Իրանը դիտարկում է Եվրոպայում ամերիկյան ռшզմական օբյեկտներին hարվածներ հասցնելու հնարավորությունը. FT

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Իրանը դիտարկում է Եվրոպայում ամերիկյան ռազմական օբյեկտներին հարվածներ հասցնելու հնարավորությունը՝ ԱՄՆ նախագահ Դոնալդ Թրամփի կողմից հակամարտության սրման դեպքում։ Այս մասին Financial Times-ին հայտնել են իրանական իշխանություններին մոտ կանգնած երկու աղբյուրներ։

Նրանց խոսքով՝ Թեհրանում ուսումնասիրել են Հարավարևելյան Եվրոպայում, մասնավորապես Բուլղարիայում ամերիկյան օբյեկտների վրա հարձակումների հնարավորությունը, որտեղ ԱՄՆ-ն օգտագործում է Բեզմեր ավիաբազան՝ ինքնաթիռների լիցքավորման համար։ Հնարավոր թիրախների թվում նշվել է նաև Կիպրոսը, որտեղ տեղակայված է բրիտանական ավիաբազան։ Բացի այդ, Իրանը դիտարկել է Հորմուզի նեղուցում ստորջրյա մանրաթելային մալուխների վրա հարձակումների հնարավորությունը։

Աղբյուրները հայտնել են, որ նոր հակամարտության դեպքում Թեհրանը կարող է ընդլայնել հարվածները Մերձավոր Արևելքի սահմաններից դուրս։

«Եթե ԱՄՆ-ը չափից դուրս հեռուն գնա, Իրանը կպաշտպանի ամեն գնով, դուրս կգա տարածաշրջանի սահմաններից և հարված կհասցնի Եվրոպային»,- ասել է նրանցից մեկը։

Իրանն արդեն փորձել է հարվածներ հասցնել հեռավոր թիրախների։ Փետրվարին ԱՄՆ-ը հայտարարել էր Հնդկական օվկիանոսում Դիեգո Գարսիա բազայի ուղղությամբ հրթիռների արձակման մասին, իսկ մարտին Թուրքիան հայտնել էր իրանական բալիստիկ հրթիռների որսման մասին։ Պարբերականը նշում է, որ Թեհրանին կարող է ձեռնտու լինել գործել Իրաքում, Լիբանանում և Եմենում դաշնակից խմբավորումների միջոցով։

Թեհրանը մշակել է պլան՝ Մերձավոր Արևելքում հակամարտության սրման դեպքում, գրում է The Wall Street Journal-ը՝ հղում անելով իրանական և արաբական պաշտոնյաներին։

Թերթի աղբյուրների տվյալներով՝ Թեհրանը ԱՄՆ-ի հետ հունիսին կնքված հուշագիրը համարում է Վաշինգտոնի և Իսրայելի փորձ՝ ժամանակ շահել նոր հարձակումից առաջ։

Վերջին երկու ամսվա ընթացքում Իրանը պատրաստվել է ռազմական գործողությունների հնարավոր ընդլայնմանը. իշխանություններն ուժեղացնում են ԻՀՊԿ-ի վերահսկողությունը կանոնավոր բանակի նկատմամբ, առանցքային պաշտոնների են նշանակում Իրաքի հետ պատերազմի վետերաններին, ընդլայնում հակահետախուզական գործողությունները և ավելացնում հրթիռների ու անօդաչու թռչող սարքերի արտադրությունը, նշում է WSJ-ը։

Արաբական հատուկ ծառայությունների տվյալներով՝ Իրանը նաև կապ է հաստատում Եմենի և Իրաքի զինված խմբավորումների հետ։ Թեհրանի նպատակն է մեծացնել ԱՄՆ-ի ծախսերը և թույլ չտալ նախորդ հակամարտության կրկնությունը, ասվում է նյութում։

WSJ-ի աղբյուրները նաև հայտնել են, որ Թեհրանը սպասում է ներքին անկարգություններ հրահրելու փորձերի։ Իրանցի գլխավոր բանակցողի խորհրդական Մեհդի Մոհամմադին հայտարարել է, որ Իրանը պատրաստ է մեծ առճակատման։

Հետևեք մեզ՝ այստեղ