Մանկավարժականի շրջանավարտներն իրենց գործերն են ցուցադրում Նկարիչների միությունում

 Հայաստանի նկարիչների միությունում բացվել է Խաչատուր Աբովյանի անվան հայկական պետական մանկավարժական համալսարանի շրջանավարտներն գործերի ցուցահանդեսը։ «Սա կարևորիրադարձություն է բուհի կյանքում, քանի որ շրջանավարտների աշխատանքների ցուցադրությունն այսպատվավոր ցուցասրահում երևույթ է և իսկական հաղթանակ հենց ուսանողների համար: Ես վստահ եմ, որ այնկդառնա ավանդույթ»,- ինչպես «Արմենպրես»-ին տեղեկացրին բուհից՝ նշել է Մանկավարժական համալսարանիռեկտոր Ռուբեն Միրզախանյանը՝ Նկարիչների միության ցուցասրահում մանկավարժականի ուսանողների ավարտական աշխատանքների ցուցահանդեսի բացմանը: ՀաղորդագÖ �ության մեջ նաև նշվում է. «Գեղարվեստական կրթության ֆակուլտետի Կերպարվեստի բաժնի  բակալավրիատի և մագիստրատուրայի շրջանավարտների տարբեր ժանրերի 137 աշխատանքից 82-ն այսօր ցուցադրվեց Նկարիչների միությունում:

Ռուբեն Միրզախանյանը, խոսելով բուհի ուսանողակենտրոն քաղաքականության մասին, վստահեցրեց, որ բուհը կձեռնարկի հնարավոր բոլոր քայլերը, որպեսզի  Բոլոնյան կրթական համակարգի պայմաններում ֆակուլտետի լավագույն ուսանողները հնարավորություն ունենան մեկ կիսամյակ սովորել աշխարհի առաջատար հաստատություններում:

Կերպարվեստի ամբիոնի վարիչ Փարավոն Միրզոյանն էլ նշեց, որ այս տարվա շրջանավարտների հաջողություններն ու նշանակալից այս օրը նրանց հետագա կյանքում նոր ճանապարհ կհարթի: Փարավոն Միրզոյանն ավարտական ցուցահանդեսը համարեց ուսումնառության տարիների լավագույն արդյունք:

 Նկարիչների միության նախագահ Կարեն Աղամյանը, բարձր գնահատելով ցուցադրված աշխատանքները՝ նկատեց, որ Նկարիչների միության  անդամների ցանկում մեծ թիվ են կազմում հատկապես Մանկավարժական համալսարանի շրջանավարտները, որն էլ  խոսում է բուհի որակի մասին:

«Այսօրվա ցուցահանդեսը երևելի երևույթ է, քանզի այս սրահում ցուցադրվել են հայտնի նկարիչներ. այստեղպատիվ ունենալ ցուցադրվելն ապացույցն է Մանկավարժական համալսարանի և ուսանողների գերազանցաշխատանքի: Շրջանավարտների մեջ կան ստեղծագործական մտքին և վարպետությանը տիրապետողուսանողներ, որոնք  անպայման կհարստացնեն մեր մշակույթը»,- ասաց  նկարիչների ավարտականատեստավորման քննությունների հանձնաժողովի նախագահ, վաստակավոր նկարիչ Հաղթանակ Շահումյանը:

Շրջանավարտ Ջուլիետա Խուդոյանը հինգ աշխատանք է ներկայացրել ցուցահանդեսում: «Ինձ համար մեծ պատիվ է, որիմ նկարներն այսօր այնտեղ են, որտեղ ցուցադրվել են հայտնի նկարչների աշխատանքերը: Նորաթուխնկարիչներիս համար այն պարտավորեցնող է, որպեսզի էլ ավելի կատարելագործենք մեր ունակություններն ու< b>նպատակ դնենք հետագայում հենց այս ցուցասրահներից մեկում հանդես գալ արդեն  անհատականցուցահանդեսներով»,- ասաց Ջուլիետա Խուդոյանը: Շրջանավարտները շնորհակալություն հայտնեցին ընձեռված հնարավորության համար:

Ցուցահանդեսը բաց կլինի մինչև հունիսի 13-ը»: