Փախստականներից կազմված հավաքականը Օլիմպիադա-2016-ում հանդես կգա ՄՕԿ-ի դրոշի ներքո

Միջազգային օլիմպիական կոմիտեն (ՄՕԿ) օլիմպիական մարզիկների թիմ Է ստեղծել փախստականների եւ հարկադիր վերաբնակների թվից, որը կմասնակցի Ռիո-2016 Օլիմպիական խաղերին, տեղեկացնում Է «Արմենպրես»-ը՝ հղում անելով ՄՕԿ-ի մամուլի ծառայությանը:

«Այն հավասարապես ներկայացված կլինի 206 ազգային օլիմպիական կոմիտեների մնացած բոլոր թիմերի հետ»,-ասված Է հաղորդագրության մեջ:

Փախստականների օլիմպիական հավաքականը դրոշի բարձրացման իր արարողությունը կանցկացնի օլիմպիական ավանում, որտեղ կտեղավորվի մնացած թիմերի հետ հավասար:

Փախստականներին ներկայացնող օլիմպիականներին կապահովեն անհրաժեշտ ամեն ինչով, ներառյալ շեֆ խոհարարը, մարզիչները եւ տեխնիկական աշխատողները, համազգեստը: Մարզիկները հանդես կգան ՄՕԿ-ի դրոշի ներքո, կազմակերպության օրհներգը կհնչի այն դեպքում, եթե այդ հավաքականի կազմում հանդես եկող մարզիկը հաղթանակ տանի այս կամ այն մարզաձեւում:

«Ողջունելով այդ թիմին, որը հանդես կգա Ռիոյի Օլիմպիական խաղերում, մենք ցանկանում ենք հույսի ուղերձ հղել աշխարհի բոլոր փախստականներին»,-ասել Է ՄՕԿ-ի ղեկավար Թոմաս Բախը:

ՄՕԿ-ի նախագահը հայտարարել Է, որ, չնայած բոլոր այն դժվարություններին, որոնց բախվել են այդ մարդիկ, նրանք պետք Է հանդես գան Օլիմպիադայում, որտեղ «իրենց ինչպես տանը կզգան 206 ազգային թիմերի մյուս 11 հազար մարզիկների հետ միասին»:

ՄՕԿ-ում կանխատեսում են, որ փախստականների թվից Օլիմպիադային մասնակցելու համար կընտրվի 5-ից մինչեւ 10 մարզիկ, թիմի ամբողջական կազմը կորոշվի հունիսին՝ ՄՕԿ-ի գործադիր կոմիտեի հաջորդ նիստում: Մարզիկներին ընտրելիս հաշվի կառնվեն սպորտային արդյունքները եւ փախստականի կարգավիճակի առկայությունը՝ հաստատված ՄԱԿ-ի կողմից, ինչպես նաեւ մարզիկի կյանքի անձնական հանգամանքները, հաղորդել Է «Ինտերֆաքս»-ը: