Երկրապահներն ու «Ղարաբաղյան պատերազմի վետերանների միության» անդամները Աբովյանում սատարում են Արթուր Հարությունյանին՝ Պալաչին (լուսանկարներ)

Հունիսի 3-ին Երկրապահ կամավորական միության Աբովյանի մասնաճյուղի կողմից մի շարք պատվոգրեր և շքանշաններ հանձնվեցին Ղարաբաղյան պատերազմում կռված հերոսներին,- հայտնում է Past.am-ը:

Իր ողջույնի խոսքում «Ղարաբաղյան պատերազմի վետերանների միության» նախագահ Յուրի Միքայելյանը մասնավորապես նշեց. «Ողջունում եմ իմ մարտական ընկերներին, կռված տղաներին: Գիտեք, որ այսօր սահմանում վիճակը լարված է, եւ պատերազմն էլ վերջացած չէ: Ուզում եմ հայտնել, որ Երկրապահ կամավորական միության հետ «Ղարաբաղյան պատերազմի վետերանների միությունը» մշտապես կանգնած են դիրքերում մեր զինվորների կողքին՝ բարձր պահելով սահմանը պահող տղաների մարտական ոգին:

Հաշվի առնելով մեր ազատամարտիկների ներդրումը Արցախյան ազատամարտին և առհասարակ, Աբովյան քաղաքի բարելավմանը՝ ԵԿՄ-ի և «Ղարաբաղյան պատերազմի վետերանների միության» անունից հայտարարում ենք, որ Աբովյան քաղաքի հետագա զարգացման և բարեկեցիկ կյանքի ապահովման հարցը կապում ենք քաղաքապետի թեկնածու Արթուր Հարությունյանի (Պալաչի) հետ: Դա մեր կառույցների անդամների որոշումն է: Մենք որպես Աբովյանի քաղաքապետ տեսնում ենք Արթուր Հարությունյանին»:

Այնուհետ մի շարք երկրապահների հանձնվեցին շքանշաններ: «Հայրենիքի պաշտպանության համար» շքանշաններ հանձնվեցին։ Պարգև Գրիգորյանը և Սուրեն Ավոյանը ստացան «Հայրենիքի պաշտպանության համար» շքանշաններ, Յուրիկ Միքայելյանը և Վահան Հարությունյանը՝ «Կոտայք գումարտակի» ոսկե շքանշաններ: «ԵԿՄ 20-ամյակի մեդալի» արժանացավ Էդվարդ Անտինյանը: ԵԿՄ Վարչության նախագահի՝ Մանվել Գրիգորյանի կողմից պարգևատրվեց նաև Հաղթանակ Մխիթարյանը:

Արցախյան ազատամարտում իրենց մեծ ներդրումն ունեցած կանայք նույնպես գնահատվեցին: Արմինե Դավթյանը ստացավ «Մարտական գործողություններին մասնակից լինելու» համար մեդալ ԵԿՄ վարչութան նախագահ, գեներալ-լեյտենանտ Մ.Գրիգորյանի կոմից: Այնուհետ տեղի ունեցավ փոքրիկ համերգ: