Սերժ Սարգսյանը «չախեց» Էրդողանին.«Հայկական ժամանակ»

«Հայկական ժամանակ» թերթը գրում է. «Ռուսական «Մեդուզա» կայքն օնլայն խաղ է ստեղծել՝ նվիրված ամերիկյան քաղաքականության մասին պատմող հայտնի «Թղթե տնակ» սերիալի չորրորդ եթերաշրջանին: Այն նման է հասարակ թղթախաղի, ուղղակի նկարներում պատկերված են ոչ թե մեզ հայտնի «վալետը», «կոռոլը» կամ «դաման», այլ աշխարհի տարբեր պետությունների լիդերներն իրենց վարկանիշներով:

Խաղի իմաստն այն է, որ այստեղ տարբեր երկրների նախագահներ, այդ թվում Սերժ Սարգսյանը, մրցում են միմյանց հետ իրենց վարկանիշներով: Քաղաքական գործիչները, որպես կանոն, միշտ չափվում են իրենց վարկանիշներով: Խաղը տեւում է երեք «պարտիա», որում հաղթելու համար անհրաժեշտ է տեղյակ լինել, թե ինչպիսի վարկանիշ ունեն երկրների ղեկավարաները:

Օրինակ՝ տարածաշջանում ամենացածր վարկանիշն ունի Սերժ Սարգսյանը՝ մոտ 58%, ամենաբարձրն Իլհամ Ալիեւը՝ 84,5%: Վրաստանի նախագահ Գեորգի Մարգվելաշվիլիի վարկանիշը կազմում է 62,1%:

Ինչպես եւ սպասելի էր, վարկանիշերի ամենամեծ պաշարն ունեն հետխորհրդային երկրների, մեղմ ասած, ավտորիտար երկրների ղեկավարները. Ղազախստանի նախագահ Նուրսուլթան Նազարբայեւ՝ 97,8%, Թուրքմենստանի նախագահ Գուրբանգուլի Բերդի Մուհամեդով՝ 97,1%, Ուզբեկստանի նախագահ Իսլամ Կարիմով՝ 90,4%, Բելառուսի նախագահ Ալեքսանդր Լուկաշենկո՝ 83,5% եւ Տաջիկստանի նախագահ Էմոմալի Ռահմոն՝ 83,9%:

Հատկանշական է, որ հետխորհրդային զորեղ լիդրեների շարքում բավականին «համեստ» դիրքերում է ՌԴ նախագահ Վլադիմիր Պուտինը՝ 63,6% վարկանիշով: Ըստ խաղի տրամաբանության, որտեղ թղթախաղի սեղանի մի կողմում համացանցից օգտվողն է, իսկ մյուս կողկում՝ «Թղթե տնակ» սերիալի հերոս Ֆրենսիս Անդերվուդը, Պուտինին «խփում» կամ «հաղթում» են ԵՏՄ երկրների ղեկարարներից միայն Նազարբաեւը եւ Լուկաշենկոն:

Սերժ Սարգսյանին եւ Ղրղզստանի նախագահ Ալմազբեկ Աթամբաեւին կարելի է «չախել» Պուտինով: Թղթախաղում Պուտինն անգամ զորեղ է Օբամայից ու Օլանդից, որոնց վարկանիշները հապատասխանաբար կազմում են՝ 51,1% եւ 51,6%: Այս խաղում Սերժ Սարգսյանով անգամ կարելի է Էրդողանի (վարկանիշը՝ 51,1%) «պորտը տեղը դնել»:

Առավել մանրամասն՝ թերթի այսօրվա համարում