20-ամյա սիրահարերի չիրականացած երազանքներն ու կոտրված ճակատագիրը․ նրանք կործանված ինքնաթիռում էին (լուսանկարներ)

Դուբայից Դոնի Ռոստով թռչող Բոինգ 737-800 ինքնաթիռի ուղեւորները ինքնաթիռում կիսվում էին տպավորություններով, հիանում տաք եղանակով եւ այլն։ Համենայն դեպս՝ դա է պատմում սեւ արկղերի ձայնագրությունը։

Ռոստովի համալսարանի ուսանողուհի Օլգա Կլիմենկոն ու նրա սիրեցյալ 20-ամյա սկսնակ գործարար Ալեքսանդր Բոժկոն երկար ժամանակ էր՝ ռոմանտիկ արձակուրդ էին պլանավորում։ Զույգը մեկ ամիս առաջ սկսել էր միասին ապրել, սա նրանց համատեղ կյանքի առաջին ու վերջին արձակուրդն էր։

 

Այսօր՝ մարտի 21-ին, Օլյան կդառնար 20 տարեկան։ Նրանց ընկերների խոսքերով՝ գեղեցկուհին միայն մի բան էր երազում՝ ողջ կյանքն անցկացնել սիրելիի կողքին։ Զույգը պատրաստվում էր ամուսնանալ։

 

Ալեքսանդրն ու Օլգան ծանոթ էին վաղ մանկությունից, սկզբում մտերիմ ընկերներ էին։ Երբ մահացավ Օլգայի մայրիկը, տղան նրան ոչ մի վայրկյան միայնակ չէր թողնում։ Արդյունքում մտերիմ ընկերներից նրանք վերածվեցին սիրահարների։

 

«Օլյան ասում էր, որ եթե Սաշան չլիներ, ինքը չէր դիմանա մոր կորստին։ Նրանց մեջ անկեղծ ու մաքուր սեր էր, նման մաքուր մարդիկ հիմա քիչ կան։ Նրանք չէին կարողանում նույնիսկ մեկ օր դիմանալ առանց մեկը մյուսի, պատրաստվում էին ամուսնանալ, երեխաներ ունենալ»,- պատմում է Օլյայի ընկերուհին։

 

Հիշեցնենք, որ Դուբայից Դոնի Ռոստով թռչող ինքնաթիռը կործանվեց օրեր առաջ՝ վայրէջքի պահին։ Վթարի արդյունքում 66 հոգի մահացան։

 

 

Պատրաստեց Past.am-ը: