Սելֆիի ձողը, «դուխով» կեպկան, ավստրիացի կոմպոզիտորներն ու ան... ՎԵՐԼՈՒԾԱԿԱՆ
Պոպուլիզմից պրագմատիզմ՝ վարկանիշի հաշվին. ինչի՞ց պետք է զգու... ՔԱՂԱՔԱԿԱՆ
Նոր իշխանությունները դակում են հների կոռուպցիոն պայմանագրերը... ՀԱՍԱՐԱԿՈՒԹՅՈՒՆ
Ժիրայր Դադասյան. «Նախարարության պատասխանները շատ տարբեր են, ... ՀԱՐՑԱԶՐՈՒՅՑ
«Մարդիկ նեղ քարոզարշավային խնդիրներ են լուծում». «Փաստ» ՔԱՂԱՔԱԿԱՆ
Երևան, 15.Նոյեմբեր,
00
:
00
:
00
Փոխարժեք
478.65
$
560.79
Վաչագան Ղազարյանը կրկին կալանավորվեց. Վճռաբեկը բավարարել է դատախազի բողոքը Ոնց որ հրապարակի միտինգավոր ժողովրդից ընտրած, հավաքած լինեն. Շարմազանովը՝ «Իմ քայլի» ցուցակի մասին Սաուդյան գլխավոր դատախազությունը մահապատիժ կպահանջի Խաշկոջիի սպանության մեղավորների համար Միլանում առնվազն յոթ մարդ Է տուժել մետրոյում տեղի ունեցած միջադեպի հետեւանքով Արագաչափերի քանակը կարճ ժամանակում զգալիորեն կկրճատվի. կարծում է փոխոստիկանապետը Խոշոր վթար Արարատում. ճակատ-ճակատի բախվել են Mercedes-ները (ֆոտո) Դիլիջանի ոլորաններում փլուզված հենապատը ժամանակավորապես վերականգնվել է Լավ բիզնես է, դուք արեք, ի՞նչ խնդիր. Հակոբ Արշակյանը՝ մեքենայի ղեկը փոխելու մասին Ռուսաստանի հավաքականի նորեկը հետաքրքրել է Լոնդոնի «Արսենալին» Արայիկ Հարությունյանը Երևանի թատրոնի և կինոյի պետական ինստիտուտի աշխատակազմին է ներկայացրել ռեկտորի ժամանակավոր պաշտոնակատարին Այո, «Իմ քայլի» կարգախոսը «Նիկոլ, վարչապետն է». Հրաչյա Հակոբյան Աֆղանստանում ավելի քան 30 ուժային թալիբների հետ բախումների ժամանակ զոհվել է Ստեփանծմինդա-Լարս ավտոճանապարհը փակ է կցորդիչով բեռնատարների համար Ընտրություններին «ասողների» ինստիտուտը չի լինելու. Նիկոլ Փաշինյան ԱՄՆ-ում ինքնաթիռների ուղեւորների 88 տոկոսը երբեւէ իր հետ արգելված իրեր է տարել Արտակ Զեյնալյանն ընդունել է ՄԱԿ-ի հատուկ զեկուցողին ԱԺ-ն նոյեմբերի 21-ին կգումարի արտահերթ նիստ Գ. Ծառուկյանն այցելել է Աբովյանում կառուցվող երիտասարդական թաղամասի շինհրապարակ Պերուի բանտում խռովության ժամանակ կալանավորները բանտի աշխատակիցներին պատանդ են վերցրել Արցախի ԱԺ նախագահը շնորհավորական նամակներ է ուղարկել ԱՄՆ Կոնգրես

Գործարար շրջանակներում սպասողական վիճակ իրականում կա. այս պահին ունենք մի շատ կարևոր հարց` արտաքին ներդրողների հետ կապված. Գ. Նուշիկյան

Ընդհանուր առմամբ, գործարար շրջանակներում սպասողական վիճակ իրականում կա, դա հատկապես վերաբերում է արտաքին ներդրողներին, որոնք ուշի ուշով հետևում են, թե ինչ է կատարվում Հայաստանում։ Այս մասին Tert.am–ի հետ զրույցում ասաց ԱԺ նախկին պատգամավոր, «Նուշիկյան ասոցիացիա» ընկերության ղեկավար Գարեգին Նուշիկյանը՝ անդրադառնալով Մոսկվայում «Տրոյկա դիալոգ» ընկերության սեփականատեր Ռուբեն Վարդանյանի և Նիկոլ Փաշինյանի հարցուպատասխանին։

«Մենք կոնկրետ այս պահի դրությամբ ունենք մի շատ կարևորագույն հարց արտաքին ներդրողների հետ կապված, դա Ամուլսարի պատմությունն է, որը վերջին հաշվով պետք է ինչ–որ հանգուցալուծում ստանա։ Այդ մարդիկ, գործարարները որոշակի ներդրումներ են արել որոշակի պայմանավորվածությունների հիման վրա՝ կառավարության որոշման հիման վրա, և հիմա առանց որևիցե լուրջ հիմնավորման խոչընդոտվում է նրանց գործունեության շարունակությունը։ Սա շատ–շատերին սպասելու տեղիք է տալիս»,– նշեց Գ. Նուշիկյանը։

Արտաքին ներդրողների մոտ սպասողական վիճակը, ըստ Գարեգին Նուշիկյանի, կախված է ոչ միայն կառավարության գործողություններից, այլև այստեղ կա իշխանության լիարժեք ձևավորման՝ արտահերթ ընտրությունների անցկացման գործոնը։

«Սպասումները կապված են և՛ կառավարության գործունեության, և՛ կառավարություն – Ազգային ժողով հարաբերությունների հետ։ ԱԺ նոր ընտրություններ պետք է լինեն։ Բոլորը սպասում են, տեսնեն՝ մեր երկիրը որ ուղղությամբ է գնում, ինչ նպատակներ է հետապնդում։ Այսօրվա դրությամբ մենք, կարծես թե, այդ հարցերի պատասխանները չունենք։ Բայց կարծում եմ՝ արտահերթ ընտրություններն ինքնանպատակ չեն, ինչն է խանգարում կառավարությանը այսօր լիարժեք կատարել իր գործունեությունը։ Ոնց որ թե ԱԺ–ն այսօր խոչընդոտներ չի առաջացնում որևիցե մի հարցում»,– նշեց Գ. Նուշիկյանը։

Հիշեցնենք, որ սեպտեմբերի 8–ին Մոսկվայում ռուսաստանցի գործարարների հետ հանդիպման ժամանակ ՀՀ վարչապետ Նիկոլ Փաշինյանի ու ռուսաստանցի գործարար ու բարեգործ Ռուբեն Վարդանյանի միջև սուր հարցուպատասխան եղավ։ Ռուբեն Վարդանյանը կարծում է, որ ՀՀ գործող իշխանությունների վերաբերմունքն արտասահմանյան գործարարներին ու նրանց հայաստանյան գործունեությանը անհարգալից է։

Ռուբեն Վարդանյանին վիրավորել է կառավարության նամակն այն մասին, որ Հայաստանում երկու տարի շարունակ գործող «Ռազմավարական նախաձեռնությունների կենտրոնը» փակվում է. «Ես ու ընկերներս վերջին 18 տարիների ընթացքում ավելի քան 600 միլիոն դոլարի ներդրում ենք կատարել Հայաստանում։ Դա քիչ գումար չէ։ Արե՛ք՝ ինչ ուզում եք, պարզապես կարծում եմ, որ պետք է պահպանել երկխոսության ռեժիմն ու միմյանց ականջալուր լինելու փորձերը», – ասել էր Վարդանյանը։

Ռ. Վարդանյանը հավելել էր, որ կարելի է երկար խոսել ու մտորել այն մասին՝ ինչ է պետք անել ներդրումներ գրավելու համար, սակայն բիզնեսը սիրում է կայունություն, կանխատեսելիություն ու լռություն։ Վարդանյանը հարցրել է վարչապետին, կարելի է, արդյո՞ք, Հայաստանում կանխատեսելիություն ակնկալել, քանի որ դա բիզնես վարելու կարևոր բաղադրիչն է, ինչին ի պատասխան ՀՀ վարչապետն ասել էր. «ՀՀ–ում տեղի է ունեցել հեղափոխություն, և կայունությունը ոչ մի րոպեով չի խաթարվել։ Հիմա խոսում են անկայունության, քաղաքացիական պատերազմի մասին, մեկը կարո՞ղ է ասել՝ ինչի մասին է խոսքը»,– նշել էր Ն. Փաշինյանը։

Գարեգին Նուշիկյանի կարծիքով՝ Ռուբեն Վարդանյանի ասածներում նորություն չկա, բոլոր երկրներին էլ պետք է կայունություն, կանխատեսելիություն, և Հայաստանն այստեղ բացառություն չէ։

«Ռուբեն Վարդանյանը շատ լուրջ գործարար է, լուրջ ներդրումներ է արել իր երկրում՝ Հայաստանում, և, երևի թե, նա ինչ–որ բան նկատի ուներ, որ դա ասում էր։ Ես չեմ կարող ասել, թե դրա տողատակում ինչ կար»,– ասաց Գ. Նուշիկյանը

Նա համամիտ է Ռուբեն Վարդանյանի արտահայտած այն մտահոգության հետ, որ երկխոսության պակաս կա նոր իշխանությունների մոտ։

«Նոր ժամանակներում մեր բոլորի նպատակն է, որ ցանկացած վերջնական որոշման մեջ լինի օբյեկտիվություն, բացատրություն, որպեսզի հակառակ կողմի մոտ տարակարծություններ չլինեն, և դիմացի կողմն այդպիսի մտահոգություն չարտահայտի։ Եթե անհրաժեշտությունը կար դա փակելու, ուրեմն պետք է դիմացի կողմն էլ համոզվի, որ խնդիր կար այդտեղ։ Բայց առանց բացատրելու, առանց հիմնավորումների որևէ կառույց, նախաձեռնություն փակելը, չեմ կարծում, որ բխում է բոլորիս սպասումներից»,– ասաց գործարարը։

Նրա խոսքով՝ նոր կառավարության գործունեության ընթացքում դրական տեղաշարժ կա կոռուպցիայի դեմ պայքարի, մաքսային և հարկային մարմինների աշխատանքի մասով։

«Բայց կան ոլորտներ, որոնք ինձ համար մի քիչ հասկանալի չեն, թե մենք ուր ենք գնում, օրինակ՝ առողջապահությունը, կրթությունը։ Մի շարք բաներ կան, որոնք ինձ համար մի քիչ այս պահի դրությամբ հասկանալի չեն, ինչ նպատակներ կան։ Երևի, դա էլ ժամանակի խնդիր է։ Մեր կառավարության գերակշիռ մասը կազմված է երիտասարդներից, որոնք փորձ չունեն։ Գիտելիքներ ունեն, բայց փորձ չունեն։ Միգուցե, ժամանակի ընթացքում այդ փորձը ձեռք կբերեն, և ավելի հասկանալի կլինի այս ամեն ինչը։ Կարծում եմ՝ ժամանակն ամեն ինչ իր տեղը կդնի»,– նշեց Գարեգին Նուշիկյանը։

website by Sargssyan