Նախընտրական թոհուբոհ Արցախում. ով ում թեկնածուն է ՔԱՂԱՔԱԿԱՆ
Ալավերդիում կառավարությունը «ջուր է ծեծում» ՔԱՂԱՔԱԿԱՆ
27 200 ԱՄՆ դոլար, շուրջ 9 մլն դրամ, նաև անշարժ գույք՝ «Իմ քա... ՔԱՂԱՔԱԿԱՆ
Նոր ընդդիմության և նոր իշխանության հին դեմքը ՎԵՐԼՈՒԾԱԿԱՆ
Պատասխաններ տալու ժամանակը ՔԱՂԱՔԱԿԱՆ
Երևան, 18.Փետրվար,
00
:
00
:
00
Փոխարժեք
478.65
$
560.79
Հանրապետության տարածքում հնարավոր է քամու ուժգնացում, հյուսիսային հատվածներում քամու արագությունը կարող է հասնել 15-20 մ/վ-ի. ԱԻՆ «Երևան–Կենտրոն» ՔԿՀ պետի ունեցվածքը.Տեսանյութ Ծառահատումներ Լոռու մարզում. նշանակվել են մասնագիտական ստուգումներ Ռուսաստանում 3 երեխայի փրկած հային տեղի պաշտոնյաներն արտաքսել են կնոջ եւ 5 երեխաների հետ (ֆոտո) Դոլարի փոխարժեքը շարունակում է նվազել. եվրոն թանկանում է Ինչ է սպասվում մեր մոլորակին. տեղի է ունեցել սարսափելի երևույթ Կոշիկի կրունկով աղջիկը հարվածել է տղայի աչքին Արթիկի թիվ 3 ավագ դպրոցի նախկին տնօրենը յուրացրել է ավելի քան 2 ու կես մլն դրամ. Ոստիկանություն Մթեքներ, որոնք ճարպը հալեցնում են մի քանի օրում Օրենքով գողերը վերջապես ընտրեցին իրենց առաջնորդին Արամ Ա կաթողիկոսը Տիգրան Մանսուրյանին պարգեւատրել է «Ասպետի կարգ» շքանշանով Կապանում 80-ամյա կինն ինքնասպան է եղել՝ թողնելով երկտող Աննա Հակոբյանը մանուկ հասակում (բացառիկ լուսանկարներ) Սևանի թերակղզուց դեպի Դիլիջանի թունել ճանապարհահատվածում բուք է Ադրբեջանի կողմից կա բանակցային գործընթացին պատրաստ լինելու իմիտացիա. Տիգրան Աբրահամյան Ո՞վ է սցենարիստ Դիանա Գրիգորյանի ամուսինը Իշխանություններն ակնկալում են, որ հասարակությունը պիտի շնորհակա՞լ լինի իրենց, որ գոնե համայնքներում Փաշինյանի հերթական «կեպիներն ու սելֆիի ձողիկներին» չեն կարգել ղեկավարներ. Ա. Աշոտյան Երբ այս երեխան ծնվեց, բժիշկները ցանկացան նրան սպանել Նվեր Ծառուկյանի փաստաբան Էմին Խաչատրյանի պարզաբանումը Նարե Մանուկյանի բաց նամակի կապակցությամբ Բագրատաշենի անցակետից բերման է ենթարկվել Թուրքիայի քաղաքացի Ֆարուքը. Նրան որոնում են Գերմանիայի իրավապահները

Ֆեյսբուքյան նամականի. պայքա՞ր, թե՞ «բառդակ» իշխանության ներսում

Հայաստանի պետական օրհներգի փոփոխության մասին քննարկումները բավականին հետաքրքիր շերտեր բացահայտեցին ոչ միայն հասարակության և իշխանության գեղագիտական մոտեցումների և դրանց միջև առկա համաձայնությունների ու հակասությունների, այլև հենց իշխանության ներսում եղած հակասությունների առումով: Օրհներգի փոփոխությունն, իհարկե, առիթ էր, պատճառն ավելի խորքային է: Այդ առիթը, սակայն, ցույց տվեց, թե ինչպիսին է իշխանության ներքին խոհանոցը: 

Օրհներգի փոփոխությունների շուրջ քննարկումները վերածվեցին ներիշխանական ֆեյսբուքյան հակադրությունների, եղան դեպքեր, երբ իշխանության ներկայացուցիչները մեկը մյուսի հետ սկսեցին հարաբերվել ֆեյսբուքյան բաց նամակներով կամ բավական սուր, ներթիմային սոլիդարության սահմանն ակնհայտորեն խախտող մեկնաբանություններով: Սա, իհարկե, փաթեթավորվում է որպես ներքին դեմոկրատիա, կամ, ինչպես ընդունված է ասել, ներիշխանական ընդդիմության առկայություն: 

Սակայն ֆեյսբուքյան այս փոխհրաձգություններից զատ, նկատվում է նաև որոշակի անհամատեղելիություն հնչող հայտարարությունների մասով: Օրինակ, մի դեպքում հայտարարվում է, որ օրհներգի փոփոխության հարցը կքննարկվի խմբակցությունում, մեկ այլ դեպքում հայտարարվում է, որ խմբակցությունում այդ հարցը չի քննարկվի: Կառավարությունն էլ իր հերթին է փոխվարչապետներից մեկի գրասենյակի ղեկավարի մակարդակով տեղեկացնում, որ նման հարց քննարկման դրված չէ գործադիրում: Այսինքն, ոչ միայն չկա ներկուսակցական հստակ դիրքորոշում կոնկրետ հարցի վերաբերյալ, այլև չկա հստակեցված ընթացակարգ: Կամ պարզ ասած՝ աջ ձեռքը չգիտի, թե ինչ է անում ձախը, բայց այս չիմացությունը ներկայացվում է որպես ներկուսակցական դեմոկրատիա: 

Ներկուսակցական դեմոկրատիան ու կարծիքների բազմազանությունն, անշուշտ, ողջունելի երևույթներ են: Սակայն սրանք վերացական հասկացություններ չեն, այլ կոնկրետ մեխանիզմներ ու մշակույթ, որոնք յուրացվել են արևմտյան քաղաքական, կուսակցական համակարգերի կողմից: Արևուտքում էլ խոշոր կուսակցությունների ներսում կան հակադիր թևեր, բայց այդ հակադրությունը հիմնվում է շատ կոնկրետ հայեցակարգային տարբերությունների վրա և արտահայտվում շատ կոնկրետ ընթացակարգերով, օրինակ, ներկուսակցական ընտրություններով ու դեբատներով: Ո՛չ ՔՊ–ում, ո՛չ էլ «Իմ քայլի» ցուցակը կազմելիս որևէ նման ընթացակարգ չի ներմուծվել: Թիմը, այնուհետ նաև խմբակցությունը կազմվել է Փաշինյանի և նեղ շրջանակի հայեցողությամբ: Հետևաբար ցանկացած ներքին անհամաձայնություն, իսկ դրանք վստահաբար քիչ չեն, առանց ներկուսակցական դեմոկրատիայի հստակ ընթացակարգերի, պարզապես վերածվում է անձնական, շահադիտական, իշխանության համար մղվող պայքարի կոնտեքստում արվող սակարկման:

Իշխանության ներսում, սակայն, անհամաձայնությունների այս շքերթը չի սահմանափակվում միայն քաղաքական թիմով, այն դառնում է ընդհանրապես միջգերատեսչական հակամարտությունների առիթ, և պարգևավճարների հայտնի թեման դրա վառ ապացույցներից մեկն է: Ասել է թե, բացի Նիկոլ Փաշինյանի անձից ու նրա լեգիտիմության շուրջ միաբանությունից, այլ առանցք իշխանությունն այս պահին չունի , և գտնվում է անվերջ ներքին հակամարտությունների պրոցեսում: Թե ուր կարող է սա տանել, մենք շատ լավ գիտենք նախորդ իշխանության փորձից: Մի կողմից միմյանց դեմ արվող տեղեկատվական արտահոսքեր, որոնք ներքին կոնֆլիկտների արդյունքն են, մեկ այլ կողմից՝ Սերժ Սարգսյան, որ հանդես էր գալիս այդ կոնֆլիկտները կարգավորողի դերում և դրա դիմաց ստանում էր հլու–հնազանդ և իրենից կախված համակարգ:

 

 ԼԵՎՈՆ ՄԱՐԳԱՐՅԱՆ

website by Sargssyan