Բնապահպանական պատժամիջոցների արդյունքում պետբյուջե է մուտքագրվել 660 հազար դրամ

 ՀՀ բնապահպանության նախարարության բնապահպանական պետական տեսչության կողմից ՀՀ Արմավիրի և Արարատի մարզերում իրականացված 16 խորքային հորերի չափաբերման և կապարակնքման աշխատանքների արդյունքում պակասեցվել է 510լ/վրկ ծավալի ջուր: Ինչպես տեղեկացրին ՀՀ բնապահպանության նախարարության տեղեկատվության եւ հասարակայնության հետ կապերի բաժնից, նախարարության աշխատակազմի բնապահպանական պետական տեսչության կողմից փետրվարի 29-ից մարտի 4-ն ընկած ժամանակահատվածում իրականացված շրջայցերի ընթացքում հայտնաբերված խախտումների, Բնապահպանական պետական տեսչության վարույթին հանձնված գործերի քննության և հաշվետվությունների ընդունման գործընթացում հայտնաբերված խախտումների արդյունքում կայացվել է 900 հազար դրամ  ընդհանուր գումարի վարչական տուգանքի 10 որոշում և հաշվարկվել 265 հազար դրամ ընդհանուր գումարի շրջակա միջավայրին հասցված վնաս:

Ջրերի և մթնոլորտի վերահսկողության բաժնի կողմից ՀՀ Արմավիրի մարզում իրականացված 197 խորքային հորերի չափաբերման և կապարակնքման աշխատանքների ընթացքում 10 խորքային հորեր չափաբերվել և կապարակնքվել են, ինչի արդյունքում պակասեցվել է 300լ/վրկ ծավալի ջուր: ՀՀ Արարատի մարզում 91 խորքային հորերի չափաբերման և կապարակնքման արդյունքում չափաբերվել են 6 խորքային հորեր, ինչի արդյունքում պակասեցվել է 210լ/վրկ  ծավալի ջուր:

Բնապահպանական և բնօգտագործման վճարի եռամսյակային հաշվետվությունները սահմանված ժամկետում չներկայացնելու համար Արարատի տարածքային բաժնի կողմից  տնտեսվարողի նկատմամբ կայացվել է 50 հազար դրամի վարչական տուգանքի որոշում: Շիրակի տարածքային բաժնի կողմից տնտեսվարողի նկատմամբ կայացվել է 80 հազար դրամի վարչական տուգանքի  որոշում:

Գեղարքունիքի տարածքային բաժնի հայտնաբերած խախտումների համար երկու ֆիզիկական անձի նկատմամբ կայացվել է 200 հազար դրամի վարչական տուգանքի 2 որոշում և հաշվարկվել է 120 հազար դրամի շրջակա միջավայրին հասցված վնաս:

Անտառների և կենսաբազմազանության վերահսկողության բաժնի կողմից հայտնաբերված խախտումների համար 3 ֆիզիկական անձի նկատմամբ կայացվել է 300 հազար դրամ ընդհանուր գումարի վարչական տուգանքի 3 որոշում և հաշվարկվել է 138 հազար դրամի շրջակա միջավայրին հասցված վնաս:

Անտառների և կենսաբազմազանույան վերահսկողության բաժնի կողմից հայտնաբերված որսի կանոնների  խախտման  համար ֆիզիկական անձի  նկատմամբ կայացվել է 70 հազար դրամի վարչական տուգանքի որոշում և հաշվարկվել է 5 հազար դրամի շրջակա միջավայրին հասցված վնաս:

Երևանի տարածքային բաժնի կողմից  շրջայցերի ընթացքում հայտնաբերված 9 խախտումների արդյունքում առգրավվել է 40կգ /88 հատ/ «սիգ» տեսակի ձուկ, ինչը սահմանված կարգով հանձնվել է «Առաքելություն Հայաստան» բարեգործական կազմակերպություն, «Զատիկ» երեխաների աջակցության կենտրոն և  Երևանի լսողական խանգարումներ ունեցող երեխաների  հատուկ դպրոց: Արագածոտնի տարածքային բաժնի կողմից հայտնաբերված ապօրինի որսի համար ֆիզիկական անձի նկատմամբ կայացվել է 150 հազար դրամի վարչական տուգանքի որոշում և հաշվարկվել է 2 հազար դրամի շրջակա միջա վայրին հասցված վնաս:

Գեղարքունիքի տարածքային բաժնի կողմից  շրջայցերի ընթացքում հայտնաբերվել և  առգրավվել է տիրազուրկ 2 ձկնորսական ցանց: Արմավիրի տարածքային բաժնի կողմից  շրջայցերի ընթացքում հայտնաբերված խեցգետնի ապօրինի որսի համար ֆիզիկական անձի նկատմամբ կայացվել է 50 հազար դրամի վարչական տուգանքի որոշում«

Ընդհանուր առմամբ` ՀՀ բնապահպանության նախարարության բնապահպանական պետական տեսչության կիրառած պատժամիջոցներից հաշվետու ժամանակահատվածում ՀՀ պետական բյուջե է մուտքագրվել 660 հազար դրամ: