Գտնվել է ավտոմեքենայով ՊՆ դարպասները կոտրած Գուրգեն Վարդանյա... ՀԱՍԱՐԱԿՈՒԹՅՈՒՆ
Դոլարի գինն էժանանում է համաշխարհային հիմնական արժույթների ն... ՏՆՏԵՍՈՒԹՅՈՒՆ
Արցախը Հայաստանին կապող միջպետական ավտոճանապարհները դժվարանց... ՀԱՍԱՐԱԿՈՒԹՅՈՒՆ
Որ ավտոմեքենաները երբ պետք է տեխզննում անցնեն. Օրենքն ընդուն... ՀԱՍԱՐԱԿՈՒԹՅՈՒՆ
Նոյեմբերյան-Ջուջևան ավտոճանապարհն ու Դիլիջանի ոլորանները փակ... ՀԱՍԱՐԱԿՈՒԹՅՈՒՆ
Երևան, 21.Հունվար,
00
:
00
:
00
Փոխարժեք
478.65
$
560.79
Սյունիքի մարզում 61-ամյա վարորդը Mercedes-ով բախվել է Հայաստանում ԱՄՆ դեսպանատան Chevrolet-ին. կան վիրավորներ ՀՀ և ՌԴ ԱԳ նախարարների տեղակալները քննարկել են անվտանգության ամրապնդմանն առնչվող հարցեր ԱՄՆ-ն կաշխատի ԼՂ հարցում երկարատև քաղաքական լուծում գտնելու ուղղությամբ. Լին Թրեյսի Հնդիկ դերասանուհին դատապարտել է հայերի դեմ ադրբեջանական ագրեսիան Այսօր Ադրբեջանում կա 235 ռազմագերի, այդ թվում՝ քաղաքացիական անձինք, կանայք․ Դավիթ Շահնազարյան Մի շարք քաղաքացիների 2020 թվականի ձմեռային զորակոչից տարկետում կտրվի Կոտայքի մարզում շտապօգնության ավտոմեքենա է կողաշրջվել Երկրի հակառակ կողմը... «Նոր ուժերի պլատֆորմ» ստեղծելու հարցում գոյություն ունի հասարակական կոնսենսուս. Արման Վարդանյան ՀՀ-ն և Ռուսաստանը կվերացնեն Covid-ով պայմանավորված փոխադարձ ելքի և մուտքի խոչընդոտները Հայաստանը ձեռք կբերի բրիտանական «AstraZeneca» պատվաստանյութը Վարչապետ Փաշինյանը չպատասխանեց հարցին՝ արդյո՞ք Տիգրանաշենին սպառնում է Շուռնուխի ճակատագիրը Ինչու են Շուշիից հրամկազմը դուրս բերելուց հետո այդքան զինծառայողներ տարել ու սպանել. Վարագյան ԿԳՄՍ նախարարն ընդունել է ԵՄ պատվիրակության ղեկավար Անդրեա Վիկտորինին Ինչն է Նարինե Թուխիկյանին պաշտոնից ազատելու պատճառը Ատոմ Ջանջուղազյանը չպատասխանեց հարցին՝ Հիմնադրամին փոխանցված 170 միլիարդ դրամն ինչպե՞ս են ծախսել Նիկոլ Փաշինյանը բավական հարբած է եղել, երբ տեսել է տեսանյութը. Բացառիկ մանրամասներ՝ Նարինե Խաչատուրյանի պաշտոնանկությունից Ինչո՞ւ մինչև հիմա չկան դավաճանների, հայրենիքը ծախածների անունները. պատգամավորը՝ Փաշինյանին Նիկոլ Փաշինյանը բավական հարբած է եղել, երբ տեսել է տեսանյութը. Բացառիկ մանրամասներ՝ Նարինե Խաչատուրյանի պաշտոնանկությունից Ադրբեջանը պատրաստ չէ խաղաղության․ նախ պետք է վստահության մթնոլորտ ստեղծել

Ին­չի՞ց է վա­խե­նում Փա­շի­նյա­նը.աղ­մուկն ու հե­տև­անք­ներն ավե­լի տե­սա­նե­լի ու ծա­վա­լա­յին են լի­նե­լու

Չնայած կառավարությունը հաստատել է «Կառավարության կառուցվածքի մասին» օրենքում փոփոխություններ կատարելու մասին» օրենքի նախագիծը, սակայն, ԶԼՄ-ների տեղեկացմամբ, այն, ամենայն հավանականությամբ, չի քննարկվի նաև ԱԺ առաջիկա քառօրյայում: Իշխանությունը մտավախություն ունի, որ դրա ընդունմանը հետևող կրճատումները և գործազրկության նոր ալիքը կարող են ցնցումների պատճառ դառնալ, և դրա դեմն առնելու այլ ձև չգիտի, քան այդ փոփոխությունները հետաձգելը։

Խնդիրն իրապես բազմաշերտ է ու հանգամանալից քննարկման անհրաժեշտություն ունի, մանավանդ, որ խորհրդարանական ընտրություններից անցել է ավելի քան երեք ամիս, ձևավորվել են նոր խորհրդարանն ու կառավարարությունը, սակայն հաստատված չէ գործադիրի կառուցվածքը։ Սա իսկապես արտառոց վիճակ է, ըստ էության՝ կառավարությունը գործում է օրինականության սահմանագծին, ինչը չի կարող ռիսկեր չծնել։ Մյուս հանգամանքն այն է, որ կառավարության կառուցվածքի բացակայությունը քաոտիկ իրավիճակ է ստեղծել գործադիրի միջին և ստորին օղակներում. հարյուրավոր, եթե ոչ՝ հազարավոր մարդիկ չգիտեն, թե ինչ է լինելու իրենց հետ վաղը, մյուս օրը՝ կրճատումների ուրվականը պտտվում է պետական ողջ համակարգում։

Ի դեպ, միայն այն փաստը, որ իշխանությունները չեն շտապում օրենքի ուժ տալ կառավարության նոր կառուցվածքին՝ արդեն խոսուն փաստ է ու հակադրության մեջ է մտնում վարչապետ Նիկոլ Փաշինյանի՝ նախօրեին արած այն պնդման հետ, թե իբրև իր ղեկավարած դաշինքի վարկանիշն այսօր ավելի բարձր է, քան՝ ընտրությունների օրը։ Այս պարագայում կառավարությունը պետք է մտավախություններ չունենար ու, եթե համոզված է, որ իր կողմից հաստատված կառուցվածքը օպտիմալ է, ապա կձգտեր օր առաջ ստանալ խորհրդարանի հավանությունը։ Նշանակում է՝ խնդիրներ կան, ընդ որում՝ ավելի խորքային, քան դրանք կարող են թվալ առաջին հայացքից։

Սոցիալական համատեքստն իրականում շատ կարևոր է։ Հանրապետությունում լոկալ հուզումների մի ամբողջ շղթա է, ընդ որում՝ բողոքի յուրաքանչյուր նոր ակցիա ավելի է ամրապնդում այն կարծիքը, որ այս կառավարությունն օբյեկտիվորեն անկարող է լուծել շատ խնդիրներ։ Կառավարության կառուցվածքի հաստատումն իր հետ բերելու է նոր կրճատումներ պետական համակարգում, ու թեև խոսվում է շուրջ տասը հազար մարդու գործազուրկ դառնալու հեռանկարի մասին, կառավարության որևէ պատասխանատու պաշտոնյա չի կարողանում կոնկրետ ասել, թե քանի պետական ծառայող է հրաժեշտ տալու իր աշխատանքին։ Նիկոլ Փաշինյանի շրջապատում, ըստ ամենայնի, անհանգստացած են սոցիալական լարվածության նոր օջախի ստեղծման հեռանկարով, մանավանդ, որ այս դեպքում աղմուկն ու հետևանքներն ավելի տեսանելի ու ծավալային են լինելու։

Մյուս կողմից՝ կառավարության նոր կառուցվածքն, ըստ էության, ոչ թե օպտիմալացում, այլ մեխանիկական կրճատումներ է ենթադրում։ Այս պարագայում բյուջեի կրճատումներն էական չեն լինելու, սակայն չի լուծվում հիմնական խնդիրը՝ կառավարման արդյունավետությունը չի բարձրանալու։ Հետևաբար՝ կառավարության կառուցվածքային փոփոխությունները զուրկ են կոնցեպտուալ բաղադրիչից ու փաստացի չեն լուծում հիմնական խնդիրը։ Անկասկած է, որ խորհրդարանում ընդդիմությունը չի կարող ազդել քվեարկության արդյունքների վրա, սակայն բարձրաձայնելու է այս խնդիրն՝ ակամայից դառնալով հանրային բողոքական տրամադրությունների տրանսլ յատոր։ Այս հեռանկարը նույնպես անհանգստացնում է կառավարությանը, որովհետև Փաշինյանի թիմն ակնհայտորեն պատրաստ չէ գործ ունենալ նոր ընդդիմության հետ ու գերադասում է հասարակությանը կոնսոլիդացնել՝ նախկին համակարգի հետ ասոցացվող ուժերին ու գործիչներին թիրախավորելով։

Եվ վերջապես՝ կառավարության նոր կառուցվածքը չի լուծում սուպերվարչապետական համակարգի չեղարկման խնդիրը, ինչը հակադրության մեջ է մտնում ժողովրդավարության անշրջելիության մասին պնդումների հետ։ Եթե պահպանվում են ավտորիտարիզմի ռեստավրացիայի ինստիտուցիոնալ, օրենսդրական հիմքերը, չկա որևէ երաշխիք, որ հեղափոխության արդյունքների կապիտալիզացիայի գործընթացն անշրջելի է, մյուս կողմից՝ տնտեսական հեղափոխություն հնարավոր չէ իրականացնել հին համակարգի համատեքստում։

Այս բոլոր գործոններն անհանգստացնում են Նիկոլ Փաշինյանին, ու պատահական չէ, որ նրա վերջին ասուլիսը թեև ռեկորդային էր տևողությամբ, սակայն, մեղմ ասած, հարուստ չէր ասելիքով ու բովանդակությամբ։

ՍՈՒՐԵՆ ՍՈՒՐԵՆՅԱՆՑ

website by Sargssyan