«Հու­սա­հա­տու­թյան մեջ պա­հե­լը, տագ­նա­պի մթնո­լորտ ձև­ա­վ... ՄՇԱԿՈՒՅԹ
«Գիրքը կարևոր արժեք ունի, այն կարող է մարդու ներաշխարհը փոխել» ՄՇԱԿՈՒՅԹ
ՊԱՏՄՈՒԹՅԱՆ ԱՅՍ ՕՐԸ (3 ՀՈՒԼԻՍԻ). Հա­յաս­տա­նի ֆուտ­բո­լի ֆե­դ... ՀԱՍԱՐԱԿՈՒԹՅՈՒՆ
Քա­ղա­քա­կա­նու­թյան ոլորտն արա­տա­վոր­վում է փո­խա­դարձ թշն... ՎԵՐԼՈՒԾԱԿԱՆ
Աշ­խա­տանք գտնե­լու հե­ռան­կա­րը գրե­թե զրո­յա­կան է ՀԱՍԱՐԱԿՈՒԹՅՈՒՆ
Երևան, 04.Հուլիս,
00
:
00
:
00
Փոխարժեք
478.65
$
560.79
«Հու­սա­հա­տու­թյան մեջ պա­հե­լը, տագ­նա­պի մթնո­լորտ ձև­ա­վո­րե­լը բա­ցիլ­նե­րից ամե­նավ­տան­գա­վորն է» Արմեն Սարգսյանը դիմել է Դոնալդ Թրամփին Այս ցուցանիշներով Նիկոլը, ցավոք, դեռ զիջում է միայն Հյուսիսային Կորեայի առաջնորդ Կիմ Չեն Ընին. Ֆարմանյան «Գիրքը կարևոր արժեք ունի, այն կարող է մարդու ներաշխարհը փոխել» Սահմանվել է ուսման վարձավճարի փոխհատուցման նպատակով եկամտային հարկի գումարների վերադարձման կարգը Սրացում Բաքվում. ինչ օրակարգով է Մնացականյանը մեկնում Արցախ Գագիկ Ծառուկյանի շնորհավորական ուղերձը Ռուսաստանի Դաշնությունում Սահմանադրության փոփոխությունների հանրաքվեի անցկացման առթիվ Մինչև անձին սնանկ ճանաչելը առաջնահերթությամբ կատարել բռնագանձման մասին վճիռները. նախագիծ «Հրապարակ». Հույս ունեն, որ Փաշինյանը իրենց օգտին որոշում կկայացնի «Հրապարակ». Ոստիկանության որոշ «կաբինետային» պաշտոնյաներ խորը դեպրեսիայի մեջ են

Դուք գիտե՞ք, թե որն է աշխարհի ամենաաղմկոտ կենդանին

Ինչպես ծովում, այնպես էլ ցամաքում կենդանիներից ամենաբարձր ձայնն արձակում է կապույտ կետը, և դա հասկանալի է՝ հաշվի առնելով նրա հսկայական չափերը: Ըստ այդմ, կարելի է ենթադրել, որ կապույտ կետն էլ հենց հանդիսանում է ամենաաղմկոտ կենդանին:

Իրականում այդպես չէ:

Պարզվում է, որ ամենաուժեղ բնական աղմուկը բարձրացնում են մանր ծովախեցգետինների որոշ տեսակներ: Ծովի հատակին գտնվող նման «ծովախեցգետինների շերտը» այն միակ բնական աղմուկն է, որն ունակ է «կուրացնել» սուզանավի սոնարը՝ խլացնելով ակուստիկան ականջակալներում:

«Ծովախեցգետինների շերտի» վրա գտնվող հիդրոակուստիկան անլսելի է, քանի որ այդ մանր կենդանիները իրենց շարժումներով առաջացնում են մինչև 246 դեցիբել աղմուկ: Անգամ հաշվի առնելով այն, որ ձայնը ջրում ավելի արագ է տարածվում, քան օդում, ծովախեցգետինների առաջացրած այս աղմուկը հավասարվում է 160 դեցիբել աղմուկին օդում, այսինքն՝ այն ավելի ուժեղ աղմուկ է, քան առաջացնում է ռեակտիվ ինքնաթիռը վերելքի ժամանակ (140 դեցիբել): Որոշ հետազոտողներ գտնում են, որ այս աղմուկի ուժգնությունը համարժեք է այն աղմուկին, որը կարող էր առաջանալ, եթե երկրագնդի բոլոր բնակիչները սկսեին միաժամանակ թավայում կարտոֆիլ տապակել:

Մանր ծովախեցգետինների առաջացրած այս աղմուկի աղբյուրը հանդիսանում է նրանց տրիլլոնների՝ միակ ոչ ստանդարտ աքցանի միաժամանակյա շարժումը՝ փակելը: Նման ձայներ հանող մանր ծովախեցգետինների բազմաթիվ տեսակներ կան, իսկ ամենաշատը Alpheus և Synalpheus տեսակներն են , որոնք հանդիպում են արևադարձային և մերձարևադարձային օվկիանոսային ջրերի ոչ խորը հատվածներում: Հետաքրքիրն այն է, որ այս ձայնի առաջացումը ավելի բարդ մեխանիզմ ունի:

Հետազոտողների կատարած՝ 40 000 կադր վայրկյանում տեսանկարահանումը պարզել է, որ ձայնն առաջանում է ծավախեցգետնի աքցանի փակելուց 700 միլիվայրկյան անց: Ստացվում է, որ ձայն առաջացնում է ոչ թե աքցանի փակվելը, այլ, այսպես ասած, աքցանի մեջ գտնվող «պղպջակի պայթելու էֆեկտը», որը գիտականորեն կոչվում է «կավիտացիա»: Ինչպե՞ս է դա կատարվում: Աքցանի վերին ճյուղի ներքին մակերևույթին առկա է փոսիկ, որը աքցանը փակվելիս ճշգրտորեն նստում է ներքին ճյուղի համապատասխան մասում գտնվող բլրակին: Քանի որ աքցանը մեծ արագությամբ է փակվում, փոսիկի մեջ գտնվող ջուրը շթի տեսքով դուրս է հորդում: 

Ընդ որում, ջրի այդ շիթի արագությունը հսկայական է՝ մոտ 100 կիլոմետր/ժամ, որը և լրիվ բավարար է ջրային գոլորշու լայնացող պղպջակներ առաջացնելու համար: Իսկ երբ ջրի շթի շարժումը դանդաղում է, իսկ ճնշումը՝ ընկնում, պղպջակները պայթում են՝ անջատելով բարձր ջերմություն (մինչև 20000 աստիճան ըստ Ցելսիուսի), և, որպես արդյունք, առաջանում է ձայն և լույսի բռնկում: Նշենք, որ նման տիպի լույսի բռնկումը շատ հազվագյուտ երևույթ է և կոչվում է «ձայնալ յումինոսցենցիա», այսինքն՝ դա այն դեպքն է, երբ ուժեղ ձայնը գեներացնում է լույս:

Նշենք, որ մանր ծովախեցգետիններն այս աղմուկն արձակում են որսին խլացնելու համար, ինչպես նաև այս ձայնի միջոցով նրանք շփվում են և սեռական զուգընկեր գտնում: Բացի այն, որ այս աղմուկը շարքից հանում է նավերի ու սուզանավերի սոնարները, այն անգամ նավերի թիապտուտակների վրա քերծվածքներ է առաջացնում: Գիտնականները վերջերս պարզել են նաև մարդկությանը հայտնի բոլոր կենդանի արարածներից ամենաբարձր ձայներ արձակող կենդանուն՝ հաշվի առնելով նրա չափերի ու արձակած ձայնի հարաբերակցությունը: Պարզվել է, որ ամենաաղմկոտ կենդանիներն են Corixidae ընտանիքի միջատները, որոնց չափերը տատանվում են 1,5-15 մմ-ի սահմաններում: Երբ մասնագետներն առաջին անգամ լսել են այդ միջատների արձակած ձայները, կարծել են, թե աղմկողը խոշոր կենդանի է:

Հետազոտելով միջատներին՝ գիտնականները պարզել են, որ դրանց արձակած ձայնը կարող է ունենալ մինչև 99,2 դեցիբել հզորություն: Համեմատության համար նշենք, որ փղի արձակած առավելագույն ձայնը 117 դեցիբել է: Հետաքրքիր է, որ միջատներն այդպիսի ձայն են արձակում բեղմնավորման շրջանում՝ զուգընկերոջ ուշադրությունը գրավելու նպատակով:

Նյութը հրապարակման պատրաստեց Past.am-ը

website by Sargssyan