Նման սեր ոչ ոք չէր տեսել․ ովքեր էին Ռոստովի կործանված ինքնաթիռի ուղեւորները (լուսանկարներ)

Դոնի Ռոստովում կործանված ինքնաթիռը 61 կյանք խլել։ Նրանցից յուրաքանչյուրն իր երազանքներն ուներ, պլանները, վախերն ու հույսերը։

Ուղեւորներից Լարիսա Ալլենը 46 տարեկան էր։

Ծնունդով Ուզբեկստանից՝ նա վազուց ապրում էր Ռուսաստանում, կոսմետոլոգ էր։ Ավելի ուշ նա ամուսնացել էր ու տեղափոխվել Դուբայ։

«Լարիսան Էմիրատներում էր ապրում, սակայն վերջրես մտածում էր Ռոստով վերադառնալու մասին։ Ապահովված ընտանիք էին, ամուսինն էլ էր գործարար, դստեր ամուսինն էլ։ Դուստրը շատ գեղեցիկ աղջիկ է, Դուբայում մոդել է աշխատում։ Նա հաճախ էր կրկնում, որ Աստված իրեն շատ լավ բաներ է տվել։ Դուբայ գնացել էր, քանի որ դուստրը երեխա էր ունենում։ Հիմա կրկին վերադառնում էր հայրենիք․․․»,- պատմել են նրա ընկերները։

Վիկտոր Բեսպեչնովը 53 տարեկան էր, սիրում էր կրկնել՝ նոր նոր սկսել է ապրել, երեխաներին մեծացրել է, թոռներով է ուրախանում։

«Ընկերների սիրելին էր, սիրում էր ճամփորդել, նրան ամբողջ Ռոստովը ճանաչում էր։ Այս անգամ էլ ընկերները համոզել էին Դուբայ գնալ։ Նա չէր ուզում, ընդդիմանում էր, բայց ի վերջո համոզեցին»,- պատմում են տղամարդու ծանոթները։ Վիկտորը հաջողակ գործարար էր, կին, երեխաներ ուներ։ Հայրը 85 տարեկան է, նրան ոչինչ չեն ասել որդու համար։ Վիկտորի կինն էլ Հոնկոնգ էր մեկնել՝ դստեր մոտ, սակայն տեղ հասնելուն պես իմացել է ամուսնու մահվան լուրը, օդանավակայանից էլ դուրս չի եկել, հետ է վերադարձել Ռոստով։ Վիկտորի հետ Դուբայ էին մեկնել նրա ընկերները՝ Օլեգ եւ Վիկտորիա ամուսնական զույգը, նրանց փոքրիկ որդի Կիրիլը, իսկ Վիկտորիան կրկին հղի էր․․․ նրանք բոլորը մահացել են։

Ռոստովի կործանված ինքնաթիռում էին նաեւ մտերմագույն ընկերներ 56-ամյա Գալինա Բոլգովան եւ 45-ամյա Լարիսա Ժեվեդը։

Նրանք երկուսն էլ լավ աշխատանք ունեին, ապահովված էին, ընտանիք, երեխաներ ունեին։ Ընկերուհիները հաճախ էին միասին ճամփորդության մեկնում, սիրում էին ճամփորդել։

Ողբերգական վթարի զոհ են դարձել ամուսիններ 40-ամյա Վալերի Գամովը եւ 42-ամյա Աննա Օսիպովան։

Աննայի դուստրը պատմում է, որ Վալերին իր խորթ հայրն էր, նրանք իրար այնքան էին սիրում, որ հնարավոր չէ պատկերացնել։ «9 տարի միասին ապրեցին, ոչ մի անգամ չեմ լսել, որ վիճեն իրար հետ կամ բարձր տոնով խոսեն։ Միշտ միասին էին, եւ միասին էլ գնացին հանգստի։ Ընդ որում, շատ պատահական որոշեցին գնալ, երկու օր առաջ որոշեցին ու թռան։ Ես երբեք չեմ տեսել մարդկանց, ովքեր իրար այդքան սիրեն»,- ասել է աղջիկը։

Մահացածների թվում էին նաեւ Ազովի շրջանի ղեկավարի կինն ու դուստրը՝ Վիկան ու Մարինան։

Վիկտորիա Բեվզյուկը 27 տարեկան էր, մեկ տարի առաջ էր ամուսնացել։ Ամուսնու հետ էին ցանկանում հանգստի մեկնել, սակայն նա չկարողացավ, ու նրա փոխարեն աղջկա մայրը գնաց․․․

Պատրաստեց Past.am-ը: