Դատավորները չեն կարողանում առանց մեսիջի կողմնորոշվել. «Փաստ» ՀԱՐՑԱԶՐՈՒՅՑ
«Մեկի հնարավորությունը մեծ է՝ մեծ է գողանում, մյուսի հնարավո... ՀԱՐՑԱԶՐՈՒՅՑ
Կոռնիձորի Արո. «Ո՛չ կողքի բլինդաժի Վարդանին, ո՛չ քեզ, բայց ա... ՀԱՐՑԱԶՐՈՒՅՑ
Իսրայելցի զինվորականները Թել Ավիվում և Երուսաղեմում պայթյուն... ՄԻՋԱԶԳԱՅԻՆ
Մահացել է Իգոր Մուրադյանը ՀԱՍԱՐԱԿՈՒԹՅՈՒՆ
Երևան, 20.Հունիս,
00
:
00
:
00
Փոխարժեք
478.65
$
560.79
Շվեյցարիայի գլխավոր դատախազությունը երկու թուրք դիվանագետների կալանավորման համար կարգադրագիր է տվել Ֆրանսիան եւ Գերմանիան պայմանավորվել են ԵՄ-ի ընդհանուր բյուջեի ձեւավորման մասին Բացահայտվեց անհիմն հայտարարություններ անող ևս մեկ հակահայ գրող. Հարութ Սասունյան Կոտայքի մարզպետն ընդունել է Գլենդելի քաղաքապետին Փաշինյանը լիահույս է՝ առաջիկայում կառավարման համակարգում կանանց ներգրավվածությունը կմեծանա Նեյմարը վնասվածք է ստացել «Գազպրոմ Արմենիա»-ն հայտարարել է սոցիալապես անապահով խավի համար գազի գինը նվազեցնելու մասին ՏՏ ոլորտի մասնագետը եկամտահարկի գործող դրույքաչափերը երկրի մրցունակության վրա ազդող գործոն է համարում Նիկոլ Փաշինյանը Ճապոնիայի դեսպանի հետ քննարկել է հայ-ճապոնական հարաբերությունների զարգացմանն ուղղված հարցեր Դատարանը բավարարել է Մանվել Գրիգորյանին կալանավորելու միջնորդությունը Նիկոլ Փաշինյանն ընդունել է Հայաստանում Լիբանանի դեսպանին Կստեղծվի կաթի մթերման խնդիրներն ուսումնասիրող միջգերատեսչական հանձնաժողով ԵՄ-ն անցած 4 տարիների ընթացքում Հայաստանին տրամադրել է 120 միլիոն եվրոյի աջակցություն Հայաստանի հետ հարաբերությունները նպատակ ունեն նպաստել ժողովրդավարության զարգացմանն ու կայուն տնտեսական աճին. ԵՄ Հայտնի է ՉԼ Ալաշկերտ-Սելթիկ զույգի պարտվողի մրցակից զույգը Եվրոպայի լիգայում Երեք զինծառայողի մահվան գործով մեղադրանք է առաջադրվել զորամասի ինժեներական ծառայության պետին Դավիթ Տոնոյանը և Արմեն Գրիգորյանը կարևորել են զինված ուժերի ավիացիայի զարգացմանը միտված ծրագրերը Հայաստանում սոցիալապես անապահով ընտանիքների կողմից սպառվող խմելու ջրի սակագինը կարող է վերանայվել Վանաձորցի բազմանդամ ընտանիքը դոմիկից տեղափոխվեց նոր տուն Ամառային զորակոչի ընթացքում գործելու է քաղաքացիների դիմումների և բողոքների քննարկման հանձնաժողով

Արա Պապյան. «Եթե այս դիմադրությունը չլինի, շատ արագ կվերածվենք ոչ թե Ադրբեջանի, այլ՝ Թուրքմենստանի և կդառնանք Արմենբաշի»

«Մոդուս Վիվենդի» հետազոտական կենտրոնի հիմնադիր, իրավաբան, պատմաբան, քաղաքագետ, դիվանագետ Արա Պապյանը, ով այս օրերին Հայաստանում չէ և հայաստանյան քաղաքական իրադարձություններին հեռվից է հետևում, Past.am-ի հետ զրույցում նշեց, որ տպավորություններն ավելի լավն են, քան կարող էր պատկերացնել:
«Ես այսքան մեծ շարժում չէի սպասում, անկեղծ ասած: Եվ լավ է, որ երիտասարդության շրջանում որոշակի ակտիվություն կա, բայց վատ է, որ այդ շարքերում չեն երևում այն մեկ միլիոն աղքատները, ում համար տեղի է ունենում այս պայքարը: Տարօրինակ է, որ մարդիկ անընդհատ բողոքում են, բայց վճռական պահերին ամենանվազագույն քայլը չեն ցանկանում անել: Բայց ամեն դեպքում, պետք է ասեմ, որ ես բավականին ոգևորված եմ, քանի որ տեսնում եմ, որ հայ ժողովրդի մեջ դեռևս պայքարի ավյուն կա »,- ասաց Ա. Պապյանը:

Քաղաքագետը նշեց, որ թեև ոգևորված է, բայց որոշ թերահավատություն ունի, ինչն առավելապես վերջնարդյունքի հետ է կապված, քանի որ այս պահին տեղի ունեցող գործողությունների բուն նպատակը, որը Սերժ Սարգսյանի վերարտադրությունը կանխելն է, հնարավոր չի լինի իրականացնել:

«Սերժ Սարգսյանն ու իր շրջապատն իրենց այս պահին բավականին համեստ են պահում և կամաց-կամաց, «երկու քայլ՝ առաջ, մեկ քայլ՝ հետ» տակտիկայով են առաջ տանում իրենց գործողությունները: Եթե պետք էր թեկնածություն առաջադրել, արեցին: Երևանում չստացվեց, Ծաղկաձորում դա արվեց: Եվ հիմա ազգային ժողով հետևի մուտքից կմտնեն, ուժեղացված ոստիկանության ուժով կմտնեն, միևնույն է՝ կմտնեն: Դրա համար էլ բռնատիրության ժամանակ ժողովրդի քվեն կարևոր չէ:  Եվ եթե մենք լինեինք ժողովրդավարական երկիր, ապա բնականաբար, իշխանությունները նման քայլերի չէին գնա, իմանալով, որ ապագայում ևս իրենք նման քվեների կարիք ունեն: Իսկ քանի որ մեր երկրի իշխանավորների երկարակեցությունը ոչ թե լուսավոր երիտասարդության, այլ մայրաքաղաքի Կորյուն-Հերացի հատվածում բռնություն իրականացնող հաստավիզների վրա է հիմնված, որը ամենաստորին օղակն է և կոչվում է թաղային հեղինակություն, և իշխանությունների բուրգը նրանց միջոցով է կառուցվում, ուստի պարզ է, որ ժողովրդի քվեի վրա ուշադրություն չեն դարձնի»,- ասաց Ա. Պապյանը:

Նա ԱԺ պատգամավոր Նիկոլ Փաշինյանի քայլերը շատ գրագետ  որակեց և նշեց, որ ցավում է, որ այն անձինք, ովքեր պետք է նրա կողքին լինեին՝ չկան: Նա դժվարացավ պատասխանել, թե կարո՞ղ է արդյոք դա տակտիկական քայլ լինել, սակայն ընդգծեց, որ ընդդիմության մեջ որոշ մարդկանց ներկայությունը կարող էր անգամ վնասել գաղափարն ու շարժման իմիջը:

«Երբ հայտնվում են տարբեր քաղաքական գործիչներ, ակամայից նրանց միջև մրցակցություն է սկսվում: Այդ պատճառով, իմ կարծիքով՝ գուցեև լավ է, որ Փաշինյանը մենակ է հանդես գալիս: Այս պայքարը ինչով էլ ավարտվի, բնավ էլ անիմաստ չէ, քանի որ իշխանություններն ուզած-չուզած հաշվի են նստելու ժողովրդի այս տրամադրությունների հետ: Եվ եթե ներկա դիմադրությունը չլինի, ապա մենք շատ արագ կվերածվենք ոչ թե Ադրբեջանի, այլ՝ Թուրքմենստանի և կդառնանք Արմենբաշի: Այդ ժամանակ երանի կտանք անգամ այս իրավիճակին: Այնպես որ նման պայքարն անհրաժեշտ է, որպեսզի ներկա իրավիճակից ավելի վատ կացության մեջ չհայտնվենք»,- համոզված է Ա. Պապյանը:

Պատասխանելով հարցին, թե արդյոք «Քաղաքացիական պայմանագիր» կուսակցության կողմից նախաձեռնած պայքարը նաև հաջորդ խորհրդարանական ընտրությունների ժամանակ հաղթանակի հասնելու նախաքայլ չէ՞, որը տարիներ անց կարող է անգամ հանգեցնել նրան, որ ընտրողները ոչ միայն 10 000 դրամ, այլև՝ 100 000 ընտրակաշառքը մերժեն, այն գիտակցումով, որ իրե՛նք, և ոչ թե թաղային հեղինակություններն են որոշողները, թե որ ուժը պետք է դառնա իշխանություն, Պապյանն ասաց, որ դեռ մինչև 2022 թվականը բավականին ժամանակ կա, ու մինչ այդ շատ բան կփոխվի ոչ միայն երկրի ներսում, այլև աշխարհաքաղաքական զարգացումներում:

«Մինչ 2022 թվականը ես վստահ եմ, որ շատ բան կփոխվի նաև ռուս-ամերիկյան հարաբերություններում, ինչը նաև կանդրադառնա մեզ վրա: Համոզված եմ նաև, որ Արցախի ճակատում նույնպես իրավիճակն այսպես չի մնա: Ամեն ինչ ավելի է սրվելու, կա՛մ այս կողմ է լինելու, կա՛մ այն կողմ: Ինչ վերաբերում է ընտրակաշառք վերցնելուն, ապա, ցավոք, պետք է ընդունենք նաև, որ մեր հասարակության մեջ կա նաև ստոր մարդկանց խումբ, որոնք միշտ էլ փող կվերցնեն և փողով կծախեն անգամ իրենց երեխայի և թոռների ապագան: Եվ այն մարդը, ով նախկինում իր ձայնը 5 000 դրամով էր վաճառում, 10 000-ով էլ կվաճառտի, 100 000-ով էլ: Ես կարծում եմ նաև, որ այս ծայրահեղ աղքատությունը նույնպես դիտավորյալ իրականացվող քայլ է, որպեսզի մարդիկ թողնեն գնան և հասարակության լարվածությունը թուլանա»,- ասաց Ա. Պապյանը:

Արմինե Գրիգորյան
Past.am

website by Sargssyan