Գեղարքունիքի մարզից դպրոցականների առարկայական օլիմպիադայի հանրապետական փուլին կմասնակցի 65 աշակերտ

Գեղարքունիքի մարզի հանրակրթական դպրոցներում ավարտվեց առարկայական օլիմպիադաների մարզային փուլը, ինչի արդյունքում օլիմպիադայի հանրապետական փուլին մասնակցելու իրավունք ձեռք բերեց 65 աշակերտ

Ինչպես  տեղեկացրեց Գեղարքունիքի մարզպետարանի աշխատակազմի ԿՄՍ վարչության կրթության բաժնի վարիչ Համբարձում Սաֆարյանը, ըստ սահմանված կարգի, մաթեմատիկա, ֆիզիկա, քիմիա, կենսաբանություն, աստղագիտություն, ինֆորմատիկա առարկայական օլիմպիադաների առաջին փուլը բոլոր դպրոցներում անցկացվել է առցանց եւ միասնական թեստով: Պատրաստի ձեւաթղթերն ուղարկվել են օլիմպիադաների անցկացման եւ համակարգման կենտրոն: Մասնակցողների ամենամեծ թիվը գրանցվել է աշխարհագրություն առարկայից:

Բնագիտական առարկաների արդյունքներն ամփոփվել են ՀՀ ԿԳ նախարարության հանրապետական հանձնաժողովներում: Բնագիտական առարկաների մրցումների արդյունքում մարզում մաթեմատիկա առարկայից գրանցվել է 1, քիմիայից 5, աշխարհագրությունից 9, կենսաբանությունից՝ 6 հաղթող:  Աստղագիտություն, ինֆորմատիկա, ֆիզիկա առարկաներից մարզի դպրոցականների շրջանում հաղթողներ չեն գրանցվել: Մնացած առարկաները՝ ռուսաց լեզու, հայոց լեզու, հայ եկեղեցու պատմություն, պատմություն, անգլերեն, ֆրանսերեն, գերմաներեն, հայ գրականանություն, նախնական զինվորական պատրաստություն, անցկացվել են գրավոր ձւեով: Հայոց լեզու առարկայից գրանցվել է 8 , հայ եկեղեցու պատմությունից 8, պատմությունից 8, ռուսերենից 8, անգլերենից 5, գերմաներենից 5, ֆրանսերենից՝ 2 հաղթող:

Հաղթող դպրոցականերն իրենց ուժերը կչափեն ՀՀ մյուս դպրոցականների հետ օլիմպիադաների հանրապետական փուլերում, որոնք սկսվել են մարտի 13-ից: