Ուժեղ քամին վնասներ է հասցրել Կոտայքի մարզի գյուղերին. պոկվել է Լուսակերտի թռչնաֆաբրիկայի տանիքը

Հայաստանի ԱԻՆ-ում հունիսի 11-ին, ժամը 16.44-ին ահազանգ է ստացվել, որ Նոր Գեղի գյուղում ուժեղ քամուց պոկվել է Լուսակերտի թռչնաֆաբրիկայի տանիքը. անհրաժեշտ է օգնություն:

Դեպքի վայր է մեկնել հրշեջ-փրկարարական ջոկատի օպերատիվ խումբը:

Պարզվել է, որ պոկվել է Ա. Կ.-ին պատկանող Լուսակերտի տոհմային թռչնաբուծական ֆաբրիկայի առանձին շինությունների տանիքի ծածկի ջերմամեկուսիչ շերտը (տոլ եւ փրփրապլաստ, մոտ 21000 քմ), էլ.ենթակայանի եւ պահեստի տանիքները (մոտ 250 քմ), արմատախիլ է եղել 15 ծառ, ջարդվել՝ 50 պատուհան, քանդվել՝ անասնագոմի պատը (մոտ 6 քմ), վնասվել՝ գազատար խողովակը, վերջինիս հետեւանքով տեղի է ունեցել արտահոսք. առկա է հրդեհի բռնկման վտանգ:

Դեպքի վայր է մեկնել մեկ մարտական հաշվարկ:

Հրշեջ-փրկարարներն իրականացրել են հերթապահություն մինչ գազի արտահոսքի դադարումը:

Գազի վթարային ծառայության աշխատակիցները դադարեցրել են գազի արտահոսքը եւ հրշեջ-փրկարարների օգնությամբ ուղղել գազատար խողովակը: 

***

Հունիսի 11-ին, ժամը 17.16-ին ահազանգ է ստացվել, որ քամուց պոկվել է  Կոտայքի մարզի Նոր Գեղի գյուղի Թեւոսյան փողոցի թիվ 140 հասցեում գտնվող անասնագոմի տանիքը. անհրաժեշտ է օգնություն:

Դեպքի վայր է մեկնել մարզային փրկարարական վարչության օպերատիվ խումբը:

Պարզվել է, որ պոկվել է Ս.  Ն.-ի անասնագոմի (մոտ 360 քմ) եւ 9 պատուհան, Ռ. Բ.-ի անասնագոմի (մոտ 50 քմ) եւ Ա. Դ.-ի անասնագոմի (մոտ 400 քմ) տանիքները, քանդվել է մոտ 20 քմ պարիսպ եւ պոկվել 2 էլ.սյուն: 

***

Հունիսի 11-ին, ժամը 16.47-ին ահազանգ է ստացվել, որ քամին պոկել է Կոտայքի մարզի Հատիս գյուղի 6-րդ փողոցի 2-րդ նրբանցքի թիվ 9 տան տանիքը. անհրաժեշտ է օգնություն:

Դեպքի վայր է մեկնել մարզային փրկարարական վարչության օպերատիվ խումբը:

Պարզվել է, որ պոկվել է Վ. Գ.-ին պատկանող օժանդակ շինության տանիքը (մոտ 32 քմ), Վ. Ա.-ի անասնագոմի տանիքը (մոտ 20 քմ) եւ 1 պատուհան, Մ. Վ.-ի տան տանիքը (մոտ 220 քմ) եւ փլվել օժանդակ շինության արտաքին պատը (մոտ 37 քմ):

***

Հունիսի 11-ին, ժամը 16.51-ին ահազանգ է ստացվել, որ Կոտայքի մարզի Ջրաբեր գյուղի 1-ին փողոցի թիվ 69 տան տանիքի որոշ հատված քամուց պոկվել է. անհրաժեշտ է օգնություն:

Դեպքի վայր է մեկնել մարզային փրկարարական վարչության օպերատիվ խումբը:

Պարզվել է, որ պոկվել է Է. Հ.-ի տան տանիքը (մոտ 150 քմ):