Դեպի մշակութային Օլիմպոսի նվաճում

Այն, որ Գագիկ Ծառուկյանը մշտապես եղել է երիտասարդների կողքին ու ամեն կերպ նրանց աջակցել` կայանալու և մեր երկրի պատիվն օտար ափերում բարձր պահելու համար, անհերքելի փաստ է: Նրա աջակցությամբ ու հովանավորությամբ հայկական սպորտի տարբեր ոլորտներ կարողացան ոչ միայն ոտքի կանգնել, այլև զարգանալ և վերականգնել հայ մարզիկների երբեմնի համբավը: Ու հենց Գագիկ Ծառուկյանի օժանդակության շնորհիվ սպորտի բնագավառում արդեն հպարտությամբ կարողանում ենք հաշվել միջազգային տարբեր մրցաշարերի ընթացքում նվաճած ոսկե, արծաթե ու բրոնզե մեդալները:

Ու դրանք օր օրի կավելանան, քանի որ մեր մարզիկները կարողանում են իրենց ուղղված այդ հոգատար վերաբերմունքի պատասխանն արժանապատվորեն ետ վերադարձնել: Արդյունքում՝ մի կողմից օտար ափերում հայոց օրհներգն է հնչեցվում, մյուս կողմից էլ հայրենի սպորտային ձեռքբերումների էջերն են հաղթանակներով լցվում:

Բայց միայն այս բնագավառում չէ, որ հայրենիքի նվիրյալ ու բարերար Գագիկ Ծառուկյանի շնորհիվ օտար ափերում հնչեցվում է Հայաստանի անունն ու մեր երկրի ներկայացուցիչներին հանձնվում խոշոր մրցանակներ:

Այս անգամ խոսքը Երևանի Թատրոնի և Կինոյի պետական ինստիտուտի Նիկոլայ Ծատուրյանի արվեստանոցի սաների կողմից գրանցած հաջողությունների մասին է, ովքեր «Գագիկ Ծառուկյան» բարեգործական հիմնադրամի աջակցությամբ վերջերս հնարավորություն ունեցան մասնակցել Սոչիում անցկացված «Пространство юных» ամենամյա միջազգային փառատոնին և հաղթել միանգամից 5 անվանակարգում:

Ամենայն հավանականությամբ այդ հաղթանակի հիմքում կրկին պատասխանատվության մեծ զգացումն է եղել, որի արդյունքում էլ դերասանական կազմին հաջողվել է գոհացնել թե՛ միջազգային ժյուրիի անդամներին, թե՛ իրենց ղեկավարներին և թե՛ նրանց աջակցող հիմնադրամի ղեկավարներին:

Ի դեպ, առաջին անգամը չէ, որ Գագիկ Ծառուկյանը ձեռք է մեկնում, օգնում և օժանդակում է արվեստի ու մշակույթի գործիչներին: Շատերը նրա շնորհիվ նախկինում նույնպես կարողացել են ներկայանալ միջազգային այս կամ այն հարթակներում, ինչպես նաև ներկայացնել մեր երկիրն ու երկրի մշակույթը: Նման մոտեցումը ոչ միայն անսահման երախտիքի և հպարտության զգացումն է ավելացնում, այլ նաև յուրաքանչյուր հայի մոտ էլ ավելի է մեծացնում հարգանքը մեծահոգի այդ հայորդու հանդեպ: Քանի որ ինչպես սպորտում, այնպես էլ մշակույթում մեծ թռիչքներն են հաջողություններ բերում, իսկ մեծ թռիչքների համար հզոր ձեռք ու հովանավոր է պետք:

Նման դեպքերում մնում է միայն ասել՝ սպորտից բացի արդեն կարող ենք մշակույթում էլ Օլիմպիական բարձունքներ նվաճել, քանի որ այլևս երիտասարդ արվեստագետների մեջքը նույնպես ամուր է, քանի որ նրանց մեջքին է Գագիկ Ծառուկյան հայրենասերը:

Արամ Հակոբյան