Երևան, 18.Ապրիլ.2024,
00
:
00
1 $ = 0 ֏, 1 = 0 ֏, 1 = 0 ֏
ՀՐԱՏԱՊ


Դրական է, որ հաղթած թեկնածուն՝ անկախ իշխանություն կամ ընդդիմություն լինելու հանգամանքից, ստացել է ժողովրդի քվեն. Ա. Զուրաբյանը՝ Կապանի ընտրության մասին

ՔԱՂԱՔԱԿԱՆ

Tert.am-ի հետ զրույցում «Ծառուկյան» խմբակցության պատգամավոր, ՀՀՇ վարչության նախագահ Արարատ Զուրաբյանն անդրադառնում է ներքաղաքական վերջին զարգացումներին՝ երեկ կայացած ՏԻՄ ընտրություններից մինչև ՀՀՇ առաջնորդներից Վանո Սիրադեղյանի վերադարձ:

-Պարո՛ն Զուրաբյան, երկրում այսքան փոփոխություններ եղան, իրավական գործընթացներ՝ առաջիկա համաներում, իրավական գործերի վերանայում քաղաքական լույսի ներքո, սակայն Վանո Սիրադեղյանը, չնայած ժամանակ առ ժամանակ հնչող կոչերին, հայրենիք չի վերադառնում:

-Ինձ համար կա որոշակի հարց՝ կապված մի քանի անձանց հետ: Ինչևէ, նախքան Սիրադեղյանին անդրադառնալը՝ անդրադառնամ Շանթ Հարությունյանին, երբ խոսք էր գնում, որ օրենսդրական կազուս կա, թե ինչպես պետք է այս հարցը լուծվի, օրենսդրական եղանակ չէր գտնվում խնդրի լուծման համար, ես ասեմ՝ հիմա մենք շատ արտակարգ ռեժիմում Ընտրական օրենսգիրք ենք ընդունում, ընդհանրապես, օրենքը մարդիկ են ստեղծում:

 
 
Հիմա նույն Շանթ Հարությունյանի կամ Վանո Սիրադեղյանի հարցով, իշխանության, կառավարության ցանկության պարագայում շատ հստակ կարող էր լինել նաև հետևյալ մոտեցումը, որ ակնհայտ քաղաքական հետապնդումներ են եղել թե՛ Շանթի, թե՛ Վանո Սիրադեղյանի պարագայում: Եվ սա կարելի էր նույնիսկ օրենդրական առումով լուծել, կոնկրետ և փակել այդ խնդիրները:

-Բայց ցանկություն, կամք չկա՞ լուծելու:

-Չէի օգտագործի ՝ այդ բառը «կամք չկա», կարծում եմ՝ ցանկություն կա, բայց կարծում եմ՝ զուտ ժամանակ չկա, որովհետև իշխանությունը իր առաջ դրել է շատ պարզ խնդիր՝ շատ արագ անցկացնելու ընտրություններ, որոնք հաջողությամբ ուզում են լուծել: Ողջունելի է սա, դեռ մի բան էլ ուշացած է, քանի որ մենք օգոստոսին ընտրությունների գնալու դեպքում, արդեն դուրս եկած կլինեինք այս գործընթացներից: Հուսանք, որ այս ընտրությունները կավարտվեն, կամքն էլ կձևավորվի:

-Հունան Պողոսյանի նշանակումից հետո, երբ նա «դըմփ-դըմփ հու»-ին մասնակցեց մի տեսակ արտասովոր է նրա հայտնությունն այս նոր կերպարում: Ի դեպ, ֆեյսբուքյան որոշ օգտատերեր մեկնաբանեցին, թե նոր իշխանությունները պաշտոն են տալիս ու մի լավ ստորացնում: Ի՞նչ կասեք:

-Չէ, չեմ պատկերացնում, թե նվասատացման խնդիր կա, խնդիր հետևյալն է . Հունան Պողոսյանը անցել է հսկայական ճանապարհ, ես հիշում եմ, որ դեռևս 1999-ին, երբ Ռոբերտ Քոչարյանին ինչ-որ կերպ անդրադարձել էի և հայտնվել ու մի քանի օր անցկացրել մեկուսարանում, այդ ժամանակ, ես ներկայացա Կենտրոն բաժին, քանի որ Հայաստանում նման իրավիճակ էր, երբ բոլոր պաշտոնյաներն ու փոխոստիկանապետերը այնտեղ հավաքված էին ու մտածում էին՝ ինչպես անեն, որովհետև ես այն ժամանակ Կենտրոնի գործող թաղապետն էի, այդ ժամանակ նա Կենտրոնի ոստիկնապետն էր: Ու շատ հետաքրքիր էր, երբ այդ պահին այնտեղ Վանո Սիրադեղյանը եկավ: Այսինքն՝ կարելի է ասել՝ Հունան Պողոսյանը միշտ էլ ինչ-որ ձևով իշխանության մեջ է եղել: Հիմա Հայաստանում ձևավորվել է նոր իշխանություն, այս իշխանությանը պետք է տալ հնարավորություն՝ իր կադրերով, թիմով ձևավորելու այդ ամբողջական իշխանությունը և կարծում եմ՝ հասարակության խնդիրն այն պետք է լինի, որ վերահսկի, որ այդ իշխանությունն իր գործողություններում միշտ հենվի օրենքի վրա և կատարի դրական քայլեր: Հուսանք, որ այդպես է լինելու:

-Գագիկ Ծառուկյանը հայտարարեց, որ խմբակցության մեծամասնությունը փոփոխվելու է, Կարծո՞ւմ եք, որ էլի հրավեր կստանաք ու հրավերի դեպքում կհամագործակցե՞ք, թե ուզում եք առանձին մասնակցել ընտրություններին:

-«Ծառուկյան» խմբակցության հետ ճանապարհ եմ անցել, այս 2 տարին շատ հետաքրքիր տարիներ են եղել, գոնե Հայաստանի կյանքում, ես կարծում եմ՝ մենք բոլոր հնարավոր զարգացումները կքննարկենք Գագիկ Ծառուկյանի և թիմի հետ ու կգանք ինչ-որ մի ընդհանուր հայտարարի: Ինչևէ, կարծում եմ, որ կարճ է ժամանակը հաստատուն ինչ-որ մի բան ասելու համար:

-Փաստորեն, միայնակ հակված չեք մասնակցելու:

-Նորից եմ ասում՝ զարգացումներ են ընթանում, մի քիչ արագացված, կարծում եմ, որ սրա վերաբերյալ շատ կարճ ժամանակ անց որոշում կկայացնենք: Բայց, էլի եմ ասում, որ պահպանելով հարցի թե՛ բարոյական, թե՛ տրամաբանական կողմը, որ քաղաքական  ճանապարհ եմ անցել «Ծառուկյան» դաշինքի շրջանակներում, առաջնահերթ պետք է քննարկենք այս թիմի հետ: Դրանից հետո հետագա զարգացումների վերաբերյալ կձևավորվի տեսակետ:

-Ձեր խմբակցության առաջարկով նոր Ընտրական օրենսգրքում 2 տոկոսանոց անցողիկ շեմ պետք է շնորհվի 4-րդ ուժին: Մի տեսակ շատ խեղճուկրակ 4-րդ ուժ է ստացվում:

-Չեմ կարծում, որ խեղճուկրակ ուժ է, և այդ ուժը կարող է լինի ցանկացած քաղաքական ուժ, ու որ ասում են, որ այդ 0,02 տոկոս ստացած ուժը կարող է հայտնվի ԱԺ-ում, այդպես չէ, քանի որ իրականում առնվազն պետք է 2 տոկոս, որը քիչ չէ: Եթե Հայաստանում ապրում է 1.5 միլիոն մարդ, ապա սա 30 հազար ձայն է: Եվ շատ դրական է, որ ինչ-որ մի քաղաքական ուժի՝ բացարձակ մեծամասնություն ստանալու պարագայում ընդդիմությունը ունենա 30 տոկոս՝ որպես հակակշիռների ու զսպումների համակարգի գործողության մեջ մտնելու հնարավորություն:

-Սյունիքում երեկ ՔՊ-ն պարտվեց: Ինչո՞ւ, ի՞նչ եք կարծում, որովհետև Հունան Պողոսյանին մարզպետ նշանակեցի՞ն, թե՞ Սյունիքը, պատկերավոր ասած, եղել է նախկին իշխանության ավանդական միջնաբերդը:

-Եկեք մի բան արձանագրենք, որ շատ դրական է, երբ ընտրություն է և արդար ընտրությունների պայմաններում  հաղթող թեկնածուն՝ անկախ նրանից՝ իշխանություն է ներկայացնում, թե ընդդիմություն, ստանում է ժողովրդի քվեն, շատ դրական երևույթ է: Տվյալ պարագայում, սա է տեղի ունեցել: Մարդը, հավանաբար, ունեցել է վարկանիշ, հեղինակություն, մարդիկ հավատացել են նրան ու ձայները տվել են: Եվ ողջունելի է, որ այսօր Հայաստանում կա իշխանություն, որի պարագայում հնարավոր են նորմալ ընտրություններ:

-Իսկ հոկտեմբերին 2-ի քվեարկությունից հետո, երբ Գագիկ Ծառուկյանն ու Նիկոլ Փաշինյանը հուշագիր ստորագրեցին, չե՞ք համարում, որ ավելորդ քվեարկություն էր:

-Առանձնահատուկ ինչ-որ պրոբլեմատիկ մի բան չեմ զգում, կարծում եմ, որ խմբակցությունը պետք է մի քիչ ավելի ուշադիր լիներ այս հարցում, ես, բնականաբար, խմբակցության կանոնադրությանը հետևելով եմ առաջնորդվել, դրան համաձայն, բայցև՝ արտահայտել եմ այն տեսակետները, որոնք իմն են: Բայց եկեք մի պահ սրանից անցնենք, որովհետև չեմ կարծում, որ դրանով երկրում ինչ-որ մի արտառոց բան կատարվեց: Հակառակը, միգուցե դա խթանեց, որ որոշակի պրոցեսներ ընթանան, որ հիմա ընթանում են ու արագանան: Այսօր քննարկվում է Ընտրական օրենսգիրքը, բայց մարդիկ շատերը չեն մասնակցում ԱԺ աշխատանքներին և դա ակնհայտ վկայությունն է նրա, որ Հանրապետականը իր ճնշող մեծամասնությամբ իրականում չի արտացոլում այսօր այն, ինչ պետք է արտացոլեր: Իհարկե, ցանկալի կլիներ, որ նման տիպի օրենքները՝ սահմանադրական, ընդունվեին մի քիչ ավելի այլ ռեժիմում, սակայն մի բան ակնհայտ է, որ ԸՕ-ի ընտրակարգից անցում է կատարվել, քննարկվել է այս ամենը և կարծում եմ՝ բոլոր քաղաքական ուժերն էլ իրենց մոտեցումներն այս հարցի վերաբերյալ արտահայտել են: Հիմա մի քիչ անեհեթեթ իրավիճակ է, և կարծում եմ, որ, իրոք, պետք է ընտրություններ անցկացնել: Ես կարծում եմ, որ մենք այս պրոցեսները պետք է շատ ավելի շուտ անցած լիենինք և հիմա արդեն իսկ Հայաստանը մի քիչ ավելի բնականոն հունի մեջ ընկած կլիներ: Հիմա հուսանք, որ դա կլինի դեկտեմբերին:

 

 

 

Ադրբեջանի հակագիտական հայտարարությունները՝ Խաչենի իսլամական դամբարանի մասինԹուրքական Baykar–ը սկսել է KEMANKES 2 խելացի հրթիռի փորձարկումները Աշխարհի գավաթ․ մարմնամարզիկներ Վահագն Դավթյանը, Հարություն Մերդինյանը ու Արթուր Ավետիսյանը եզրափակչում են Ռուս խաղաղապահների հեռանալը ճիշտ որոշում է. ՌԴ Պետդումայի պաշտպանության կոմիտեի անդամՈւկրաինայի չորս շրջաններում օդային տագնապ է հայտարարվելԹբիլիսիում շարունակվում է «օտարերկրյա գործակալների մասին» օրենքի դեմ բողոքի ակցիան (տեսանյութ) «Ինքնաթիռում տեղերը բավարար չէին». երեխաներով տասնյակ ռուսներ չեն կարող թռչել ԱՄԷ-իցՏարածաշրջանային պատերազմ սկսվելու վտանգ կա․ Թուրքիայի ԱԳ նախարար Պլանային նորոգման աշխատանքներ իրականացնելու նպատակով լույս չի լինելուԻսրայելը ծրագրել էր հակահարված տալ Իրանին ապրիլի 15-ի երեկոյան․ ԶԼՄ Հայաստանի և Ֆրանսիայի ԱԳՆ-ների միջև տեղի են ունեցել քաղաքական խորհրդակցություններ«Հայաստան-Արցախ» Համահայկական երիտասարդական ֆորումին մասնակցության հայտ են ներկայացրել հարյուրավոր երիտասարդներՀաքերները փորձել են գրոհել Հայաստանում տեղակայված 102-րդ ռուսական ռազմաբազան Քաղաքացին ընկել էր շենքերից մեկի նկուղը․ ժամանել են փրկարարներըԹբիլիսիի կենտրոնում փոխհրաձգություն է տեղի ունեցել․ տուժածներ կանՃապոնիայում 6,4 մագնիտուդ ուժգնությամբ երկրաշարժ է գրանցվել (տեսանյութ)Ի՞նչ վիճակում է 3-րդ հարկից վայր ընկած երեխանՀանրային արձագանքը կստիպի շարժվել տեղներից. Մենուա Սողոմոնյան Ավտոբուսը Նոր Երզնկայում բախվել է քարե պարսպին․ 29 մարդ հոսպիտալացվել էԴաղստանում բերման են ենթարկել Չեչնիայի ԱԻ նախարարին (տեսանյութ) Պետդումայում ռուս խաղաղապահների առաքելությունն անվանել են «լիովին կատարված»Որքա՞ն արժե Երևան-Մոսկվա թռիչքի տոմսերն՝ արտագնա աշխատանքի սեզոնին ընդառաջՄեր ապագան այդպես էլ չեկավ… հիմա հայրենիքս էլ չկա, հայրենիքիս պաշտպանն էլ, հերոսներին էլ ամեն օր արժեզրկում են «Գոտկատեղից ներքև հարվածները մի կողմ դնել ու գնալ լուծումների հետևից». Մելքումյան Գյումրիում կանխվել է տղամարդու ինքնասպանությունը․ ի՞նչ է հայտնիՋուր չի լինի Ինչպես են ՌԴ խաղաղապահները հեռանում Արցախից (տեսանյութ)Թբիլիսիում քննարկվել է Վրաստան-Թուրքիա-Ադրբեջան ռազմական համագործակցության կարևորությունը Լիլիթ Հովհաննիսյանը նորությունի ունիԻշխանության և կրիմինալի սերտաճումն ավտորիտարիզմի ցցուն դրսևորում է. «Միասնություն» համազգային շարժում Սանկտ Պետերբուրգում ձյուն է տեղացել (տեսանյութ) Պուտինի՝ Թուրքիա այցելելու օրը դեռ չի համաձայնեցվել. ՊեսկովՓոխհրաձգություն Թբիլիսիի կենտրոնում. վիրավորվել է մի քանի մարդՎրաստանի նախագահը վետո կդնի «օտարերկրյա գործակալների» մասին օրենքի վրա Ուղիղ միացում. Հրատապ. Ինչ է ուզում հանձնել Տավուշից Փաշինյանը այս անգամ. մանրամասներ Ադրբեջանի սահմանապահ զորքերը պետք է տեղակայվեն գետի մոտ․ պատգամավորը մանրամասներ է հայտնում Փաշինյան-տավուշցիներ հանդիպումից ՎՏԲ-Հայաստան Բանկը հանդես է եկել որպես ARMMONO փառատոնի գլխավոր գործընկեր Կոնվերս Բանկը երկու արժույթով պարտատոմսեր է տեղաբաշխում Նրան մարդիկ են պետք, որոնց կասի դուք եք մեղավոր Լոռիում 24-ամյա տղան 93-ամյա կնոջ նկատմամբ սեքսուալ բնույթի բռնի գործողություններ է կատարել և սպանել. նախաքննությունն ավարտվել է Դուբայում գրանցվել են ամենաշատ տեղումները վերջին 75 տարվա ընթացքում (լուսանկարներ) Փաշինյանի խոսնակը հերքում է տարածել Արտակարգ դեպք. Շահումյան գյուղի աղբավայրում հայտնաբերվել է մոտ 31 հատ հակատանկային ական Ռուս խաղաղապահներին դուրս բերելու որոշումը կայացրել են ՌԴ-ի և Ադրբեջանի բարձրագույն ղեկավարությունները. Հաջիև Կենդանակերպի նշաններ, որոնց բախտը հանկարծ կբերի ապրիլի վերջին Տոյվո Կլաարի թեկնածությունն առաջադրվել է Ուզբեկստանում ԵՄ դեսպանի պաշտոնումԱլիևի հետ կա պայմանավորվածություն, որ կողմերը պետք է մեկական դիրք զիջեն և Տավուշից պետք է հանվեն Զինված ուժերըՔաջարան համայնքում կայացավ Զանգեզուրի պղնձամոլիբդենային կոմբինատի կողմից նախատեսվող գործունեության վերաբերյալ հանրային լսում Ղրիմի ռազմական օդանավակայանում հրդեհ է․ հնչել են պայթյուններՈւկրաինան ցանկանում է ԱՄՆ-ի հետ այնպիսի անվտանգության համաձայնագիր, որն ԱՄՆ-ն ունի Իսրայելի հետ. Զելենսկու գրասենյակ