7 բան,որ այլևս չի տպավորում

Wnews.am-ը ներկայացնում է գրող Ջոշուա Բեքերի հոդվածը։

Ես աշխահն այլ կերպ սկսեցի տեսնել, երբ որոշեցի բավարարվել իրերի քիչ քանակով։
Ես այլ դիտանկյունից սկսեցի նայել, թե ինչպես է հասարակությունը որոշում հաջողության չափանիշը։
Հաճախ նրանք, ովքեր աշխատում, ծախսում եւ կուտակում են փողեր, սկսում են «հաջողակ» համարվել, սակայն դա ճիշտ չէ։
Ես շատ հոյակապ մարդկանց գիտեմ, ովքեր որոշել են չֆիքսվել նյութականի վրա եւ հենց դրա համար էլ հաջողակ չեն համարվում։
Մեր մեջ խորապես արմատավորվել է հասարակությունից կախվածությունը այդ պատճառով էլ շատերն իրենց ավելի «արժանի» զբաղմունք են գտնում։ Ահա այն երեւույթների ցանկը, որոնք ինձ վրա այեւս տպավորություն չեն թողնում։

1. Բրենդային հագուստ
Ես երբեք չեմ հասկացել, թե ինչու է հագուստի բրենդային լինելն այդքան կարեւոր։ Հաճախ մարդիկ մեծ գումարներ են ծախսում, որպեսզի հնարավորություն ունենան դառնալ այսինչ կամ այնինչ ապրանքանիշի «գովազդային վահանակը»։ Ինձ չեն կարող զարմացնել վերնաշապիկի, դրամապանակի կամ ժամացույցի պիտակները։

2. Զարդերի կարատների քանակը
Իմ նոր գրքում Բրայնի եւ Նիկոլի մասին գլուխ կա, ովքեր ամուսնացած են արդեն հինգ տարի եւ ամեն օր իրենց ինչ-որ բանից զրկում են, որպեսզի մարեն հարսանեկան մատանու պարտքը։ Գուցե ինչ-որ մեկը հիացել է նրանց մատանու քարի չափով, սակայն մեծամասնությունն այն անգամ չի էլ նկատել։

3. Ավտոմեքենայի գինը
Իհարկե, ավտոմեքենայի անվտանգությունը շատ կարեւոր է, հատկապես որ դրանում երկար ժամանակ ենք անցկացնում, սակայն այժմ լյուքս դասի կամ սպորտային ավտոմեքենաներն ավելին են դարձել, քան պարզապես տեղափոխման միջոց։

4. Տան մակերեսը
Սեփական տունը կայունության եւ հանգստության հիմքն է, եւ ես ինքս շատ հպարտ էի, երբ ընտանիքիս համար տուն գնեցի, սակայն մի քանի տարի առաջ մենք տեղափոխվեցինք ավելի փոքր տուն, եւ ես երբեւէ չեմ ափսոսել իմ այդ որոշման համար։ Երբ անցնում եմ մեծ դղյակների կողքով, հիշում եմ, թե որքան երջանիկ էինք մեր փոքրիկ, բայց հարմարավետ տանը։
5. Բանկային հաշվի չափը
Հաջողության չափորոշիչը համարվում է կարողության չափը։ Մենք առաջինը չենք, ով այդպես է մտածում։ Իսկ գուցե բանկային հաշվի գումարը ամենեւին էլ չի՞ համարվում հաջողության չափորոշիչ։

Գուցե լավ գործերի քանակը, որոնք մենք ունակ ենք իրականացնել կյանքի ընթացքում, ավելի՞ լավ չափորոշիչներ են։

6. Հեռախոսի մոդելը
Օրեր առաջ զբոսնում էի այգում երեխաներիս եւ նրանց ընկերների հետ։ Ինձ զարմացրեց այն, որ երեխաներն ավելի շատ խոսում էին հեռախոսի մոդելից։ 10 տարեկանից փոքր երեխաներն իրենց ժամանակը վատնում են հեռախոսի մոդելը քննարկելու վրա։ Իհարկե մեծահասակներն էլ դրանից հեռու չեն։

7. Սոցիալական ցանցերում լուսանկարները
Գրեթե յուրաքանչյուրը սոցիալական կայքում հրապարակում է իր գեղեցիկ կյանքի լուսանկարները. նոր զգեստի կամ ռեստորանային սննդի, համերգի կամ ինքնաթիռի թեւերի եւ այլն։
Հետաքրքիր է, որ մենք գլամուրային ամսագրերին եւ գովազդային ընկերություններին մեղադրում ենք ֆոտոշոփի օգտագործման մեջ, այն դեպքում, երբ մենք ինքներս ենք խմբագրում մեր լուսանկարները մինչ հրապարակելը։
Եկեք փորձենք տպավորություն թողնել եւ շրջապատին ոգեշնչել ոչ թե մեր իրերով, այլ սեփական կյանքով ու փորձով։