Գավառում Վազգեն Սարգսյանի ծննդյան օրը նշանավորվեց պատանի երկրապահների երդմամբ

Սպարապետ Վազգեն Սարգսյանի ծննդյան 57-րդ տարեդարձի առթիվ  մարտի 5-ին  Գավառ քաղաքի կենտրոնական հրապարակում անցկացվեց  միջոցառում: Այն կազմակերպվել  էր Գեղարքունիքի մարզպետարանի, ԵԿՄ Գեղարքունիքի  մարզային խորհրդի, ԵԿՄ  տարածքային բաժանմունքների եւ Գավառի քաղաքապետարանի համատեղ նախաձեռնությամբ: Արարողությանը մասնա կցում էին ԵԿՄ մարզային ստորաբաժանումներից,  պատանի երկրապահների ակումբներից, ՀՀ ՊՆ 2-րդ  բանակային կորպուսից«  մարզի տարածքում տեղակայված զինվորական զորամասերից, քաղպաշտպանության եւ արտակարգ իրավիճակների մարզային ստորաբաժանումներից  ներկայացված ջոկատները:

Հանդիսավոր արարողության մեկնարկին միջոցառման մասնակիցները ծաղիկներ խոնարհեցին Արցախյան ազատամարտի զոհերի հիշատակը հավերժացնող  խաչքարին,  որից հետո Գավառի Սուրբ Աստվածածին եկեղեցում տեղի ունեցավ պատանի երկրապահների օրհնության կարգ` ձեռամբ Գեղարքունյաց թեմի առաջնորդական տեղապահ Կիրակոս վարդապետ Դավթյանի: Հանդիսավոր արարողությունը շարունակվեց քաղաքի հրապարակում,որտեղ մարզի  տարածքների սերժանտական  ակումբների ավելի քան 300` 10-14 տարեկան սաներ հանդիսավոր երդվեցին  եւ  համալրեցին պատանի երկրապահների շարքերը: Հնչեցի ն շնորհավորանքի,ողջույնի, հիշատակի  եւ ոգեկոչման խոսքեր, ընթերցվեցին Սպարապետ Վազգեն Սագսյանի եւ ԵԿՄ Վարչության նախագահ Մանվել Գրիգորյանի ուղերձները: Գեղարքունիքի մարզպետի տեղակալ Անդրանիկ Հակոբյանը  շնորհավորեց ներկաներին  Հայոց Սպարապետի ծննդյան  տարեդարձի  եւ Պատանի Երկրապահի օրվա առթիվ:

Համաժողովրդական տոնի առթիվ ՀՀ ԵԿՄ վարչության նախագահ Մանվել Գրիգորյանի անունից ԵԿՄ վարչության հուշամեդալ եւ պատվոգիր հանձնվեց զինծառայողների ու զոհված ազատամարտիկների մայրերին: Տոնական միջոցառման ընթացքում ցուցադրական ելույթներով հանդես եկան 2-րդ բանակային կորպուսի հետախուզական վաշտը«  պատանի երկրապահների  Գավառի, Մարտունու, Վարդենիսի, Քարվաճառի, Սեւանի  ակումբների կարատեի ու բռնցքամարտի թիմերը: 

Միջոցառման հանդիսավոր մասն ավարտվեց շարային երթով, որն ընդունեց ԵԿՄ Գեղարքունիքի մարզային խորհրդի նախագահ Բագրատ Հարությունյանը:  Տոնական արարողությունը շարունակվեց Գավառի  քաղաքային ենթակայության մշակութային հաստատությունների սաների երաժշտական  կատարումներով:

Խոսրով Խլղաթյան