Կապիկի տարի. Համատեղելիություն այլ նշանների հետ

Անկախ նրանից, թե ով է նրա ուղեկիցը, Կապիկը շատ երեխաներ ունենալու միտում ունի՝ չնայած ըստ էության Կապիկը Ճագար չէ:

Առնետն ու Կապիկը: Նրանք յուրօրինակ ու բոլոր առումներով զվարճալի զույգ կկազմեն: Չնայած նրանց փոխհարաբերությունները կարող են մռայլվել տանը գլխավորը լինելու համար մշտական վեճերով:

Ցուլն ու Կապիկը: Կապիկը կարող է հրապուրել հանգիստ ու մելանխոլիկ Ցուլին, բայց Ցուլը Կապիկի նշանի ներկայացուցչի հետ իրեն հանգիստ չի զգա:

Վագրն ու Կապիկը. Վագրի ու Կապիկի միջեւ ցանկացած դաշինք՝ սիրային, թե գործնական կհանգեցնեն մշտական վիճաբանությունների ու բարկության բռնկումների, մի խոսքով՝ սարսափելի խառնուրդ է: Նման դաշինքը կարող է նույնիսկ Կապիկին իսկական դահիճից զոհի վերածել, եւ մի լավ օր վագրը կարող է իրոք կուլ տալ նրան:

Կատու / Ճագար եւ Կապիկ: Որքան Կապիկն է հոգնեցնում Կատվին, այդքան էլ Կատուն է բարկացնում Կապիկին: Իհարկե, նման միություն հնարավոր է, բայց այն շատ անկայուն կլինի:

Վիշապն ու Կապիկը: Կապիկը կարող է լավ միություն կազմել Վիշապի հետ: Կնվիրաբերի նրան իր խորամանկությունը, բայց կօգտվի նրա հզորությունից: Նրանք կարող են նաեւ լավ գործընկերներ լինել, չնայած Կապիկը միշտ գաղտնի կձգտի խաբել Վիշապին:

Օձն ու Կապիկը: Կապիկին հաջողվում է ծաղրել Օձին, որը սակայն համբերատար ու ճկուն արարած է ու կարող է խորը թաքցնել իր վիրավորանքը եւ վրեժխնդիր լինել:

Ձին ու Կապիկը: Կապիկը կարող է հեծել Ձիուն ու նույնիսկ քշել որոշ ժամանակ, բայց նրանք շատ արագ կձանձրացնեն իրար:

Այծն ու Կապիկը: Կապիկի ծաղրական բնավորությունը չի խանգարի, որ նա դառնա սառնասիրտ ու գործնական գեղեցկուհի Այծի նկատմամբ կրքի զոհը:

Կապիկն ու Կապիկը: Երկու ճղճղանների եւ զվարճասերների միանգամայն կենսունակ միություն: Շուտով նրանք երկու տարբեր արմավենիներ կմագլցեն, ինչը չնայած չի խանգարի, որ նրանք իրար հետ հրաշալի հարաբերություններ պահպանեն:

Աքաղաղն ու Կապիկը: Երկու տարաբնույթ, այնուամենայնիվ իրար նկատմամբ բավականին բարյացակամ արարածների գերազանց ու միանգամայն կայուն միություն:

Շունը եւ Կապիկը: Մեկն անընդհատ կհաչա՝ կարգուկանոնի կոչ անելով, իսկ մյուսն էլ բարձր ծառի վրայից կապիկություններ կանի: Էլ ի՞նչ սիրո մասին է խոսքը:

Խոզն ու կապիկը: Ով էլ որ լինի նրա կողակիցը, Կապիկը շատ երեխաներ ունենալու միտում ունի: Եվ այս միտումը շատ ավելի արտահայտված կլինի Խոզի հետ նրա միությունում:

Սեքս

Կապիկի նշանի տակ ծնված մարդուն իմաստ չունի պաշտել, հետապնդել, գայթակղել կամ էլ բռնաբարել: Կապիկն ինքն է իր համար զուգընկեր ընտրում ու միայն նրա հետ է դրսեւորում իր ամբողջ կրքոտությունը: Մյուսների հետ նա սառն է, անմատչելի, քմահաճ ու քամահրական: Նա քմահաճ է ու պահանջկոտ, ոչ բոլորը կարող են հարմարվել նրա անհավասարակշիռ, կրքոտ ու քմահաճ բնավորությանը: Նրա հետ շփումը մեծ համբերություն է պահանջում: Նա պոլիգամիկ է, այսինքն կարող է միաժամանակ մի քանի զուգընկեր ունենալ ու միաժամանակ նրանց հավատարիմ լինել: Նա բազմաթիվ զուգընկերների կարիք ունի, բայց միաժամանակ ամուր կառչում է նրանցից յուրաքանչյուրին: Ովքեր նրան սեքսուալ իմաստով չեն հետաքրքրում, դառնում են նրա ծաղրուծանակի առարկան: Իսկ նրանց, ում Կապիկն ինքն է ընտրում, նա կարող է հաճույքի ծով նվիրել,այն պայմանով, որ նրանք չեն փորձի վերահսկել իրեն: Նա իր մարմինը գնահատում է որպես արժեքավոր գործիք, որը նախատեսված է բացառապես վիրտուոզների համար: Սեքսով նա սիրում է զբաղվել ամենուրեք ու երկարատեւ՝ վայելելով այն լիակատար անկաշկանդ մթնոլորտում, միշտ առաջնորդվելով այն սկզբունքով, որ սեքսը բավականության աղբյուր է: Նա կարող է սեքսից հետո դեռ եւս մի քանի օր գրգռված մնալ: Ընդ որում, պարզունակ սեքսը նրա համար նույնպես շատ հետաքրքիր է։:

Աղբյուր՝ people-publishing.com

NEWS.am STYLE