Այսօր ահաբեկչության զոհերի հիշատակման եւ հարգանքի տուրք մատո... ՀԱՍԱՐԱԿՈՒԹՅՈՒՆ
Աշխատանք՝ հանուն «մաքուր» էներգիայի (Տեսանյութ) ՀԱՍԱՐԱԿՈՒԹՅՈՒՆ
2019 թվականի առաջին կիսամյակում 98 վարորդներ ոչ սթափ վիճակու... ՀԱՍԱՐԱԿՈՒԹՅՈՒՆ
ՀՀ քաղաքացու համար վերացվել է ՌԴ մուտք գործելու արգելքը․ ՄԻՊ... ՔԱՂԱՔԱԿԱՆ
Հակառակորդը հրադադարի ռեժիմը մեկ շաբաթվա ընթացքում խախտել է ... ՀԱՍԱՐԱԿՈՒԹՅՈՒՆ
Երևան, 23.Օգոստոս,
00
:
00
:
00
Փոխարժեք
478.65
$
560.79
Տավուշի մարզում շրջվել է զինծառայողների տեղափոխող բեռնատարը. 11 մարդ տեղափոխվել է հիվանդանոց (ֆոտո) Այսօր Ստրկավաճառության զոհերի և դրա վերացման հիշատակման միջազգային օրն է Երեւանյան բնակարաններից մեկում փրկարարները հայտնաբերել են 46-ամյա տղամարդու դի Իտալիան կարող է երկրի պատմության մեջ առաջին կին վարչապետն ունենալ. լրատվամիջոցներ Իսրայելը մեղմում է կիբեր զենքի արտահանման կանոնները «Հոկտեմբերի 2-ին կարելի էր ԱԺ տարածքում հավաք անցկացնել, իսկ հիմա չէր կարելի՞». Ավետիք Իշխանյան Ես պատրաստ եմ լինելու Հայաստանի պատմության մեջ միակ պատասխանատվության ենթարկվողը․ Ռուբեն Հայրապետյան Արայի լեռան ստորոտում հրդեհաշիջման աշխատանքները շարունակվում են. հրդեհի ընդհանուր մակերեսը կազմում է 1800 հա (տեսանյութ) Գ.Ծառուկյանի ջանքերով Երևանում բացվել է հանրահայտ «Sport Point»-ի 1-ին մարզախանութը Ռոբերտ Ղուկասյանը նշանակվել է վարչապետի խորհրդական Ջերմուկում ոչ ոք չի հավատում Ամուլսարի փորձաքննության արդյունքներին. ոչ մեկի համար ո’չ վարչապետի, ո’չ փոխվարչապետի խոսքը հիմնավոր չէ. Գևորգ Գորգիսյան Երեւանում թալանել են «Հիդրոէլեկտրոմոնտաժ» ընկերության կոմերցիոն տնօրենին՝ հափշտակելով 20 հազար դոլար Ուկրաինայում հայազգի պատգամավորը վրաերթի է ենթարկվել Հայ երկրպագուների երթը «Արարատ-Արմենիա» - «Դյուդելանժ» խաղից առաջ ԱԳ նախարար Զոհրաբ Մնացականյանը հեռախոսազրույց ունեցավ ԵԱՀ ԱԳ նախարարի հետ

Արմեն Սարգսյանի սկզբունքային քայլը. նոր հակասություններ նախագահի ու վարչապետի միջև

Սահմանադրության 166-րդ հոդվածի 1-ին մասի և 213-րդ հոդվածի համաձայն` ՀՀ նախագահը Սահմանադրական դատարանի դատավորի թափուր տեղի համար առաջադրել է նոր թեկնածություն: ՍԴ դատավորի ընտրության հարցը Ազգային ժողովը կքննարկի մայիսի 29-ին:


Արմեն Սարգսյանը ՍԴ անդամի թափուր տեղի համար խորհրդարան է ներկայացրել ԵՊՀ իրավագիտության ֆակուլտետի պետության և իրավունքի տեսության ու պատմության ամբիոնի վարիչ, իրավաբանական գիտությունների դոկտոր, պրոֆեսոր Արթուր Վաղարշյանի թեկնածությունը: Այս հանգամանքը կարող է նոր լարվածություն առաջացնել վարչապետի ու նախագահի հարաբերություններում։ Բանն այն է, որ ԱԺ իշխող մեծամասնությունն ուներ ֆավորիտ թեկնածու՝ Մարտի 1-ի գործով տուժողների ներկայացուցիչ Վահե Գրիգորյանը, ու ոչ մեկ անգամ է ուղղակի և անուղղակի հասկացրել, որ ուրիշ ում թեկնածությունն էլ ներկայացնի նախագահը, իրենք, միևնույն է, մերժելու են: Վահե Գրիգորյանն այս անգամ եղել է նախագահի կողմից ՍԴ դատավորի թափուր պաշտոնի համար նախագահի ներկայացվելիք ինը հավակնորդների թվում, սակայն Արմեն Սարգսյանը նախապատվությունը այլ մարդու է տվել՝ այդպես հակադրվելով խորհրդարանական մեծամասնությանը։

Ապրիլի սկզբին խորհրդարանը մերժեց Արմեն Սարգսյանի առաջադրած թեկնածուին, ու շատերը ենթադրում էին, որ հանրապետության նախագահը կարող է խորհրդարան ներկայացնել վարչապետի նախընտրած թեկնածուին։ Սակայն, ըստ ամենայնի, Արմեն Սարգսյանի ու Նիկոլ Փաշինյանի հակասություններն իրապես խորքային են, ու ՍԴ անդամի թեկնածության հարցն ընդամենն առիթ է։ Օրինակ՝ բոլորն են նկատել, որ Սարգսյանն ու Փաշինյանը վերջերս միասին չեն մասնակցում որևէ միջոցառման, ու կարծես վաղուց տեղի չի ունեցել նաև վարչապետի ու նախագահի գոնե լուսաբանված հանդիպում։

Հեղափոխության օրերին ու ընդհուպ մինչև խորհրդարանական արտահերթ ընտրություններն Արմեն Սարգսյանը շատ մեծ կայունացնող դերակատարություն է ունեցել՝ ըստ էության, նպաստելով Նիկոլ Փաշինյանի քաղաքական օրակարգի իրացմանը։ Թվում էր՝ ստեղծվել է հրաշալի հնարավորություն, որպեսզի համադրվեն Փաշինյանի բարձր լեգիտիմությունն ու հեղափոխական էնեգետիկան և Արմեն Սարգսյանի միջազգային կապերն ու փորձառությունը։

Սակայն հեղափոխության թիմը, իր սովորության համաձայն, գնաց այլ տրամաբանությամբ, ու քաղաքական մաքսիմալիզմի գործադրման հետևանքով Արմեն Սարգսյանն այդպես էլ չինտեգրվեց, այսպես կոչված, նոր իշխանությանը։ Ավելին՝ նրա օտարերկրյա հաջողված այցերը խանդի իսկական առիթ հանդիսացան խորհրդարանական մեծամասնության համար. Նիկոլ Փաշինյանի վարկանիշի բնական անկման համատեքստում հեղափոխության թիմն, ըստ ամենայնի, գործող նախագահի կերպարում տեսնում է իրական այլընտրանք, մրցակից՝ թեև, հանուն արդարության, Արմեն Սարգսյանը նման առիթներ չի տվել։ Սրան գումարենք նաև այն հանգամանքը, որ վերջին հարցումների արդյունքում Արմեն Սարգսյանի աշխատանքից մեր քաղաքացիներն ավելի գոհ են, քան Նիկոլ Փաշինյանի աշխատանքից:

Վերջին ամիսներին տեղի ունեցան նշանակալի երկու իրադարձություններ, որոնք ավելի ընդգծեցին Նիկոլ Փաշինյանի ու Արմեն Սարգսյանի հակասությունները։ Նախագահը միայն «վերջին պահին» ու ոչ այնքան պատշաճ ձևով հրավիրվեց Հայաստանի ու Արցախի անվտանգության խորհուրդների համատեղ նիստին ու արժանապատվորեն հրաժարվեց Արցախ մեկնել։ Ապրիլի սկզբին խորհրդարանական մեծամասնությունն, ըստ էության, վետո կիրառեց նախագահի՝ առանց այն էլ սահմանափակ լիազորությունների իրացման վրա՝ մերժելով նրա թեկնածուին հաստատել ՍԴ դատավորի պաշտոնում։

Արմեն Սարգսյանն, ըստ էության, ընդունել է «նետված ձեռնոցը» ու մտադիր չէ նահանջել, ինչի վկայությունն այն է, որ նա հերթական անգամ ՍԴ անդամի համար առաջադրել է թեկնածու, որի մասին մասնագետները մեծամասամբ խոսում են դրվատանքով ու առաջադրմանը վերաբերվում գոհունակությամբ, բայց որի թեկնածությունը, արի ու տես, վարչապետի ու խորհրդարանական մեծամասնության սրտով չէ։

Գնդակը հիմա խորհրդարանական մեծամասնության դաշտում է։ Նիկոլ Փաշինյանի թիմը կարող է ողջամիտ քաղաքական վարքագիծ դրսևորել ու չխորացնել հակասությունները նախագահի հետ՝ քվեարկությամբ հաստատելով Արմեն Սարգսյանի առաջադրած թեկնածուին։ Իհարկե, շատ հնարավոր է, որ հեղափոխական մաքսիմալիզմը «Իմ քայլին» դրդի այլ մարտավարության, ու շատ շուտով Արմեն Սարգսյանի դեմքով հասարակությանը մատուցվի «թշնամու» նոր կերպար, որը թիրախավորվի հեղափոխության թիմի ու նրա աջակիցների կողմից։ Ցավոք, անցած մեկ տարվա իրադարձությունները հուշում են, որ Փաշինյանն ու նրա թիմը ռացիոնալ վարքագծով, մեղմ ասած, չեն փայլում։

ՍՈՒՐԵՆ ՍՈՒՐԵՆՅԱՆՑ

website by Sargssyan