ՊԱՏՄՈՒԹՅԱՆ ԱՅՍ ՕՐԸ (26 ՓԵՏՐՎԱՐԻ)․ Սանկտ Պե­տեր­բուր­գում տե­... ՀԱՍԱՐԱԿՈՒԹՅՈՒՆ
Հան­րաք­վեի ար­դյունք­նե­րը և դրա վրա ծախս­ված հսկա­յա­կան գ... ՄԻՋԱԶԳԱՅԻՆ
Իսկ տա­նից դուրս կա­րե­լի է ամեն ինչ ջար­դել ու քան­դե՞լ. ՀԱՍԱՐԱԿՈՒԹՅՈՒՆ
«ՍՕՍ ման­կա­կան գյու­ղե­րի» մի­ջազ­գա­յին սուբ­սի­դի­ա­նե­րը... ՀԱՍԱՐԱԿՈՒԹՅՈՒՆ
«Կո­րո­նա­վի­րու­սը կա­րող է էա­կան խո­չըն­դոտ դառ­նալ ար­տա... ՀԱՐՑԱԶՐՈՒՅՑ
Երևան, 26.Փետրվար,
00
:
00
:
00
Փոխարժեք
478.65
$
560.79
Մեկ օրում բացահայտվել է 72 հանցագործություն. 16 տարին չլրացած անձի հետ սեքսուալ գործողություն, համարանիշների կեղծում «Արսենալը» պատրաստ է ամռանը վաճառել Օբամեյանգին Չեմ ընդունում ինձ առաջադրված մեղադրանքը. Սերգո Կարապետյան Հայտնաբերվել է Գավառում կորած 37-ամյա քաղաքացու դին Կալիֆոռնիայում խոշոր հրդեհ է բռնկվել նավթավերամշակող գործարանում Դատարանը մերժեց Սերժ Սարգսյանի պաշտպանների՝ դատախազին ներկայացված բացարկի միջնորդությունը․ուղիղ 67 հոգի արդեն դիմել են եւ վաղը չվերթ կա, որով նրանք Իրանից տեղափոխվելու են Հայաստան. ԱԳՆ ՀՀ ԶՈւ բոլոր զորամասերում արգելված են զինծառայողների ծնողների և հարազատների այցելությունները, զինծառայողների բոլոր տեսակի արձակուրդները. ՊՆ ՊԱՏՄՈՒԹՅԱՆ ԱՅՍ ՕՐԸ (26 ՓԵՏՐՎԱՐԻ)․ Սանկտ Պե­տեր­բուր­գում տե­ղի են ունե­ցել ան­կար­գու­թյուն­ներ, Պե­տա­կան դու­ման ցրվել է 2019-ին նույն զորամասում սպա է ինքնասպություն գործել, հետևություն չի արվել, շտաբի պետն ազատվել է պաշտոնից. զինծառայող Վահրամ Ավագյանի մահվան դեպքով ՊԲ-ի՝ ծառայողական քննության արդյունքները Հան­րաք­վեի ար­դյունք­նե­րը և դրա վրա ծախս­ված հսկա­յա­կան գու­մար­նե­րը կա­րող են դառ­նալ անի­մաստ. Փա­շի­նյա­նը ռիս­կի է դի­մում մե­ղադր­վել իշ­խա­նու­թյու­նը յու­րաց­նե­լու մեջ Երկրաշարժ է տեղի ունեցել Իսկ տա­նից դուրս կա­րե­լի է ամեն ինչ ջար­դել ու քան­դե՞լ. Վթարի պատճառով 10 ժամից ավելի ջուր չի լինելու Գեղարքունիքի եւ Կոտայքի մարզերում «ՍՕՍ ման­կա­կան գյու­ղե­րի» մի­ջազ­գա­յին սուբ­սի­դի­ա­նե­րը տա­րեց­տա­րի կրճատ­վե­լու են. ծրա­գիրն անց­նում է ինք­նա­ֆի­նան­սա­վոր­ման Արարատի մարզում 2019-ին իրականացվել է 58 սուբվենցիոն ծրագիր, այս տարի դրանց թիվն արդեն 112 է. մարզպետ

«Ռե­ժի­սո­րը ստիպ­ված է զբաղ­վել իր ֆիլ­մե­րին վե­րա­բե­րող ցան­կա­ցած աշ­խա­տան­քով»

Երիտասարդ ռեժիսոր Քրիստինե Ղազարյանի «Սարերում» վավերագրական ֆիլմը նրա դիպլոմային աշխատանքն է:

«Ֆիլմը պատմում է մի ընտանիքի մասին, որը հայրենիք է վերադարձել Մոսկվայից: Նրանք այնտեղ կյանքի ավելի լավ պայմաններ են ունեցել, ինչ-որ առումով անհոգ ապրել: Քչերը կթողնեին քաղաքային կյանքն ու կգային սարերում ապրելու: Այս ընտանիքի մասին տեղեկացա համացանցից և որոշեցի՝ ֆիլմիս հերոսները հենց նրանք են լինելու: Ընտանիքն այժմ ապրում է Արցախում՝ Քարվաճառի Ծար գյուղում:

Ամուսինը հայ է, կինը` ռուս: Չնայած դժվար պայմաններին, մնում են Արցախում, փորձում ստեղծել իրենցը: Հերոսուհիս մեծ սիրով ռուսերեն և անգլերեն է դասավանդում գյուղում: Այնտեղ երեխաներն առաջին անգամ են անգլերեն սովորում: Ամուսինն էլ հովիվ է», - ասում է Քրիստինեն:

Ռեժիսորը տեղեկացնում է, որ ֆիլմն այս տարի աննկատ չի մնացել Ղրիմում կայացած «Золотой витязь» փառատոնի ժամանակ, այն մրցանակի է արժանացել: Բացի դա, այս տարվա օգոստոսին «Սարերում» ֆիլմը ներկայացվելու է մի քանի միջազգային կինոփառատոններում. Թունիսում կայանալիք «WOW Film Festival»-ին, Բանգլադեշ ո ւ մ ՝ « G l o b a l Y o u t h F i l m F e s t i v a l Bangladesh»-ին և Հայաստանում՝ «Fresco» միջազգային կինոփառատոնին: Քրիստինեն նշում է՝ պարբերաբար հրավերներ է ստանում տարբեր փառատոններից՝ իր ֆիլմը ներկայացնելու համար, ինչն, անշուշտ, ոգևորող փաստ է: 

«Փառատոնն ինձ համար մի հարթակ է, որտեղ կարող ես ներկայացնել քո երկիրը, խնդիրները, այն արժեքները, որոնցով մեր ժամանակներում այստեղ ապրում են: Կարծում եմ՝ հրաշալի է, երբ փառատոնում ֆիլմդ նկատում են, գնահատում կատարածդ աշխատանքը: Դա նշանակում է՝ հետաքրքիր ես իրենց, կարողացել ես հուզել մարդկանց: Շատերը ֆիլմ են նկարահանում միայն փառատոնների համար: Կարծում եմ՝ սխալը հենց դա է: Ֆիլմերը պետք է լինեն մեր մասին, իսկ մենք, վստահ եմ, հետաքրքիր ենք դրսում: Վստահ եմ, որ այսօր կան ֆիլմեր, որոնք հետաքրքիր են նաև օտար, ոչ հայազգի հանդիսատեսի համար», - նշում է մեր զրուցակիցը:

Հարցին՝ այսօր երիտասարդների համար հե՞շտ է ֆիլմարտադրության ոլորտում ճանապարհ հարթելը, Քրիստինեն ունի իր պատասխանը. յուրաքանչյուր ոլորտ ունի իր բարդությունները, իսկ դրանք հաղթահարելու համար ամենակարևորը պետք է նվիրվես աշխատանքիդ ու սիրես այն: 

«Կարծում եմ՝ յուրաքանչյուր մարդու համար, որն ինչ-որ նոր գործ է սկսում, ընդ որում՝ կապ չունի, թե որ ասպարեզում, դեպի հաջողություն տանող ճանապարհները միշտ էլ դժվար են լինում:

Դժվարությունները հաղթահարելու համար ամենակարևորը պետք է ցանկություն և մեծ սեր այն աշխատանքի հանդեպ, որն անում ես: Եթե սեր չկա, անիմաստ է», - ընդգծում է երիտասարդ ռեժիսորը:

Խոսում ենք նաև ֆինանսական աջակցության մասին: Քրիստինեն կարծում է, որ պետությունը փորձում է աջակցել, իհարկե, իր հնարավորության սահմաններում:

«Ֆինանսական աջակցություն, իհարկե, պետք է լինի: Գիտեմ, որ այսօր իրենց հնարավորության սահմաններում փորձում են ձեռք մեկնել երիտասարդ ստեղծագործողներին, ինչը ողջունելի է: Բայց մենք ունենք մի կարևոր բաց, որը շատ ցավոտ է բոլոր երիտասարդների համար:

Չունենք պրոդյուսերներ, որոնք կօգնեն գտնել ֆինանսական միջոցներ, ֆիլմերի հետ չի կատարվում պրոդյուսերական աշխատանք: Ռեժիսորը ստիպված է ինքն զբաղվել իր ֆիլմերին վերաբերող ցանկացած աշխատանքով: Սա բաց է, որը պետք է լրացնել: Դա կօգնի հայտնիություն բերել մեր ֆիլմերին, երկրին, գումար վաստակել, իսկ ռեժիսորն էլ կզբաղվի միայն ստեղծագործական աշխատանքով», - ասում է «Սարերում» ֆիլմի ռեժիսորը:

Խոսելով ապագա ծրագրերի մասին՝ նա նշում է՝ պատրաստում են հեռուստատեսային նոր նախագիծ, որն իրենից ներկայացնում է վավերագրական ֆիլմաշար, սակայն դրա մանրամասները ստեղծագործական կազմը կներկայացնի ավելի ուշ:

ԼՈՒՍԻՆԵ ԱՌԱՔԵԼՅԱՆ

website by Sargssyan