«Հրապարակ». Նոր Սահմանադրությամբ առանցքային դերակատարություն է վերապահվելու ԱԱԽ–ին

«Սահմանադրական փոփոխությունների առաջին բլոկի հրապարակումը իշխանական էլիտայի համար ոչ թե բովանդակային խնդիրների քննարկման, այլ լուրջ մտորումների տեղիք է տվել առ այն, թե ինչպես է դասավորվելու իրենց ճակատագիրը նոյեմբերին սպասվելիք հանրաքվեից հետո, քանզի կառավարման ողջ տրամաբանությունը և կոնֆիգուրացիան փոփոխվելու են: Երկրում առանցքային է դառնալու ոչ միայն վարչապետական ինստիտուտը՝ իր 3 փոխվարչապետերով, որոնցից, ի դեպ, մեկը լինելու է արտգործնախարարը, այլև նոր Սահմանադրությամբ առանցքային դերակատարություն է վերապահվելու Ազգային անվտանգության խորհրդին:

 Ընդ որում, եթե նախկինում այդ պաշտոնի համար շոշափվում էր ԿԳ նախարար Արմեն Աշոտյանի անունը, ապա այս օրերին ավելացել է նաև գաղափարական գծով ՀՀԿ փոխնախագահ Մուշեղ Լալայանինը, որը, ի դեպ, այժմ «կուրացիա» է անում «Արարատ» հեռուստաընկերությունը: Էլ ավելի մեծ են «սպասումներն» Ազգային անվտանգության ծառայության ապագա ղեկավարի առնչությամբ: Բանն այն է, որ փետրվարին լրանում է Գորիկ Գուրգենիչի երկարացված պաշտոնավարման ժամկետը: Այս պաշտոնի համար էլ վերջին շրջանում շրջանառվում է ԼՂ նախագահ Բակո Սահակյանի անունը: Ինչ վերաբերում է ոստիկանությանը, առ այս պահը հայտնի չէ՝ այն կդառնա՞ նախարարություն, թե՞ ոչ, լավատեղյակները պնդեցին՝ չի դառնալու: Այնուհանդերձ, գտնվելով Աժ իրավասության ներքո՝ թե ԱԱԾ-ի, թե ոստիկանության գործունեությունը կարգավորվելու է ոչ թե Սահմանադրությամբ, այլ առանձին օրենքներով»,–գրում է թերթը։

Մանրամասները՝ թերթի այսօրվա համարում։