Երևանում և Արարատի մարզում ջրամատակարարման դադարեցումներ կլինեն

«Գառնի-Երևան» ջրատարի վրա վթարի վերացման  աշխատանքներով պայմանավորված` մարտի 10-ին` ժամը 10.00-ից մինչև մարտի 11-ը` ժամը 08.00-ն կդադարեցվի մի շարք տարածքների ջրամատակարարումը: Ինչպես  տեղեկացրին «Երևան Ջուր» ընկերությունից, կդադարեցվի Էրեբունի վարչական շրջանի` բացառությամբ Արին-Բերդի փողոցի և նրբան ցքների, Արցախի պողոտայի, Վարդաշեն թաղամասի, Նուբարաշեն վարչական շրջանի, Կենտրոն վարչական շրջանի Օստրովսկու, Սևանի, Ծխախոտագործների, Ծատուրյան, Զավարյան  փողոցների և նրբանցքների, Ալեք Մանուկյան փողոցի17, Տիգրան Մեծի պողոտայի 12-80, Նար-Դոսի փողոցի 1-40, Քրիստափորի փողոցի 1-15, Խորենացու փողոցի 28-ից բարձր համարների ջրամատակարարումը:

Նույն ժամանակահատվածում կդադարեցվի նաև Շենգավիթ վարչական շրջանի Գ.Նժդեհի, Արշակունյաց, Շահամիրյան, Ֆրունզեի, Ս. Սարգսյան, Մայիսի 9-ի, Մխչյան, Վերին Շենգավիթի 1-ին, 2-րդ փողոցների, Կոտովսկու, Մուսայելյան, Պատկանյան, Մադոյան, Օդեսայի, Հրազդանի, Սմբատ Զորավարի, Ղարիբջանյան, Եղբայրության, Մանթաշյան, Մանանդյան, Շևչենկոյի, Նիզամու, Մասիսի փողոցների ու նրբանցքների, Արին-Բերդի փողոցի 3-րդ, 5-րդ նրբանցքների, Չեխովի փողոցի 1-21, Բագրատունյաց 41-ից բարձր համարների, Ներքին Շենգավիթ և Նոր Խարբերդ այգեգործական թաղամասերի, ինչպես նաև Արարատի մարզի Բարձրաշեն, Դիտակ, Ջրաշեն, Նոր Խարբերդ համայնքների և անմիջապես ջրատարից սնվող մյուս տարածքների ջրամատակարարումը:

Վթարի վերացման աշխատանքներով պայմանավորված` մարտի 10-ին` ժամը 9.00-ից մինչև մարտի 11-ը` ժամը 9.00-ն կդադարեցվի Նոր Նորք վարչական շրջանի Մոլդովական փողոցի 27/1-27/5 համարների (նախկին ուսանողական հանրակացարաններ)  ջրամատակարարումը:

Պլանային  աշխատանքներով պայմանավորված` մարտի 11-ին` ժամը 9.00-21.00-ն, կդադարեցվի Արարատի մարզի Նոր Խարբերդ համայնքի Զոնալ թաղամասի, Այնթապ համայնքի 1-ին, 2-րդ, 3-րդ, 4-րդ շարքերի և «Ժանյակ» թաղամասի ջրամատակարարումը: