Քանի դեռ ապավինում են պոպուլիզմին, վարկանիշն էլ շարունակաբար... ՎԵՐԼՈՒԾԱԿԱՆ
Երբ քաղաքականությունն իրավիճակային է և դեկլարատիվ հայտարարու... ՎԵՐԼՈՒԾԱԿԱՆ
«Իրավիճակը կարող է որոշակի ճգնաժամի հանգեցնել». վիրտուալ իր... ՀԱՐՑԱԶՐՈՒՅՑ
Ավելի շատ պաշտոնյաներ պարտավորված կլինեն հայտարարագրել. ՔԱՂԱՔԱԿԱՆ
Նոր գաղտնի «քաղաքական» շարժում ՔԱՂԱՔԱԿԱՆ
Երևան, 22.Նոյեմբեր,
00
:
00
:
00
Փոխարժեք
478.65
$
560.79
Նավթի համաշխարհային գները նվազում են Քանի դեռ ապավինում են պոպուլիզմին, վարկանիշն էլ շարունակաբար անկում է գրանցելու Հանրապետությունում կան փակ և դժվարանցանելի ավտոճանապարհներ Երբ քաղաքականությունն իրավիճակային է և դեկլարատիվ հայտարարությունների վրա հիմնված «Իրավիճակը կարող է որոշակի ճգնաժամի հանգեցնել». վիրտուալ իրականության վտանգը Խոշոր ու ողբերգական ավտովթար Երևանում. BMW-ն դուրս է եկել հանդիպակաց և հայտնվել բեռնատար ЗИЛ-ի տակ Ավելի շատ պաշտոնյաներ պարտավորված կլինեն հայտարարագրել. Նոր գաղտնի «քաղաքական» շարժում Ելույթ, որը շարունակություն կունենա Պուտինը կհանդիպի Ալիեւի կնոջ հետ Ազգային պատկերասրահն ու Ռումինիայի հայոց թեմի առաջնորդարանը համատեղ ծրագրեր կիրականացնեն Եղանակը Հայաստանում 2010-2019 թթ համեմատությամբ բանակում ինքնասպանությունների թիվը նվազման միտում չունի (ինֆոգրաֆիկա) Սահմանին ակտիվության սեզոնն ավարտին է մոտենում. փորձագետ 3-րդ զորամիավորումում անցկացվել են սպայական հավաքներ «Ժամանակը կգա և ես անպայման կխոսեմ, կներկայացնեմ իմ տեսակետներն այն ամենի մասին՝ ինչ է կատարվում մեր երկրում այսօր, ինչ է կատարվել և ինչ է լինելու». Արթուր Վանեցյան

«Բիզ­նե­սի հա­մար վստա­հու­թյուն չկա».հինգ տո­կո­սը զար­գա­ցում չէ, դա մո­տա­վո­րա­պես նույն մա­կար­դա­կի վրա է

 Օրերս Դիլիջանում կայացավ «Իմ քայլը հանուն Տավուշի» համաժողովը, որին, ի թիվս պաշտոնատար անձանց և հյուրերի, ներկա էին մեկ տասնյակից ավելի ներդրողներ, որոնք Հայաստան էին ժամանել տարբեր երկրներից:

Կարեն Մդիվանյանը Հայաստան է եկել որդու հետ: Երկուսն էլ գործարար են, մտածում են Տավուշում շինարարության ոլորտում «գործ սկսելու» մասին: Մդիվանյանը Ռուսաստանի վաստակավոր շինարար է: Աշխատել է Վենեսուելայում, Հունաստանում, Իրաքում, Սիրիայում, Իրանում և այլուր: Խոսում է հինգ լեզվով: «Եղել եմ Երևանի ճանշինի պետ, բայց երբ կոռուպցիան սկսվեց, գնացի Հայաստանից: 1993 թվականից այստեղ չեմ ապրում», - «Փաստի» հետ զրույցում ասում է Մդիվանյանը:

Հարցնում եմ՝ իսկ ինչո՞ւ եք ցանկանում հենց Տավուշի մարզում ներդրում կատարել. «Ծնունդով Թիֆլիսից եմ, մեծացել եմ Երևանում, բայց մայրս Սևքարից է՝ Տավուշից: Դրա համար եմ այստեղ», - արձագանքում է գործարարը:

Նախքան հարցազրույցը, երբ ելույթ էր ունենում էկոնոմիկայի նախարարի տեղակալ Ավագ Ավանեսյանը, Մդիվանյանը, դիմելով նրան, ասել էր, որ ներդրողին անհրաժեշտ են կոնկրետ թվեր՝ որքա՞ն է լինելու ՀՆԱ-ն, ի՞նչ դինամիկա է սպասվում, որքա՞ն չզբաղված մարդ կա այսօր Տավուշում, կատարվո՞ւմ է ենթակառուցվածքների փորձաքննություն և այլն: Նախարարի տեղակալը նշել էր, որ տնտեսական աճի դինամիկան այս պահին դրական է։ 

«Ակնկալում ենք, որ այս տարի տնտեսական աճը 5 տոկոսից բարձր է լինելու։ Տավուշի մարզում գործազրկությունը բարձր չէ», - ասել էր Ավանեսյանը՝ հավելելով, որ պատրաստ է հավել յալ տեղեկատվություն տրամադրել գործարարին: Հետաքրքրվում ենք՝ մեր զրուցակցին բավարարե՞լ են փոխնախարարի նախնական հավաստիացումները:

«Շինարարությունը և շինանյութի արտադրանքը գալիս են երկրի զարգացման հետ: Այսինքն՝ եթե երկիրը չի զարգանում, շինարարություն չկա, ոչ մի նոր բան չի կառուցվում, հետևաբար պետք չեն գալիս շինանյութերի նոր խմբաքանակներ: Երբ էկոնոմիկայի փոխնախարարը ելույթ է ունենում, պետք է պարտադիր նշի, թե ինչպես է զարգանում տնտեսությունը, քանի որ բիզնեսի համար դա շատ կարևոր է:

Հինգ տոկոսը զարգացում չէ, դա մոտավորապես նույն մակարդակի վրա է: Պատկերացնում էի ավելի բարձր զարգացում: Գործարարի համար կարևոր հարց է՝ ո՞վ պետք է աշխատի իր բիզնեսի մեջ: Փոխնախարարն ասում է, որ Տավուշի մարզում չկան ազատ մարդիկ, որոնք որևէ տեղ չեն աշխատում:

Որևէ մեկը չի հաշվում, թե որքան մարդ կա, որքանն են դուրս գալիս Հայաստանից: Այս թվերը էկոնոմիկայի նախարարությունը պետք է ստույգ իմանա: Ասենք՝ վաղը բիզնեսը հիմնեցի, ո՞վ է աշխատելու հաստոցի վրա, տրակտորը վարելու և այլն: Այս հարցի պատասխանը չստացա: Կարևոր է նաև ենթակառուցվածքների փորձաքննությունը, ինչն այսօր Հայաստանում գոյություն չունի: Ի՞նչ է դա նշանակում: 

Ճանապարհը, ջուրը, հոսանքը, գազն ազդում են ապրանքի ինքնարժեքի վրա: Ո՞վ է ուսումնասիրում՝ ինժեներական լուծումները ճի՞շտ են, թե՞ սխալ, ո՞վ է հաշվարկում դրանց արժեքը, չէ՞ որ սա հետո ներառվում է գործարարի ներդրումային ծրագրի մեջ», - ասում է Մդիվանյանը՝ նշելով, որ խնդիրները բավական շատ են և երբեմն հասկանալի միայն կոնկրետ գործում մասնագիտացված մարդկանց:

Նա նշում է, որ իր համար առնվազն անհասկանալի է, որ Հայաստանը հրավիրում է վրացիներին՝ երկրի տարածքային զարգացման պլանը կազմելու համար:

«Դա ինձ համար նոնսենս է: Մեր շինարարները միշտ զարգացման ավելի բարձր մակարդակ են ունեցել, քան վրացիները: 19-րդ դարի վերջում աշխարհում ի հայտ է գալիս տարածքային զարգացման պլանավորում՝ ստույգ օրենքներով: Այդ ժամանակ Հայաստանը պետություն չէր, իսկ հետո մտավ Խորհրդային Միության կազմի մեջ:

Քաղաքաշինության իրավասությունը պատկանում էր Հայաստանին, իսկ տարածքային զարգացմանը՝ Մոսկվային: Այդ իրավասությունը Հայաստանում չկար, ինչպես և չկար ենթակառուցվածքների ծրագրերի փորձաքննությունը: Հիմա փորձում ենք ինչ-որ մեկին «վարձել», որ փորձաքննություն անցկացնի, բայց նման փորձաքննությունը երբեք ճիշտ չի լինի, որովհետև գործում է հետևյալ կանոնը՝ ով փող է տալիս, նա էլ պատվիրում է երաժշտությունը», - ասում է գործարարը:

Նա կարծում է, որ սխալ են այն հարցադրումները, թե այս կամ այն գործարարը որքան ներդրում է պատրաստվում կատարել Հայաստանում: «Այսօր գումարը նշանակություն չունի, գաղափարն է կարևոր: Ամեն ինչ սկսվում է բիզնես-գաղափարից: Բայց բիզնեսի համար վստահություն չկա: Հասկանում ենք՝ այսօր չկա կոռուպցիա, ինչը շատ կարևոր է մեզ համար: Բայց դա գործի մի մասն է, իսկ կարևոր մասերից մեկը կոմպետենցիան է՝ իրավասությունը, ինչն առայժմ բիզնեսում չենք տեսնում», - ասում է մեր զրուցակիցը՝ հավելելով, որ ցանկությունը շատ մեծ է Հայաստան վերադառնալու և հայրենիքին օգտակար լինելու, ընդ որում՝ ոչ միայն որպես գործարար, այլ որպես օգնական և խորհրդատու:

ԼՈՒՍԻՆԵ ԱՌԱՔԵԼՅԱՆ

website by Sargssyan