«Ծնողները թաքցրել էին, որ նա շիզոֆրենիայով է տառապում՝ դստերը հաջող ամուսնացնելու համար...». նոր մանրամասներ արյունալի դայակի կյանքից (լուսանկարներ)

Ուզբեկ դայակը, ով գլխատել է 4-ամյա երեխային, Մոսկվա էր եկել մոր հետ։ Հիշեցնենք, որ օրերս Մոսկվայում արյունալի սպանություն էր տեղի ունեցել։

Դայակը գլխատել էր 4 տարեկան երեխային, ում խնամում էր, ապա այրել էր նրանց տունն ու երեխայի գլուխը ձեռքին՝ փողոցում թափառում էր ու սպառնում պայթեցնել ինքն իրեն։

Կնոջ մասին օրեցօր նոր մանրամասներ են ի հայտ գալիս։ Գյուլչեխրա Բոբոլուլովայի ծնողներն իմացել են, որ իրենց դուստրը շիզոֆրենիայով է տառապում, սակայն բոլորից թաքցրել են՝ նրան հաջող ամուսնացնելու համար։ Ասում են՝ կնոջ հայրենի գյուղում շատերն են իմացել, որ նա շիզոֆրենիայով է տառապում։ Նրա ամուսինը հենց դրա համար էլ հեռացել է նրանից։

«Ընդհանուր առմամբ, նա հանգիստ էր, լուռ։ Սակայն տարվա մեջ մեկ-երկու անգամ հարեւանները թաքնվում էին՝ Գյուլչեպրան սկսում էր քարերով խփել, մի անգամ դույլերով ծեծել է հարեւանուհուն։ Ընտանիքը փորձում էր դեղեր տալ նրան, եթե չէր օգնում, մի քանի օրով հոգեբուժարան էին տանում»,- պատմել է նրանց հարեւաններից մեկը։

Հերթական անգամ, երբ կնոջը հոգեբուժարանից դուրս են գրել, մայրը հավաքել է նրա իրերն, ու միասին Մոսկվա են մեկնել։ Այստեղ նրանք ինչ գործ ասես անում էին, հիմնականում՝ մաքրության։ Ժամանակի հետ Գյուլչեխրան տեղափոխվել է մի տղամարդու տուն՝ ապրելու, եւ մայրն այլեւս չի կարողացել դստեր նոխաները վերահսկել։ Կնոջ վիճակը վատացել է, երբ սիրեկանը սկսել է դավաճանել նրան։ Հետո զույգը պարտքատերերից փախել է Ուզբեկստան, որոշ ժամանակ անց կինը միայնակ մեկնել է Մոսկվա՝ դայակ աշխատելու։ 39-ամյա կնոջ ծանոթներից մեկը՝ Մանսուրը, պատմել է, որ Բոբոկուլովայի ընտանիքում այդ հիվանդությունը ժառանգական է։

Հարեւանները հիշում են, որ դեռ մանուկ հասակում Գյուլչեխրան փողոց էր վազում ու բոլորի վրա քարեր նետում։ Նրա ամուսնանալուց եւ երեք երեխա ունենալուց հետո կնոջ վիճակն ավելի է վատացել, նա կարող էր հարձակվել անցորդների, անգամ երեխաների վրա։ Նրա մոտ հաճախ էին ագրեսիայի նոպաներ լինում։ Մանսուրը կարծում է, որ Գյուլչեխրան կարող էր փոքրիկին սպանել, քանի որ հիվանդությունը գարնանային սրացում էր ստացել։ Սակայն այդ փաստը դեռ պետք է պարզվի։

Հարկ է նշել, որ կինը 3 տարի աշխատել է ընտանիքում, որոնց երեխային գլխատել է, սակայն ամուսինները նրա մոտ ոչ մի խնդիրներ չեն նկատել։

Պատրաստեց Past.am-ը: