ՊԱՏՄՈՒԹՅԱՆ ԱՅՍ ՕՐԸ (26 ՀՈՒՆԻՍԻ). Լե­նի­նի մար­մի­նը գաղտնի տ... ՀԱՍԱՐԱԿՈՒԹՅՈՒՆ
Ձեր­բա­կալ­ման ու կա­լա­նա­վոր­ման տար­բե­րու­թյուն­նե­րը ՀԱՍԱՐԱԿՈՒԹՅՈՒՆ
Հաղ­թա­հա­րե­լով բարձ­րու­թյունն ու բար­դու­թյու­նը. Ջեր­մու... ՀԱՍԱՐԱԿՈՒԹՅՈՒՆ
Նոր օրի­նագ­ծի հա­մա­ձայն՝որ­քա­նո՞վ կբարձ­րա­նա գույ­քա­հար­կը ՀԱՍԱՐԱԿՈՒԹՅՈՒՆ
Ի՞նչ արժողությամբ բնակարան է ձեռք բերել Քուվեյթում ՀՀ դեսպան... ՀԱՍԱՐԱԿՈՒԹՅՈՒՆ
Երևան, 26.Հունիս,
00
:
00
:
00
Փոխարժեք
478.65
$
560.79
Արթուր Վանեցյանը ներկայացրեց ՀՖՖ-ի նպատակները, տեսլականն ու առաքելությունը Դոլարի փոխարժեքն աճել է. եվրոն էժանացել է Խնդրում եմ ենթադրություններ չանել. Տիգրան Ուրիխանյանը՝ մանդատից հրաժարվելու մասին Արմավիրի մարզում զինվորական պալիգոնից հիվանդանոց է տեղափոխվել 19-ամյա զինվորի դի ՊԱՏՄՈՒԹՅԱՆ ԱՅՍ ՕՐԸ (26 ՀՈՒՆԻՍԻ). Լե­նի­նի մար­մի­նը գաղտնի տե­ղա­փո­խվել է Տյու­մեն, հիմ­նադր­վել է Կաս­պերս­կու հա­կա­վի­րու­սա­յին լա­բո­րա­տո­րի­ան Ձեր­բա­կալ­ման ու կա­լա­նա­վոր­ման տար­բե­րու­թյուն­նե­րը Հաղ­թա­հա­րե­լով բարձ­րու­թյունն ու բար­դու­թյու­նը. Ջեր­մու­կը՝ ժայ­ռա­մագլց­ման քար­տե­զի վրա Նոր օրի­նագ­ծի հա­մա­ձայն՝որ­քա­նո՞վ կբարձ­րա­նա գույ­քա­հար­կը Ի՞նչ արժողությամբ բնակարան է ձեռք բերել Քուվեյթում ՀՀ դեսպանը, և որքա՞ն են նրա եկամուտները «Բիզ­նե­սի հա­մար վստա­հու­թյուն չկա».հինգ տո­կո­սը զար­գա­ցում չէ, դա մո­տա­վո­րա­պես նույն մա­կար­դա­կի վրա է

Ինչո՞ւ են դժգոհում ապահովագրական ընկերությունները և արդյո՞ք վնասաբերության ցուցանիշներն անհանգստացնող են

Past.am

Վերջին շրջանում ապահովագրական ընկերություններից ստացվող բողոքները շատացել են: Հիմնական խնդիրը ընկերությունների շահութաբերության նվազմանն է վերաբերում: Ապահովագրական ընկերությունները պնդում են, որ վթարների թվի ավելացմանը զուգահեռ նվազել են իրենց եկամուտները, ինչը թույլ չի տալիս, որ առավել արդյունավետ ծառայություն իրականացնեն:

Հայաստանի ավտոապահովագրողների բյուրոյի գործադիր տնօրեն Վահան Ավետիսյանը Past.am-ի հետ զրույցում նշեց, որ ԱՊՊԱ համակարգի ներդրումից հետո որևէ ապահովագրական ընկերություն դեռևս չի փակվել: Սա խոսում է այն մասին, որ, այնուամենայնիվ, ոլորտը շարունակում է շահութաբեր համարվել:  Ինչ վերաբերում է վերջին երկու տարիների վնասաբերության աճին, ապա, իսկապես, այդ ցուցանիշներն աճել են, սակայն դեռևս գտնվում են կանխատեսելիության միջավայրում:

«Վնասաբերությունը մոտ 73 % է, որը մասամբ պայմանավորված է հատուցումների որակի բարելավմամբ, որոշ մասով էլ պայմանավորված է նաև դեպքերի քանակի, անկարգապահության աճով, ինչը, կարծում եմ, առաջիկա ամիսների ընթացքում կկարգավորվի: Պետք է նշեմ, որ ներկայիս վնասաբերությունը գտնվում է կանխատեսելի միջակայքում  և չի գերազանցում 75 %-ի շեմը»,- ասաց Վ. Ավետիսյանը:

Բյուրոյի գործադիր տնօրենը նշեց նաև, որ վնասաբերության 75% շեմն ի սկզբանե նախատեսված է եղել, որպես հատուցումների ենթակա չափ: Այսինքն, հատուցումների մակարդակն առայժմ գնտվում է այն միջակայքում, որը համակարգի ներդրման ժամանակ կանխատեսվել էր: Ինչ վերաբերում է երթևեկությանը մասնակցող անպարտաճանաչ վարորդների թվաքանակի աճին, ապա սա ևս լուրջ խնդիր է, որն էլ իր հերթին է իրավիճակը բարդացնում: Իսկ ապահովագրական ընկերությունների կողմից հնչեցվող բողոքները պայմանավորված են նախորդ ժամանակահատվածի հետ համեմատության ցուցանիշներով:

«Ընկերությունները ցուցանիշները համեմատում են 2014, 15, 16 թվականների հետ: Այս առումով վնասաբերության ցուցանիշն աճել է, բայց, միևնույն է, գտնվում է ներկայիս սակագնի համար նախատեսված վնասաբերության շրջանակներում, ինչը նորմալ է»,- ասաց Վ. Ավետիսյանը:

Ի դեպ, անցյալ տարվանից քննարկումներ են սկսվել ծառայությունների գների վերանայման մասով: Սակայն, խոսքը ոչ թե սակագները բարձրացնելուն կամ իջեցնելուն է վերաբերում, այլ ազատականացմանը: Եվ եթե ներկայում բյուրոն է սահմանում սակագները, ապա հետագայում որոշակի մեթոդաբանություն կիրառելով՝ կսահմանի միայն ծառայությունների համար վճարվելիք գումարի վերին և ստորին շեմերը:

«Գների ազատականացման ժամանակ բյուրոն կսահմանի վերին և ստորին շեմերը՝ սպառողների և տնտեսվարողների տեսանկյունից ելնելով: Իսկ այդ շրջանակներում ընկերությունները ինքնուրույն կսահմանեն իրենց ծառայությունների գումարը»,- ասաց Վ. Ավետիսյանը:

Սպառողների համար նույնպես ընկերությունների միջև ընտրություն կատարելը հեշտացել է, քանի որ ապահովագրական ծառայությունների որակի մասին սեփական ուսումնասիրություն իրականացնելու և սեփական պահանջներին համապատասխան ընտրություն կատարելու համար նրանք կարող են ապահովագրական հատուցումների ընդհանուր և առանձնացված ցուցանիշների վերլուծությունից օգտվել:

«Վերջին երկու տարիների ընթացքում ապահովագրական հատուցումների ընդհանուր քանակի 30-40 % աճ է արձանագրվել, ինչը նշանակում է, որ հատուցումների որակն էապես բարելավվել է: Երկրորդ, մենք ներդրել ենք ուղիղ հատուցումների համակարգ, ինչը նշանակում է, որ յուրաքանչյուր հաճախորդ գործ ունի իր ապահովագրական ընկերության հետ: Եվ, համապատասխանաբար, այդ մրցակցության պայմաններում հաճախորդներն ինքնուրույն են որոշում, թե որ ընկերության կողմից մատուցվող ծառայության որակն է իրենց համար ավելի նախընտրելի»,- ասաց Վ. Ավետիսյանը:  

Արմինե Գրիգորյան

website by Sargssyan