Փողոցում լուսանկարվելու 5 լավագույն դիրքերը

Լավ լուսանկարներ ստանալու համար անհրաժեշտ է մի քանի պայման. համապատասխան միջավայր, հմուտ լուսանկարիչ և այլ նպաստավոր հանգամանքներ:

Սակայն փողոցում նկարահանվելու համար առանձնահատուկ դեր են խաղում դիրքերը, քանի որ դրանք ընդգծում են արտաքինի վառ, հիշարժան հատկանիշները և ճկուն կերպով քողարկում այն աննշան թերությունները, որոնք ձեր դուրը չեն գալիս: Հասկանալի է, որ կեցվածք պետք է ընդունել նաև այն դեպքում, երբ լուսանկարահանումը տեղի է ունենում շենքի ներսում: Սակայն այսօր կխոսենք փողոցային դիրքերի մասին:

Փողացում կանանց լուսանկարահանման համար առաջարկվում է մի քանի տարբերակ.

1) «Հաղթական»

Այս դիրքն ընդգծում է այն, որ աղջիկը գտնվում է ուշադրության կենտրոնում: Անհրաժեշտ է մեկ ոտքը ծնկից ծալել և այն մի փոքր բարձրացնել՝ միաժամանակ վեր բարձրացնելով ձեռքերը կամ դրանք տարածել դեպի կողք: Կուրծքը պետք է ձգված լինի և մի փոքր առաջ թեքված, իսկ կզակը՝ մի փոքր վեր։ 

2) «Սուպերմոդել»

Սա փողոցում նկարվելու շատ լավ դիրք է հատկապես աշնանը: Օրինակ, հարկ է մարմնի ծանրությունը վերաբաշխել մեկ կոնքի վրա՝ այն մի փոքր կողք տանելով: Ձեռքը նույնպես պետք է կոնքին դնել: Նման դիրքի համար կան մի քանի տարբերակներ. այսպես՝ կարելի է ընդամենը կանգնել կիսաշրջված, ինչը էապես կփոխի ընդհանուր պատկերը:

 

3) «Խաչուփաչ»

Փողոցում լուսանկարահանվելու մեկ այլ գեղեցիկ դիրք թույլ է տալիս միաժամանակ արտահայտել թե համարձակություն, թե յուրահատկություն: Կատարման ընդհանուր տեխնիկան չի տարբերվում նախորդ դիրքից, սակայն այս դեպքում ոտքերը պետք է խաչված լինեն: Դա նշանակում է, որ մի ոտքը, ծնկից ծալված լինելով, առաջ է դրվում, իսկ երկրորդը՝ ուղիղը, առաջինի համար որպես հենք է ծառայում: Այս դեպքում ձեռքերը պետք է թուլացած լինեն, կարելի է մեկ ձեռքը դնել կոնքին:

4) Առարկային հենված

Այսպիսի դիրքը կնոջը թույլ է տալիս բոլորովին անբռնազբոս տեսք ունենալ: Կատարման համար պետք է գտնել համապատասխան հենման կետ (այս դերը կարող է կատարել ցանկացած մակերես՝ լինի դա դուռ կամ ճարտարապետական սյուն): Այս դեպքում էլ կարելի է ոտքերը խաչել կամ էլ օգտվել նախորդ դիրքից:

5) «Կիրճ»

Ինչպես երևում է դիրքի անվանումից, այն վերցված է մոդելային զինանոցից: Փողոցում այսպիսի դիրքով նկարվելու ամենանշանակալի արդյունքն այն է, որ կերպարին շարժունակություն է հաղորդում: Դիրքի ընդունման ճիշտ տեխնիկան ենթադրում է.

 

1. գլուխը մի փոքր իջեցված է,
2. մեջքը կորացած է,
3. մարմինը, ինչպես նաև ոտնաթաթերն ողղված են դեպի ֆոտոխցիկը, կարծես թե ուզում եք հեռանալ:

 

Կարևոր է, որ գլուխը չափից դուրս չկախվի, հակառակ դեպքում տպավորություն կստեղծվի, որ դուք ձեր կոշիկներն եք ուսումնասիրում կամ էլ՝ դեմքն եք թաքցնում:

«Իսկ եթե ընկերուհո՞ւ հետ եք»

Երկու ընկերուհիների լուսանկարները բավականին հետաքրքական են ստացվում. վառ-խաղարկային կամ էլ՝ խորհրդավոր-կրքոտ կերպարները լուսանկարին կարող են աննկարագրելի կենդանություն հաղորդել: Եվ, եթե մտերիմ ընկերուհի ունեք, ապա ինչո՞ւ հրաշալի ֆոտոշարք չնկարահանել:

Ինչպիսի՞ն կարող են լինել ընկերուհու հետ փողոցում լուսանկարվելու դիրքերը: Նախ` կարելի է սկսել դիմանկարներից: Հատկապես հետաքրքիր տարբերակներ ստացվում են տաք եղանակին, երբ կարելի է պառկել խոտի վրա:

Ոչ ստանդարտ են նայվում այն լուսանկարները, որոնցում ընկերունիներից մեկի պատկերը հստակ է երևում, իսկ մյուսինը` ուրվագծերով:

Ձմռանը փողոցում կարելի է լուսանկարվել հետևյալ տարբերակով. երկու ընկերուհիները կանգնած են միմյանց ձեռքը բռնած: Նրանց մտերմության ամրությունը կարելի է ի ցույց դնել այն դեպքում, եթե նրանք լուսանկարում պատկերված են առանց վերնահագուստի, ընդ որում՝ ձյուն գալիս:

Կարելի է նաև դրամատիկ կերպար ստեղծել. այդ դեպքում ընկերուհիները պետք է կանգնած լինեն մեկը մյուսի ետևում, իսկ հագուստի մեջ և խորապատկերում պետք է գերակշռեն մուգ գույները:

Աղբյուր` LADYNEWS.am