Սովորություններ, որոնք կնճիռների առաջացման պատճառ են դառնում

Մաշկի, ինչպես նաև ողջ օրգանիզմի ծերացումը, ցավոք սրտի, անդառնալի գործընթաց է։ Ոմանց մոտ այն վաղ է սկսվում, ուրիշների մոտ՝ ավելի ուշ, սակայն դրանից խուսափել դեռ որևէ մեկին չի հաջողվել։

Այդպիսին է մեր բնույթը։ Եվ որքան էլ դա տխուր է, սակայն մենք բոլորս վաղ թե ուշ մեզ մոտ հայտնաբերում ենք ծերության առաջին հայտանիշները, որոնք, ավելի հաճախ, առաջին հերթին ի հայտ են գալիս մեր մաշկի վրա։

Ինչպես հայտնի է՝ դեմքի մաշկն իր կազմությամբ զգալիորեն տարբերվում է մնացած մաշկային ծածկույթից՝ լինելով ավելի բարակ և խոցելի։ Եվ հենց դիմքի մաշկի վրա են ի հայտ գալիս ծերության առաջին նախանշանները։ Երբեք կնճիռներն այսքան հասանելի չեն եղել, որքան անկասելի ուրբանիզացիայի, սթրեսների ու խանութների ցուցափեղկերում առկա ձևվափոխված մթերքների այս ժամանակաշրջանում։

Շատ հեշտ է վաստակել խորը և ակնհայտ կնճիռներ․ պարզապես մերօրյա իրականության ողջ դժվարություններին ավելացրեք մի քանի անմեղ առօրյա սովորություն։ Օրինակ այնպիսիք, ինչպիսիք են․

«Դեմքով բարձին» քնելը

Ծիծաղելի է հնչում, սակայն մեր դեմքը նույնպես ճմրթվում է, կոտրատվում և կորցնում է իր տեսքը։ Ամեն գիշեր դեմքի մաշկը կոպիտ բամբակյա բարձով ձգելով, դուք ամեն ինչ անում եք, որպեսզի արագացնեք կնճիռների հայտնվելը։ Նաև՝ ժրաջանորեն զարգացնում եք դեմքի ասիմետրիան։ Ամենասովորական պայմաններում դա հետևյալ տեսքն ունի․ մեկ աչքով դուք նմանվելու եք փորձաշրջան անցնող քսանամյա աշխատակցուհու, իսկ մյուսով՝ կեղտոտ ափսեներից ու ամուսնու խռմփոցից հոգնած քառասունամյա կնոջ։

Եթե քնում եք անկողնու մեջ ընկղմելով ձեր կանացի էության ամբաժանելի մասը, ապա գոնե բարձի երեսը փոխեք մետաքով։ Այս սպիտակեղենի հարթ մակերեսը մի փոքր կմեղմի իրավիճակը։

Դեկորատիվ կոսմետիկայով տարվելը

Երտասարդ մաշկը շնչող է։ Այս աքսիոմը կրկնեք ամեն անգամ, երբ մտածում եք՝ արժե՞ արդյոք քսել թե հիմքը, թե տոնայինը, թե քողարկողը, թե բրոնզերը, թե ինքնաարևայրուքը։ Գուցե այսօր կարելի՞ է առանց բրոնզերի։

Գիշերը դիմահարդարումը չմաքրելը

Գեղեցիկ տղամարդը, ով բանաստեղծորեն քուն է մտնում ձեր գրկում դեռևս առիթ չէ, որպեսզի հետաձգեք լոգարան գնալու ամենօրյա սովորությունը։ Թախծոտ արցունքները, որոնք թափվում են «Հիշողության օրագրերը» կարդալիս, դիմահարդարմը մաքրող հեղուկ երբեք էլ համարել չի կարելի։

Ձեր մաշկը հիշողության հետ կապված խնդիրներ չունի․ եթե անգամ դուք մոռացել եք լվացվել, այն, միևնույն է, դա գիտե։ Եվ մի գեղեցիկ օր ձեզ ի ցույց կդնի այդ թեթևամիտ մոռացկոտության հետևանքները։

Մինչև 40 մաշկի խնամքը ավելորդ համարելը

Եթե անգամ ձեր մաշկը յուղոտ է, այն պետք է խոնավեցնել։ Եթե անգամ կնճիռներ չունեք, դրանց դեմ արդեն իսկ պետք է սկսել պայքարել։ Արևայրուքն ու հատուկ սննդակարգերը, որոնք ձեզ այսօր հմայիչ են դարձնում, տասը տարի անց կդարձնեն ճմրթված պառավ։

Առողջությունը և կրթությունն այն երկու ուղղություններն են, որոնցում դեռևս հարկ է գումար ներդնել։ Այտերին քսած ձիթապտղի յուղը չի փոխարինի ճիշտ ընտրված հակատարիքային կրեմին։ Խնամքը մի փոքր ավելին է, քան դեզադորանտի կամ С վիտամին պարունակող դիմափոշու օգտագործումը։

Եթե ձեր կնճիռները նկատելի կլինեն անգամ տասը ժամ քնից կամ երկշաբաթյա արձակուրդից հետո, դրանց դեմն առնելն արդեն ուշ կլինի։ Սա, ամեն դեպքում, ի նկատի ունեցեք։

Աղբյուր` LADYNEWS.am