Տասն ամիս անց. քայլե՞ր, թե՞ արդարացումներ ՎԵՐԼՈՒԾԱԿԱՆ
Փաշինյանի թիմն ու Աստծո սպասավորները «յոլա չեն գնում» իրար հետ ՔԱՂԱՔԱԿԱՆ
Սահմանադրական փոփոխության կարիք կա՞, թե՞ ոչ. երկակի վիճակ ՎԵՐԼՈՒԾԱԿԱՆ
Զարմացողը Սյունիքի նախկին մարզպետն է եղել ՀԱՍԱՐԱԿՈՒԹՅՈՒՆ
Կադրային բանկը՝ սնանկության շեմին ՎԵՐԼՈՒԾԱԿԱՆ
Երևան, 21.Փետրվար,
00
:
00
:
00
Փոխարժեք
478.65
$
560.79
Թունավորվել են գազի կաթսայից շմոլ գազի արտահոսքի հետևանքով Չեմպիոնների լիգա. Առաջին խաղակեսերից հետո Փակ են Վարդենյաց լեռնանցքը և Արագածոտնի մարզի մի շարք գյուղերի ավտոճանապարհներ Վենեսուելան փակել է իր ծովային սահմանը Պատգամավոր Արգիշտի Մեխակյանի ունեցվածքը Երեւանյան բնակարանում տղամարդու դի են հայտնաբերել «Շեֆ, ամեն ինչ լավ է». արդյո՞ք բան է փոխվել Սահմանադրական փոփոխության կարիք կա՞, թե՞ ոչ. երկակի վիճակ(Տեսանյութ) Վթար Էջմիածին-Մարգարա ճանապահին. վարորդը մահացել է Կադրային բանկը՝ սնանկության շեմին(Տեսանյութ) Քաղաքացին աղջկա հետ փորձել է մտնել կառավարության շենք և ի նշան բողոքի՝ ինքնահրկիզվել Գիտնականները բացահայտել են արագ նիհարելու բացառիկ մեթոդ Վերահսկողականը՝ Լոռու մարզում(Տեսանյութ) Երևանում առկա ավելի քան 6000 բազմաբնակարան բնակելի շենքերից 4-րդ կարգի վթարային է շուրջ 10-15 շենք. բաց լսումներ քաղաքապետարանում «Յուվենտուս»-ը պատրաստվում է «Ատլետիկո»-ի դեմ դիմակայությանը (լուսանկարներ) Չկա այնպիսի մեկը, որն ալկոհոլ չի օգտագործում Փաշինյանի թիմն ու Աստծո սպասավորները «յոլա չեն գնում» իրար հետ(Տեսանյութ) ԱԳԲԱ Լիզինգը վերականգնվող էներգետիկայի ոլորտում իրականացրած ներդրումների համար ՎԶԵԲ-ից մրցանակ է ստացել Վթար Էջմիածին-Մարգարա ճանապահին. 41-ամյա վարորդը մահացել է (ֆոտո) Դիջիթեյնը ներկայացրեց իր նորարարական լուծումները ICE London միջազգային ամենամյա հեղինակավոր ցուցահանդեսին

Պետությունը՝ պոպուլիզմի գերի, կամ՝ սրած բիզը վերադառնում է

 

Բազմիցս ահազանգել ենք, որ ժամանակն է լիցքաթափել ամբոխահաճության այն քաղաքականությունը, որ վարում էին նոր իշխանությունները, ժամանակն է պարզաբանել «իշխանությունը պատկանում է ժողովրդին» ծեծված թեզը, քանի դեռ ուշ չէ: Նոր իշխանություններին թվում էր, թե հանրային տրամադրությունները մեքենա են. երբ ուզենան, կարագացնեն դրանք՝ հօգուտ իրենց, երբ ուզենան, կարգելակեն: Արագացնել, իհարկե, ստացվեց, բայց արգելակման հետ խնդիրներ կան: Ու հիմա, երբ իշխանություններն արդեն որոշակիորեն հետքայլ են արել ամբոխահաճությունից, ավելին՝ Փաշինյանի մակարդակով հայտարարում են, որ ժողովուրդն իրացրել է իշխանությունն իրենց ընտրելով, հանրային որոշակի տրամադրությունների արգելակման խնդիրն ավելի ակներև է դառնում:

Միգուցե իշխանությունն ինքը հետ է կանգնել «իշխանությունը պատկանում է ժողովրդին» թեզի ուղիղ, պրիմիտիվ մեկնությունից կամ հասկացել է, որ բոլոր հարցերը չէ, որ լուծվում են հրապարակում: Բայց հասարակության տարբեր խմբեր մտադիր չեն այդ տրամաբանությունից հետ կանգնել, ավելին՝ նրանք ժամանակին եղել են ներկա իշխանության կողքին, եղել են հեղափոխության առաջամարտիկ հենց այդ տրամաբանության համար: Հիմա նրանցից խլում են ամենաթանկը:

Ընդ որում, այս դրսևորման օրինակներն այնքան շատ են, որ դժվար է նույնիսկ թվարկել: Ամեն օր հանրապետության տարբեր համայնքներում, մանավանդ Երևանում տեղի են ունենում զանազան ցույցեր, ակցիաներ՝ զանազան պահանջներով: Ամենաթարմ օրինակները նախօրեին քաղաքապետարանի մոտ տեղի ունեցած անհասկանալի ցույցն է, որտեղ տաքսու մի խումբ վարորդներ պահանջում էին հանդիպում քաղաքապետ Մարությանի հետ: Չկարողանալով հանդիպել Մարությանին՝ նրանք զայրանում ու զարմանում էին, թե այդ ինչով է զբաղված քաղաքապետը:

Կամ մեկ այլ օրինակ: Օրերս հայ առևտրականները Բագրատաշենի անցակետում ցույց էին կազմակերպել, փակել էին հայ– վրացական այդ անցակետը: Առիթն այն էր, որ նրանց այլևս թույլ չէին տալիս անձնական կարիքների անվան տակ 50 կգ բեռ տեղափոխել՝ շեմը իջեցնելով 25–ի: Հատկանշական է, որ անձնական բեռների տեղափոխման ուղեբեռի քաշի փոփոխությունից բողոքում են առևտրականները: Այսինքն, հետհեղափոխական առաջին ամիսներին իշխանության «բարի կամքով» սահմանվել է 50կգ սահմանաչափ, առանց հաշվառման, առանց կոնկրետ համակարգի: Բացառապես անձնական ուղեբեռի համար սահմանված այս սահմանաչափը դարձել է յուրատեսակ առևտրի տեսակ: Մի կողմ թողնենք այն հանգամանքը, որ այդ արագ և էժան առևտուրը ահռելի վնասներ է հասցրել ներմուծմամբ զբաղվողներին ու տեղական արտադրողներին: Հիմա, երբ փոխվում է սահմանաչափը, այդ առևտրականները պատրաստ են փակել սահմանային անցակետը, մաքսատունը: Եվ միայն Վանեցյանի պատահական ներկայությամբ ու միջնաժամկետ լուծմամբ է խնդիրը կարգավորվում: Դժվար է մեղադրել այդ առևտրականներին, քանի որ հեղափոխական առաջին ամիսների ամբոխահաճությունը նրանց սովորեցրել է հեշտ եկամուտի, իսկ հիմա նրանցից այդ եկամուտը վերցնում են: Նրանք էլ անում են այն, ինչ տեսել են: Իսկ տեսել են, որ պետք եղած ժամանակ կարելի է փակել օդանավակայան տանող ճանապարհը: Ինչո՞վ է Բագրատաշենի անցակետը պակաս Զվարթնոցի օդանավակայանից: Ամբոխավարության տեսանկյունից՝ ոչնչով:

Ինչ–որ տեղ, իհարկե, ամեն ինչ ավելի քան տրամաբանական է ու մարդկայնորեն արդար: Գործում է բումերանգի էֆեկտը, հնձում են այն, ինչ ցանել են: Պարզապես արանքում կա պետության խնդիր: Ամբոխավարությունից, այնուհետ դրա հետևանքներից ձերբազատվելուց ամեն անգամ ցնցվում է պետությունը, որն անսպառ օրգանիզմ չէ:

ԼԵՎՈՆ ՄԱՐԳԱՐՅԱՆ

 

website by Sargssyan