ԵՊՀ-ն ստեղծել է բուհ-ձեռնարկություն համագործակցությանը նպաստող պորտալ

 Երևանի պետական համալսարանն ստեղծել է բուհ-ձեռնարկություն համագործակցության ամրապնդմանը և զարգացմանը նպաստող պորտալ: ԵՊՀ պատմության թանգարանում պորտալի ներկայացմանը ներկա էին ԵՊՀ ռեկտոր Արամ Սիմոնյանը, համալսարանականներ, հայաստանյան այլ բուհերի կարիերայի կենտրոնների տնօրեններ, ինչպես նաև պետհամալսարանի գործընկեր կա զմակերպությունների ներկայացուցիչներ և ուսանողներ: Այս մասին «Արմենպրես»-ին տեղեկացրին ԵՊՀ հասարակայնության հետ կապերի և լրատվության վարչությունից՝ հավելելով. «ԵՊՀ ռեկտոր Արամ Սիմոնյանըողջույնի իր խոսքում նշեց, որ պորտալի ստեղծումը հնարավորություն կտա ավելի ամրապնդելու ուսանողների և գործարար աշխարհի միջև կապը. «Այն կարևոր գործիքկդառնա ոչ միայն համալսարանիվարչակազմի և ուսանողների, այլևգործատուների համար: Ակնկալվում է, որ այն կհեշտացնի նաև տեղեկատվության հվաքագրումը ևդասակարգումը: Մեզանում այսօր աշխատաշուկան դեռևս ձևավորված չէ, այն դեռ ճանապարհ ունի անցնելու,բայց մենք չենք սպասի, այլ կփորձենք այս կերպ աջակցել ու օգնել դրա կայացմանը»:

ԵՊՀ ուսանողների, շրջանավարտների և հասարակայնության հետ կապերի գծով պրոռեկտոր Ռուբեն Մարկոսյանը, ներկայացնելով ձեռնարկությունների հետ համագործակցության շրջանակներում ԵՊՀ-ում իրականացվող աշխատանքները, հույս հայտնեց, որ պորտալը կդառնա ուսանողների կողմից հաճախ օգտագործվող, աշխատաշուկայում նրանց մրցունակությանը նպաստող կարևոր ինտերնետային գործիք:

«Մենք մեր ռազմավարությամբ ամրագրել ենք ձեռնարկությունների հետ համագործակցության մի շարք գերակաուղղություններ, որոնցից են ձեռնարկությունների մասնակցությունը կրթական ծրագրերի մշակմանը ևիրականացմանը, պրակտիկաների կազմակերպումը, թափուր աշխատատեղերի համալրումը, լրացուցիչդասընթացների իրականացումը և այլն»,- ասաց Ռուբեն Մարկոսյանը:

Պարոն Մարկոսյանը հավելեց նաև, որ տեղեկատվական տեխնոլոգիաների տեսանկյունից այս գործիքը համարվում է պորտալ, քանի որ դրա տեղեկատվությունը միաժամանակ փոխլրացվում է մի շարք կայքերում:

http://ysu.am/cooperation պորտալում ներկայացված են ԵՊՀ գործընկեր ձեռնարկությունների տվյալների բազան՝ ըստ ոլորտների, ձեռնարկությունների հետ համագործակցության ֆակուլտետային խորհուրդների կազմը, իրականացված աշխատանքները, ինչպես նաև հայտարարություններ պրակտիկաների, աշխատանքային հնարավորությունների, դասընթացների վերաբերյալ: Պորտալի միջոցով լայն հանրությանը հասանելի կլինի նաև ԵՊՀ-ձեռնարկություններ փոխգործակցության գործընթացի վերաբերյալ առցանց հաշվետվությունը:

Շրջանավարտների և կարիերայի կենտրոնի տնօրեն Լիլիթ Հակոբյանն էլ ներկայացրեց ուսումնասիրության արդյունքները, թե ինչպես են արտասահմանյան առաջատար բուհերում աշխատում կարիերայի ուղղորդման ռեսուրսները:

Այնուհետև կենտրոնի աշխատակցուհի Արծվիկ Սարգսյանը տեսապատկերի միջոցով ներկաներին ցույց տվեց, թե ինչպես և ինչ գործառույթներ է իրականացնում Ձեռնարկությունների հետ ԵՊՀ համագործակցության պորտալը»: