Կոտայքի մարզպետին հորդորում են չանցնել լիազորությունների շրջ... ՀԱՍԱՐԱԿՈՒԹՅՈՒՆ
Թուր­քե­րը ոգև­ո­րու­թյամբ են այ­ցե­լում Փա­րա­ջա­նո­վի ցու­... ՄԻՋԱԶԳԱՅԻՆ
Հա­յաս­տա­նը կվերց­նի գնդա­կը և հար­ձակ­ման կանց­նի ՄԻՋԱԶԳԱՅԻՆ
Թորոսյանի պաշտոնավարման օրերը հաշվա՞ծ են ՔԱՂԱՔԱԿԱՆ
«Բիլայնը» մրցակցությանը դժվարությամբ է դիմանում ՔԱՂԱՔԱԿԱՆ
Երևան, 19.Մարտ,
00
:
00
:
00
Փոխարժեք
478.65
$
560.79
Ստեփանծմինդա-Լարս ավտոճանապարհը փակ է բեռնատարների համար Ադրբեջանի դիրքորոշումը ձախողման է տանում բանակցությունների վերսկսումը. Տիգրան Աբրահամյան Նիկոլ Փաշինյանը ցավակցություն է հայտնել Նիդեռլանդներում հրաձգության հետևանքով զոհվածների ընտանիքներին Իսրայելը Հայաստանի միջոցով ցանկանում է պատուհան բացել դեպի ԵԱՏՄ. քաղաքագետ «Զվարթնոց» օդանավակայանի խաչմերուկում բախվել են Toyota Camry-ն, Mercedes-ը, Ford-ն ու Opel-ը. կա տուժած. shamshyan.com Ալեքսանյանի եւ Պավլյուչենկոյի գոլերը նպաստել են Մոսկվայի «Արարատի» հաղթանակին Արման Թաթոյանն այցելել է ՀՀ սահմանն ապօրինի հատած ադրբեջանցուն. վերջինս ցանկություն է հայտնել կապվել իր ընտանիքի հետ Վիկտոր Ենգիբարյանն առաջարկում է, որ ճանապարհատրանսպորտային տուգանքի չափը որոշվի ըստ վարորդի մեքենայի արժեքի Բախում՝ կանանց ֆուտբոլում (տեսանյութ) Նիդեռլանդներում հրաձգության հետևանքով զոհերի թիվը 3-ի է հասել, կասկածյալը թուրք է Լոռու մարզի Շամլուղ համայնքի նախկին ղեկավարը համայնքի բյուջեից հափշտակել է շուրջ 14 մլն դրամ (տեսանյութ) Բանկերի շրջանում թիվ մեկ ներդրողն «Ամերիաբանկն» է Ստամբուլում խոշոր հրդեհ է բռնկվել տեղի քիմիական գործարաններից մեկում (տեսանյութ) Զոհրաբ Մնացականյանը Սերգեյ Լավրովի հետ քննարկել է հայ-ռուսական դաշնակցային օրակարգին առնչվող հարցեր Վիտալի Բալասանյանը բաց նամակով դիմել է Բակո Սահակյանին Ռեստորանում որպես պահակ աշխատող 51-ամյա տղամարդուն մեղադրանք է առաջադրվել՝ ռեստորանից շուրջ 1 մլն դրամ յուրացում կատարելու համար. գործը դատարանում է Արմեն Սարգսյանն ընդունել է Ամերիկայի հայկական համագումարի համանախագահին Լոռու մարզի Շամլուղ համայնքի նախկին ղեկավարը 2007-ից 2017 թթ. համայնքի բյուջեից հափշտակել է շուրջ 14 մլն դրամ Տնտեսական հեղափոխությունն ու Հայաստանի բանկային ոլորտը

Ցմահ դատապարտյալները, տուժողների իրավունքներն ու մութ գործերի վերանայման անհրաժեշտությունը

Past.am

Թեև ցմահ դատապարտյալների հարցը քննարկվեց մասնավորապես համաներման նախագծի շրջանակներում, այդուհանդերձ, այս օրերին հայտնի մեկ գործով հարցն ավելի սուր բնույթ է ստացել: Փաստաբան Արայիկ Պապիկյանի հետ զրույցում ցմահ դատապարտյալների  հարցը դիտարկել ենք ընդհանուր համատեքստում՝ չառանձնացնելով գործերն ու հաշվի առնելով հետագայում ներման, պայմանական վաղաժամկետ ինստիտուտի կիրառման վերաբերյալ հնարավոր այն արձագանքները, ինչպիսին հիմա են:

past.am-ի հետ զրույցում փաստաբանը նախ նշեց, որ պետական քաղաքականության վերանայման խնդիր կա:

«Մեզ մոտ տասնամյակներ շարունակ օրենսդրությունը և պետական քաղաքականությունը կենտրոնացած է եղել բացառապես պատժիչ քաղաքականություն վարելու ուղղությամբ: Ոչ միայն ցմահ, այլև ընդհանրապես դատապարտյալների նկատմամբ այդ քաղաքականությունն է եղել: Վերջին օրերին շատ ավելի հուզական արձագանքներ է ստանում հատկապես ցմահ դատապարտյալների հետ կապված իրավիճակի փոփոխությունը, երբ պետությունն իրականացնում է մի գործառույթ, որը կոչվում է ներման ինստիտուտի իրականացում: Պետությունը շատ ջանքեր պետք է գործադրի, որ հասարակության գիտակցության մեջ արմատավորվի այն, որ անձը, եթե անգամ ցմահ է դատապարտվել, երկրորդ հնարավորություն պետք է ստանա. բնականաբար, հաշվի առնելով բազմաթիվ հանգամանքեր, ինչպես, օրինակ, օրենքով սահմանված առնվազն 20 տարի պատիժը կրելը: Թեև ներման մասին օրենքով այդ առումով 2-3 սահմանափակում է նախատեսված, բայց նաև դրանք հաշվի առնելու դեպքում պետք է որոշում կայացնել»,-ասաց փաստաբանը:

Արայիկ Պապիկյանն անընդունելի է համարում այն հանգամանքը, երբ երևույթի մասին մակերեսորեն անգամ ծանոթ չլինելով՝ մարդիկ նաև ոչ կոռեկտ արտահայտություններ են անում:

«Դրա հետևանքով ընդհանուր մթնոլորտ է ձևավորվում, ինչը նույն տրամաբանությամբ տարածվելու է մյուս դատապարտյալների վրա: Հարցն անձի մեջ չէ, ցմահ դատապարտյալներից ով էլ լիներ, որը ներման ինստիտուտից պետք է օգտվեր, նույն արձագանքը պետք է ստանար հասարակության կողմից, ինչն անընդունելի է»,-ասաց նա՝ հավելելով, որ եթե պատիժը կրելուց հետո տարիներ անց համապատասխան մարմինը հանգել է եզրակացության, որ անձը կարող է  վերադառնալ հասարակություն, ուրեմն՝ պետք է վերադառնա, և դա չպետք է քննարկվի ու ատելության քարոզ դառնա:

Դիտարկմանը, թե, օրինակ՝ մինչև ներում կիրառելը պետությունը, համապատասխան մարմիններն արդյոք չպե՞տք է իրականացրած լինեն այն անհրաժեշտ փուլերը, որ հասարակության ընկալումն էլ հասկանալի լինի, տուժողներն էլ ինչ-որ չափով ընդունեն որոշումը, Ա. Պապիկյանը պատասխանեց. «Իհարկե: Ամենակարևոր խնդիրը, թերևս, տուժողների իրավունքների պաշտպանված լինելն է: Սա չափազանց նուրբ հարց է, որի պատասխանատվությունը կրում է պետությունը: Այս հարցերը լուծելու համար հատկապես հիմա նախ անհրաժեշտ էր, որ այն գործերը, որոնք հնարավոր էր վերանայել, վերանայվեին: Դրա համար լավագույն լուծումը թերևս անցումային արդարադատությունը կարող էր լինել: Ես կասկած չունեմ, որ 90-ականներին և 2000-ականների սկզբին քննված բազմաթիվ գործեր մութ անկյուններ ունեն: Այդ իսկ պատճառով պետք է վերանայումներ կատարվեն, և եթե օբյեկտիվորեն այլ հանգամանքեր ի հայտ գային, ապա դրանք կարող էին որոշակիորեն լուծում տալ տուժողների իրավունքների պաշտպանության առումով: Բացի այդ, կան չբավարարված քաղաքացիական հայցեր: Այսինքն՝ ավելի քան քսան տարի տուժողների իրավունքները դեռևս վերականգնված չեն: Պետության կողմից դրսևորման բազմաթիվ քայլեր կարող են լինել, որոնց համաձայն նաև տուժողների իրավունքները պաշտպանված կլինեն: Կարող է լինել նաև իրավիճակ, երբ տուժողի իրավունքը վերականգնելու համար պետության ձեռնարկած միջոցառումները բավական չլինեն: Այստեղ արդեն հանցանք կատարած անձի վերաբերմունքը պետք է արտահայտվի: Այդ առումով շատ կարևոր է, որ առնվազն հիմա սեղմ ժամկետում սկսեր գործել այդ անցումային արդարադատությունը: Մենք միգուցե դրա միջոցով կկարողանայինք ունենալ բոլոր հարցերի պատասխանները»:

Նա շեշտեց, որ արդեն ամիսներ շարունակ են բարձրաձայնում այն մասին, որ անցումային արդարադատության խնդիրը լուծված չէ. «Հիմա առաջին քայլերն անելու փորձ է արվում և որքան էլ շատերի կողմից սվիններով ընդունվի, այդ ամենը չպետք է հանգեցնի նրան, որ այդ նախաձեռնությունը դարձյալ թաղվի խորը դարակի մեջ: Պետությունը պետք է բազմաթիվ ճակատներով աշխատանք տանի՝ մի կողմից իրականացնի իր հիմնական գործառույթը մարդասիրության առումով, մյուս կողմից՝ հասարակության համար այնպիսի թափանցիկ քաղաքականություն վարի, որ յուրաքանչյուր գործողություն նրանց համար ընկալելի լինի: Պետք է հաշվի առնվեն ինչպես տուժողի իրավունքները, այնպես էլ 20 կամ ավելի տարիներ պատիժ կրող անձանց հնարավորություն տալու իրավունքի ապահովումը»:

Աննա Բադալյան

website by Sargssyan