Խոստանում է մինչ տարեվերջ լուծել աշխատավարձերի ուշացման խնդի... ՀԱՍԱՐԱԿՈՒԹՅՈՒՆ
«Թաղային» տեղեկատվական «բազարներ». «Փաստ» ՀԱՍԱՐԱԿՈՒԹՅՈՒՆ
Վարորդական վկայական «գնելու» թեման փակվե՞ց. «Փաստ» ՀԱՍԱՐԱԿՈՒԹՅՈՒՆ
Անի Զախարյանը դեռ ուսումնասիրում է Փաշինյանի կառավարության ա... ՀԱՐՑԱԶՐՈՒՅՑ
Հայկ Սարգսյան. «Թալանածը պետք է հետ բերել, բայց զարգացման տե... ՀԱՐՑԱԶՐՈՒՅՑ
Երևան, 23.Հուլիս,
00
:
00
:
00
Փոխարժեք
478.65
$
560.79
Դավիթ Տոնոյանը չի բացառում ՌԴ սահմանապահ զորքերի կարգավիճակի մասին պայմանագրի որոշ դրույթների վերանայումը Խոշոր ավտովթար Ձորաղբյուրում. բախվել են Հայաստանի քննչական կոմիտեի վարչություններից մեկի պետի Hyundai-ն և Jeep-ը. 5 վիրավորներից 4-ը երեխաներ են Իրանում տեղի ունեցած երկրաշարժի հետևանքով տուժել է 146 մարդ Ջրհեղեղների պատճառով Վիետնամում զոհվել է 10 հոգի (տեսանյութ) Քաղաքացին նետվել է Դավիթաշենի կամրջից. ահազանգ ԱԻՆ-ում Արագածոտնում Կնյազը փախցրել է իր հավանած 17-ամյա աղջկան, բայց հայտնվել է գաղութում «Հաղթանակ» կամրջից քաղաքացի է նետվել «Վարդենիս» նյարդահոգեբանական տուն-ինտերնատում 45-ամյա տղամարդը փորձել է մկրատով սպանել իր թուշը կծած հիվանդին Սամցխե-Ջավախքի Գանձա գյուղում կայացել են Տերյանի պոեզիային նվիրված միջոցառումներ Գերմանիայի կանցլերի գրասենյակը դեռևս չի մեկնաբանում Հայաստան Մերկելի հնարավոր այցի մասին տեղեկությունը Մխիթարյանը «Արսենալ»-ի հետ ժամանել է Սինգապուր Այս պահին հանգիստս եմ անցկացնում Եվրոպայում. Ռուբեն Թաթուլյան Ռուսաստանն ամբողջությամբ Հայաստանին է տրամադրել վարկային համաձայնագրով նախատեսված սպառազինությունը Բասկետբոլի հավաքականը 21-րդն է Եվրոպայում Խաղեր, մրցույթներ, երաժշտություն. «Յելլ էքսթրիմ Պարկ»-ը մեծ շուքով նշեց ծննդյան երրորդ տարեդարձը Դավիթ Տոնոյանը չի բացառում ՌԴ սահմանապահ զորքերի կարգավիճակի մասին պայմանագրի որոշ դրույթների վերանայումը Իրանում երկրաշարժ է գրանցվել ՀՀ պաշտպանության նախարարը Փանիկում փակ քննարկում է անցկացրել ՌԴ 102–րդ ռազմակայանի հրամանատարի հետ «Վեոլիա Ջուր»-ն Արարատի մարզում վթարային ջրանջատում է կատարել Աստղաշենը շուտով նոր ջրագիծ կունենա. ԱՀ պետնախարար Մարտիրոսյանը ընդունել է SPFA-ի ներկայացուցիչներին

Վահագն Խաչատրյան. «ՀՀ-ում տեղի ունեցող գործընթացները հակասահմանադրական են»

ՀԱԿ անդամ Վահագն Խաչատրյանի կարծիքով համաշխարհային պրակտիկան ցույց է տալիս, որ ձեռնարկությունները սնանկացման գործընթաց սկսելով հնարավորություն են ստանում որոշակի ժամանակով կանգնեցնել ֆինանսական պարտավորությունները և կորցրածը վերագտնելու ուղիներ գտնել, սակայն հայկական իրականությունում ամեն ինչ բոլորովին այլ է:

«Շուկան սիրում է կարգ ու կանոն, շուկան սիրում է օրենքի կիրառում բոլորի նկատմամբ: Հայաստանի Հանրապետության ամենամեծ թերությունն այն է, որ օրենքը բոլորի հանդեպ  ոչ թե հավասար, այլ ընտրովի է կիրառվում: Դրա պատճառն այն է, որ մեզ մոտ տնտեսական գործունեության մեջ քաղաքական գործոնի ազդեցությունը շատ մեծ է: Եվ եթե որևէ գործարար փորձում է ինքնուրույն իր սեփական տեսակետն արտահայտել, շատ արագ պատժվում է»,- past.am-ին ասաց տնտեսագետ-քաղաքական գործիչը:

Ըստ նրա, մեր երկրում սա ընդունված պրակտիկա է և բիզնեսի հաջողությունն ավելի շատ պայմանավորված է քաղաքական գործոնով, ոչ թե բիզնես առավելություններով: Եվ եթե բիզնեսի սեփականատերը ինչ-որ մի ժամանակ սկսում է չբավարարել իշխանության քաղաքական նպատակները, սկսում է անհաջողություններ ունենալ:

«Երբ իշխանությունների ու գործարարների ճանապարհներն ինչ-որ մի տեղ շեղվում են, բիզնեսը անհաջողության է մատնվում: Եվ սնանկացման գործընթացների վերլուծություն կատարելու դեպքում նույնպես կհանգենք այդ եզրակացության: Եվ երբ քաղաքական իշխանության խնդիրը ոչ թե տնտեսության ընդհանուր զարգացումն ու երկրի բարեկեցության բարձրացումն է, այլ միայն իշխող քաղաքական վերնախավի, այսինքն՝ մի խումբ մարդկանց բարեկեցությունը սպասարկելը, ապա տնտեսական զարգացման մասին խոսելն անիմաստ է: Ուստի, մեր երկրում չեն կարող ազատ շուկայական հարաբերություններ զարգանալ քաղաքականության և տնտեսության սերտաճման պատճառով»,- համոզված է Վ. Խաչատրյանը:

Քաղաքական գործչի դիտարկմամբ, պատկերն առավել մռայլ է դառնում քաղաքական դաշտի միակուսակցական համակարգի պայմաններում, քանի որ ստացվում է՝ պետական ինստիտուտները և քաղաքական ուժը նույնն են:

«Սա Խորհրդային Միության մոդել է, որի միջով մենք անցել ենք և արդյունքը տեսել, բայց խնդիրն այն է, որ այն հակասում է պետության կողմից ընդունած Սահմանադրությանը: Եվ եթե Խորհրդային Միության Սահմանադրության 6-րդ հոդվածում ամրագրված էր միակուսակցականության հանգամանքը, ապա գործող Սահմանադրությամբ նման դրույթ չկա: Այսինքն,  ՀՀ-ում տեղի ունեցող գործընթացները հակասահմանադրական են բազմակարծության, բազմակուսակցական համակարգ չլինելու պատճառով: Սա է իրականությունը և եթե այս գործելաոճը շարունակվի, ապա այն որևէ լավ բանի չի բերի»,- համոզված է Վ. Խաչատրյանը:

Նրա  կարծիքով վերջին ՏԻՄ ընտրությունները նույնպես ևս մեկ անգամ փաստեցին, որ Հայաստանում ընտրական համակարգը չի գործում:

«Ընդհանրապես ազատ շուկայական հարաբերությունների ամենամեծ ցուցիչն այլընտրանքի հնարավորությունն է, բայց մեզ մոտ տնտեսական և քաղաքական մենաշնորհ է: Եվ այդ պատճառով էլ սնանկացման գործընթացն իրականացնող ինստիտուտներն էլ չեն աշխատում, որովհետև նույն այդ քաղաքական գործընթացների հետևանք են:

Այս փակ շրջանից դուրս գալու միակ հույսը Վ. Խաչատրյանի կարծիքով Եվրամիության հետ ասոցացման համաձայնագրի կնքումը կարելի է համարել, որի արդյունքում Հայաստանի առջև հստակ պարտավորություններ կան դրված, որոնք ուզած, թե չուզած պետք է իրականացվեն:

«Բայց ցավալի է, որ մեր հույսը կրկին դնում ենք եվրոպական կառույցների վրա: Ես չէի ցանկանա, որ այդպես լիներ: Բոլորովին պետք չէ նաև ընդդիմությանը համախմբելու արհեստական քայլեր ձեռնարկել: Իրականում բոլորը պետք է ճանապարհներ փնտրեն՝ ստեղծված իրավիճակից դուրս գալու համար, իսկ թե ընդդիմությունն ինչ որոշում կկայացնի դժվար է ասել, բայց որ բոլորն էլ անհանգստանում են միանշանակ է»,- ասաց Վ. Խաչատրյանը:

Արմինե Գրիգորյան

website by Sargssyan