c5ca6380004883b8551bb1.jpg)
![](disc/26-06-24/ecf5da970ddce72d18d575a57953ef1a.jpg)
![](disc/26-06-24/eb1a7d3121a330b4b19b298502347b8f.jpg)
![](disc/26-06-24/07318cb772b068e7cb67952ae75b0d55.jpg)
![](disc/26-06-24/d7cdf9ee763d911a8b2328f73cb5e19a.jpg)
![](disc/26-06-24/3c4826cfaaa1c63947b85ce2b6c81b0e.jpg)
![](disc/26-06-24/167c2ea2a8b13e26a0ffe5b80baab83d.jpg)
![](disc/26-06-24/ab7971e8ee6aa1650b1b598ab5a05131.jpg)
![](disc/26-06-24/781a39f667ff44e6e856184293d2d2fb.jpg)
![](disc/26-06-24/8dd1e00a547b465bbf7752fd0e1a1d23.jpg)
![](disc/26-06-24/bc0877f3aba8839a1bf179c9dd0c92f9.jpg)
![](disc/26-06-24/317e3378e08d50f7148a8b44d5c26d9d.jpg)
![](disc/26-06-24/3effd47028f3417718951edcfb317d31.jpg)
![](/timthumb.php?src=disc/30-06-24/3684ac82f95e9f6f338ff59f380f515f.jpg&w=60&h=60)
![](/timthumb.php?src=disc/30-06-24/3ab7850b5720775ac26139e62082a035.jpg&w=60&h=60)
![](/timthumb.php?src=disc/30-06-24/4fc759c2c25af1cc5babe0c3c0535991.jpg&w=60&h=60)
![](/timthumb.php?src=disc/29-06-24/8d3403ab85a54168b030880a2d3f587a.jpg&w=60&h=60)
![](/timthumb.php?src=disc/29-06-24/5754c12b8c6b429e3bd920c3aae8b6e9.jpg&w=60&h=60)
![](/timthumb.php?src=disc/29-06-24/cd313ba5eb402b833ef4f745f71879d2.jpg&w=60&h=60)
![](/timthumb.php?src=disc/29-06-24/06c1991f8ef167e3246f576edfc0acfd.jpg&w=60&h=60)
![](/timthumb.php?src=disc/29-06-24/b89c6d12f2ce85427f9bd86db1b451d0.jpg&w=60&h=60)
![](/timthumb.php?src=disc/29-06-24/6879755f76a47ccf7d8a130fddb95a2a.jpg&w=60&h=60)
![](/timthumb.php?src=disc/29-06-24/47ff52dac57bb9be78b7bebdbaeb6b05.jpg&w=60&h=60)
![](/timthumb.php?src=disc/29-06-24/5b688f671ae846a504919bcb43ed1f3d.jpg&w=60&h=60)
![](/timthumb.php?src=disc/29-06-24/e4b2a42d1afa2876a1e891e272b267b9.jpg&w=60&h=60)
![](/timthumb.php?src=disc/29-06-24/a8d9bf2560f7995d2993ab2fa651794a.jpg&w=60&h=60)
![](/timthumb.php?src=disc/29-06-24/74ac98ddf6dcc885ca322daa6634ce46.jpg&w=60&h=60)
![](/timthumb.php?src=disc/29-06-24/4ea1e58e6e65f6e2d73df3af312b93a4.jpg&w=60&h=60)
![](/timthumb.php?src=disc/29-06-24/c26cf70cbd812dbf27e3165930c7ad52.jpg&w=60&h=60)
![](/timthumb.php?src=disc/29-06-24/c783d866aa671257530dc7647cb8e821.jpg&w=60&h=60)
![](/timthumb.php?src=disc/29-06-24/37489c68fc9e629244024d98fbb20b7a.jpg&w=60&h=60)
![](/timthumb.php?src=disc/29-06-24/e4a1450b1cb4891059f78c5ce85d3f48.jpg&w=60&h=60)
![](/timthumb.php?src=disc/29-06-24/6889b0be5ac6a813c3e4224fbf2dc26f.jpg&w=60&h=60)
![](/timthumb.php?src=disc/29-06-24/ada28726763e99da6b362fc8828e4262.jpg&w=60&h=60)
![](/timthumb.php?src=disc/29-06-24/a3c25f097cd72a24271ef6e832045979.jpg&w=60&h=60)
![](/timthumb.php?src=disc/29-06-24/a247ff710f9e3cb45b56290a91e4be2b.jpg&w=60&h=60)
![](/timthumb.php?src=disc/29-06-24/6107eddf581551e805504c479b046c62.jpg&w=60&h=60)
![](/timthumb.php?src=disc/29-06-24/0ba514abdcfba35098b93119e9d57bae.jpg&w=60&h=60)
![](/timthumb.php?src=disc/29-06-24/1c09d3550c01fabbc64715fc6d47b4b9.jpg&w=60&h=60)
![](/timthumb.php?src=disc/29-06-24/bd539c4428c7a7cbb976ba29e0aca08b.jpg&w=60&h=60)
![](/timthumb.php?src=disc/29-06-24/5ecf0e79e779cdbda41055f8ec5b3a2e.jpg&w=60&h=60)
![](/timthumb.php?src=disc/29-06-24/12c426bd6af6faab236698f86349b5d9.jpg&w=60&h=60)
![](/timthumb.php?src=disc/29-06-24/749a9e49efff3cd7dd36d6e809a7f023.jpg&w=60&h=60)
![](/timthumb.php?src=disc/29-06-24/839a38aae13115786d11be3d7dc24b63.jpg&w=60&h=60)
![](/timthumb.php?src=disc/29-06-24/3af95505841a021f8676f71d02aa4100.jpg&w=60&h=60)
![](/timthumb.php?src=disc/29-06-24/14e153f420796daf9f88cd2085928c93.jpg&w=60&h=60)
![](/timthumb.php?src=disc/29-06-24/addcf76a80669b01781df62a9df14944.jpg&w=60&h=60)
![](/timthumb.php?src=disc/29-06-24/dd7935f32e9fcfdf3c84294427ffbac5.jpg&w=60&h=60)
![](/timthumb.php?src=disc/29-06-24/5931808f82470fe31824e73fdce00e26.jpg&w=60&h=60)
![](/timthumb.php?src=disc/29-06-24/40004e5dac489013b9313337b5f35f8e.jpg&w=60&h=60)
![](/timthumb.php?src=disc/29-06-24/90ddc12afc316c9ec27d064eebb0904e.jpg&w=60&h=60)
![](/timthumb.php?src=disc/29-06-24/d2f7ee6fa91e59f8cf0e6fb1894aa917.jpg&w=60&h=60)
![](/timthumb.php?src=disc/29-06-24/1f45d84377af814bc1a244624297d1e2.jpg&w=60&h=60)
![](/timthumb.php?src=disc/29-06-24/ac2271c9c8a280c85e96ee9c81b09dde.jpg&w=60&h=60)
![](/timthumb.php?src=disc/29-06-24/830b7ae47d74f483478d34784e49ccfb.jpg&w=60&h=60)
![](/timthumb.php?src=disc/29-06-24/c92b65fa1e0485505f1fdc43d1d9c529.jpg&w=60&h=60)
![](/timthumb.php?src=disc/29-06-24/4470c7530dadd0a9c092f6c3c56c5fcd.jpg&w=60&h=60)
![](/timthumb.php?src=disc/29-06-24/f6a7f41fbd4cf7647a495e43974c3b48.jpg&w=60&h=60)
![](/timthumb.php?src=disc/29-06-24/e4a362616eb68e2749db61ef0d4458bc.jpg&w=60&h=60)
![](/timthumb.php?src=disc/28-06-24/b2892bd64827ad3925d5edac7c4389f2.jpg&w=60&h=60)
![](/timthumb.php?src=disc/29-06-24/711cf1982a99868dc9cd336d08f58d0b.jpg&w=60&h=60)
![](/timthumb.php?src=disc/29-06-24/7e8a2cfec69a4c8407f8312249799ea5.jpg&w=60&h=60)
![](/timthumb.php?src=disc/29-06-24/44efe784a255cbbacfa012bf0205ac9d.jpg&w=60&h=60)
![](banners/acba.gif)
![](banners/venus.jpg?v3sd2s)