Տեր-Պետրոսյանը կվերադառնա՞ նախագահի պաշտոնին. Մուսինյանը հրա... ՔԱՂԱՔԱԿԱՆ
Կադրային վերադասավորումները շարունակվում են ՔԱՂԱՔԱԿԱՆ
ՊԱՏՄՈՒԹՅԱՆ ԱՅՍ ՕՐԸ (18 ՀՈՒՆԻՍԻ). Ամ­ռա­նը կա­ռա­վա­րու­թյան ... ՀԱՍԱՐԱԿՈՒԹՅՈՒՆ
Երբ հանրությանը մատուցվում է զուտ տեսարան ՎԵՐԼՈՒԾԱԿԱՆ
Հայ­րերն ու որ­դի­նե­րը՝ ճա­նա­պար­հորդ ՄԻՋԱԶԳԱՅԻՆ
Երևան, 19.Հունիս,
00
:
00
:
00
Փոխարժեք
478.65
$
560.79
Թուրքիայում զարմիկը հրկիզել է հարազատ քեռուն ՀՀ կառավարության 3-րդ մասնաշենքում ռումբի տեղադրման մասին հեռախոսազանգը Նուբարաշենի բանտից է ստացվել Ախուրյանի ոստիկանները կասկածանքով երեք տղամարդու են բերման ենթարկել Ֆուտզալի Հայաստանի հավաքականը հաղթեց Իտալիայի թիմին ՊՆ մայորը Opel-ով բախվել է շինության պատին եւ հայտնվել ճանապարհի մեջտեղում Եղեգնաձորում բենզալցակայանին կից տեղի է ունեցել գազի բալոնի պայթյուն (տեսանյութ) Լարված վիճակ ոստիկանության մոտ. իշխանության կողմնակիցները փակել են մուտքը Համահայկական խաղերի համաշխարհային կոմիտեն կոչ չի արել ՀՀ նախագահներին մասնակցել Արցախում խաղերի բացման արարողությանը Մարսում հզոր պայթյունի հետք է հայտնաբերվել Մոսկվայում իրենց հոր սպանության մեջ մեղադրվող Խաչատրյան քույրերի պաշտպանությունը բողոք է ներկայացրել ՌԴ ՔԿ ղեկավարին ՀՀ ԱԻՆ-ի հսկողությամբ Երևանում այրվել է 30 հեկտար խոտածածկ տարածք (տեսանյութ) Հափշտակել էր ավտոմեքենա եւ վաճառել համագյուղացուն. Էրեբունու ոստիկանների բացահայտումը Ռուսների և վրացիների մասնակցությամբ զանգվածային ծեծկռտուք է տեղի ունեցել Ստամբուլում

Լաբորատոր «սինդրոմ». Ի՞նչ գործ ունի Ռուսաստանը ՀՀ կենսաբանական լաբորատորիաների հետ

Վերջին շրջանում մոդայիկ է «դարձել» և տեսնում ենք, որ ԵԱՏՄ տարածքի բարձր պաշտոնյաները իրար հերթ չտալով հայտարարություններ են անում, որոնք այդքան էլ հեշտ չի մարսվում: Հայաստանով դեռ պտտվում է Բելառուսի նախագահի մենախոսությունը Մինսկի իր «մոնոթատրոնից»` ինքն ինչ ասաց ու ինչպես, Մոսկվայից բեմ է մտնում ՌԴ ԱԳ նախարարը ու հայտարարում, որ Երևանի հետ փաստաթուղթ է պատրաստվում ստորագրության, որով նախատեսվում է բացառել այլ երկրի զինվորականների ներկայությունը Հայաստանում գործող կենսաբանական լաբորատորիաներում:

Ի՞նչ գործ ունի Ռուսաստանը ՀՀ կենսաբանական լաբորատորիաների հետ: Ի՞նչ կասկածամտություն է ռազմավարական դաշնակցի նկատմամբ: Ինչու՞ է Մոսկվան ամեն տեղ իր դեմ դավադրություն որոնում: Հետո ի՞նչ, որ լաբորատորիաները ստեղծվել են ԱՄՆ աջակցությամբ: Ինչու՞ են համառորեն տպավորություն ձևավորում, որ Հայաստանում գործում են ամերիկյան գաղտնի լաբորատորիաներ, եթե այդ լաբորատորիաները գտնվում են Հայաստանի ենթակայության տակ: Ինչ-որ չափով գուցե տրամաբանական լիներ, եթե լաբորատորիաները ստեղծված լինեին ռուսական աջակցությամբ ու Լավրովը համաձայնագիր նախաձեռներ, որ այլ երկրի զինվորականներ լաբորատորիաներ մուտք չունենան: Կամ` նման առաջարկություն աներ ԱՄՆ պետքարտուղարը: Առաջին հերթին սա վերաբերում է Հայաստանի ինքնիշխանությանը և եթե նման համաձայնագիր Հայաստանը համաձայնել է ստորագրել, ինքը պետք է այդ մասին խոսի, ներկայացնի ու հիմնավորի: Ստացվում է` հերթական անգամ Հայաստանին փաստի առաջ են կանգնեցնում` իր անունից ինչ-որ հայտարարություններ անելով:

ԱՄՆ-ը փափուկ ուժ է կիրառում, Ռուսաստանը` կոշտ: Սա արդեն ոչ մեկին չի զարմացնում: Կարծես սովորել ենք, որ Մոսկվան իրեն իրավունք է վերապահում ամեն տեղ իր շահը որոնել ու ինքնամոռաց պաշտպանել:

Լաբորատորիաները ՀՀ-ին են և ՀՀ նախկին իշխանությունն է Ռուսաստանին թույլ տվել մուտք գործել լաբորատորիաներ` համոզվելու, որ իր դեմ դավադրություններ չեն նյութվում: Նիկոլ Փաշինյանն էլ ամռանը գնաց նրանց նվիրական ոտնահետքերով` հայտարարելով, որ ռուս մասնագետները կարող են մտնել լաբորատորիաներ: ՌԴ ԱԳ նախարարի խոսքից հասկանալի չէ ոչինչ: Եթե կան լաբորատորիաներ ու գործում են, ինչու՞ պիտի Հայաստանը համաձայնի Ռուսաստանի պայմաններին ու սահմանափակի իր համագործակցությունը այլ երկրների հետ, թե՞ համաձայնագիրը լաբորատորիաները դարձնում է հայ- ռուսական, իսկ հետո կդառնան ռուս-ռուսական:

Պետք է փաստենք, որ նման լաբորատորիաներ կան նաև Վրաստանում ու Ադրբեջանում: Լավրովը, որ վերջերս Բաքվում էր, ոչ մի խոսք չի ասել այդ լաբորատորիաների մասին: Տարօրինակ է՝ ինչու՞ համաձայնագիր չեն նախապատրաստում Ադրբեջանի հետ: Լավրովը նաև ասել է, որ Վրաստանը ապահովել է ՌԴ դիվանագիտական պատվիրակության մուտքը լաբորատորիաներ, այժմ փորձում են պայմանավորվել, որ լաբորատորիաները հասանելի լինեն մասնագետներին: Համաձայնագիր են նախապատրաստում նաև Ղազախստանի հետ: Գուցե ՀՀ ԱԳՆ-ն այս ամենից հետո ոչ թե ասի, որ մեկնաբանություն չունի, այլ հղում անի համապատասխան պաշտոնյայի կամ մասնագետի` բացատրելու` ինչ է կատարվում: Կամ էլ սպասեք Փաշինյանի հերթական «լայվին» ու նա ձեզ կտանի կենսաբանական լաբորատորիա, քանի դեռ ռուսները դուռը չեն կնքել:

website by Sargssyan