ՊԱՏՄՈՒԹՅԱՆ ԱՅՍ ՕՐԸ (26 ՓԵՏՐՎԱՐԻ)․ Սանկտ Պե­տեր­բուր­գում տե­... ՀԱՍԱՐԱԿՈՒԹՅՈՒՆ
Հան­րաք­վեի ար­դյունք­նե­րը և դրա վրա ծախս­ված հսկա­յա­կան գ... ՄԻՋԱԶԳԱՅԻՆ
Իսկ տա­նից դուրս կա­րե­լի է ամեն ինչ ջար­դել ու քան­դե՞լ. ՀԱՍԱՐԱԿՈՒԹՅՈՒՆ
«ՍՕՍ ման­կա­կան գյու­ղե­րի» մի­ջազ­գա­յին սուբ­սի­դի­ա­նե­րը... ՀԱՍԱՐԱԿՈՒԹՅՈՒՆ
«Կո­րո­նա­վի­րու­սը կա­րող է էա­կան խո­չըն­դոտ դառ­նալ ար­տա... ՀԱՐՑԱԶՐՈՒՅՑ
Երևան, 26.Փետրվար,
00
:
00
:
00
Փոխարժեք
478.65
$
560.79
Մեկ օրում բացահայտվել է 72 հանցագործություն. 16 տարին չլրացած անձի հետ սեքսուալ գործողություն, համարանիշների կեղծում «Արսենալը» պատրաստ է ամռանը վաճառել Օբամեյանգին Չեմ ընդունում ինձ առաջադրված մեղադրանքը. Սերգո Կարապետյան Հայտնաբերվել է Գավառում կորած 37-ամյա քաղաքացու դին Կալիֆոռնիայում խոշոր հրդեհ է բռնկվել նավթավերամշակող գործարանում Դատարանը մերժեց Սերժ Սարգսյանի պաշտպանների՝ դատախազին ներկայացված բացարկի միջնորդությունը․ուղիղ 67 հոգի արդեն դիմել են եւ վաղը չվերթ կա, որով նրանք Իրանից տեղափոխվելու են Հայաստան. ԱԳՆ ՀՀ ԶՈւ բոլոր զորամասերում արգելված են զինծառայողների ծնողների և հարազատների այցելությունները, զինծառայողների բոլոր տեսակի արձակուրդները. ՊՆ ՊԱՏՄՈՒԹՅԱՆ ԱՅՍ ՕՐԸ (26 ՓԵՏՐՎԱՐԻ)․ Սանկտ Պե­տեր­բուր­գում տե­ղի են ունե­ցել ան­կար­գու­թյուն­ներ, Պե­տա­կան դու­ման ցրվել է 2019-ին նույն զորամասում սպա է ինքնասպություն գործել, հետևություն չի արվել, շտաբի պետն ազատվել է պաշտոնից. զինծառայող Վահրամ Ավագյանի մահվան դեպքով ՊԲ-ի՝ ծառայողական քննության արդյունքները Հան­րաք­վեի ար­դյունք­նե­րը և դրա վրա ծախս­ված հսկա­յա­կան գու­մար­նե­րը կա­րող են դառ­նալ անի­մաստ. Փա­շի­նյա­նը ռիս­կի է դի­մում մե­ղադր­վել իշ­խա­նու­թյու­նը յու­րաց­նե­լու մեջ Երկրաշարժ է տեղի ունեցել Իսկ տա­նից դուրս կա­րե­լի է ամեն ինչ ջար­դել ու քան­դե՞լ. Վթարի պատճառով 10 ժամից ավելի ջուր չի լինելու Գեղարքունիքի եւ Կոտայքի մարզերում «ՍՕՍ ման­կա­կան գյու­ղե­րի» մի­ջազ­գա­յին սուբ­սի­դի­ա­նե­րը տա­րեց­տա­րի կրճատ­վե­լու են. ծրա­գիրն անց­նում է ինք­նա­ֆի­նան­սա­վոր­ման Արարատի մարզում 2019-ին իրականացվել է 58 սուբվենցիոն ծրագիր, այս տարի դրանց թիվն արդեն 112 է. մարզպետ

«Կոր­ծա­նա­րար ուղի ենք ընտ­րել. պետք է կանգ առ­նել, որով­հե­տև այս­պես շա­րու­նա­կել հնա­րա­վոր չէ»

Այսօր ունենք մի իրավիճակ, երբ հասարակության մի հատված մի քանի օրով կարող է դառնալ սահմանադրագետ, իրավաբան ու փաստաբան: Գրեթե նույն տրամաբանությունն է, երբ սահմանային լարվածության ժամանակ Հայաստանում ռազմական փորձագետների կտրուկ աճ է գրանցվում:

Փաստաբան Լուսինե Սահակյանն այս միտումը նախ ազգային առանձնահատկության հետ է կապում:

«Մարդիկ չեն զբաղվում այն գործով, որով պետք է զբաղվեն և չեն խոսում նրանից, ինչից հասկանում են: Եվ այս դեպքում, իհարկե, շատ լուրջ խնդիրներ են ի հայտ գալիս: Իսկ վերջին ժամանակահատվածում խնդիրն ավելի սուր է, որովհետև, չգիտես ինչու, մարդկանց իրականում թվաց, որ իրենք փոփոխությունների հեղինակ են և կարող են քննարկել ամեն ինչ, այդ թվում՝ այն, ինչից գաղափար չունեն»,-«Փաստի» հետ զրույցում ասաց Լ. Սահակյանը՝ նկատելով, որ իրավիճակից բխող խնդիրներն ավելի սուր ու ակնհայտ են դառնում, հատկապես, երբ խոսքը վերաբերում է կոնկրետ գործի:

«Կարծիքներ՝ մի ծայրահեղությունից՝ մյուս ծայրահեղություն: Դրանք արտահայտում են մարդիկ, որոնք ընդհանրապես նշված թեմայի հետ որևէ առնչություն չունեն:

Նրանք նույնիսկ ընտանեկան մակարդակում չեն կարող այդ հարցը քննարկել, բայց իրավաբանության հետ աղերս չունեցող կարծիքներ արտահայտելով՝ նրանք հասարակական դաշտում կարծիք են ստեղծում: 

Ունենք իրավիճակ, երբ, այսպես ասած, հասարակական ճնշումը արդեն իսկ ազդեցություն է ունենում գործընթացների վրա, թեպետ այդ հասարակական ճնշումը շատ դեպքերում չի բխում օրենքներից: Որքան ավելի շատ ձգվի այս իրավիճակը, շատ ավելի լուրջ հետևանքների է հանգեցնելու»,-ասաց նա՝ ընդգծելով, որ այս իրավիճակին նպաստել է նաև իշխանությունը:

«Երբ պետք է կոնկրետ գործերով որոշումներ հրապարակվեին, իրենք դատարանի առաջ ցույցեր նախաձեռնելու մասին հայտարարեցին, որովհետև, կարծես թե, այնպիսի որոշում էր լինելու, որը չէր բավարարում նրանց: Իրավիճակը հասավ նրան, որ գործադիրը մտավ դատական իշխանության գործերի մեջ: Արդեն սկսեցին ուղիղ ճնշումներ գործադրել:

Ճնշումներն իրականացվել են հենց այն փուլերում, երբ իշխանությունների համար ոչ հաճո որոշումներ են կայացվել»,-նշեց նա՝ հավելելով, որ մի շարք դատավորների թիրախավորելուց հետո հիմա էլ թիրախում ՍԴ դատավորներն են:

«Իսկ ի՞նչ է կատարվում դատարաններում: Բացառիկ ցինիկ իրավիճակներ, երբ հասկանում ես, որ մարդիկ ուղղակի ճնշում գործադրելու համար են եկել, որ իրենց համար հաճո որոշումներ լինեն:

Սա անթույլատրելի է: Ցանկացած դեպքում գործադիր մարմինն իրավունք չունի միջամտելու դատական իշխանության գործերին: Եվ հիմա, փաստորեն, սկսվել են ուղիղ հարձակումներ թե՛ ֆեյքերի, թե՛ տարբեր անձանց կողմից:

Այդ իրավիճակն արդեն տեղափոխվում է դատարանի դահլիճ ու դատարանից դուրս, ինչը ևս անթույլատրելի է: Սա շատ լուրջ հետևանքներ է ունենալու երկրի համար, պարզապես պետք է կանգ առնել, որովհետև այսպես շարունակել հնարավոր չէ:

Յուրաքանչյուրը պետք է հասկանա, որ իր գործով պետք է զբաղվի»,ընդգծեց Լ. Սահակյանը՝ միաժամանակ սպասելի համարելով նկարագրվածը:

«Ունենք նման իրավիճակ, որովհետև պաշտոնների նշանակվեցին տվյալ ոլորտի հետ որևէ առնչություն չունեցող մարդիկ: Իսկ մյուսները, որոնք իրենց պատկերացմամբ հեղափոխություն են արել, կարծում են, որ եթե այդ մարդը կարողանում է պաշտոն ունենալ, ինքն էլ կարող է առնվազն իր կարծիքն արտահայտել:

Իհարկե, կարծիք հայտնելը լավ բան է, բայց պետք է խոսել այն թեմաներից, որին քիչ թե շատ տիրապետում են: Բայց հիմա քննարկում են հարցեր, որոնց մասին անգամ իրենց հարգող իրավաբանները կխուսափեն խոսել՝ հաշվի առնելով, որ կան նեղ մասնագիտական ուղղություններ:

Բայց անձինք, որոնք անգամ նման կրթություն չունեն, խոսում են նեղ մասնագիտական հարցերի մասին ու, իրենց պատկերացմամբ, լուրջ եզրակացություն տալիս՝ ձևավորելով հասարակական կարծիք:

Մարդիկ անգամ որոշումները չհրապարակած՝ քննարկում են այդ որոշումները: Մասնագետներ կան, որոնք քննարկում են որոշում՝ ընդհանրապես չտեսնելով այն:

Հարց է ծագում՝ ինչպե՞ս կարող են իրենց մասնագետ համարել, երբ դեռ չհրապարակված որոշում են քննարկում, ընդ որում՝ ընդհանրապես թեմայից դուրս են գալիս:

Առավել ևս, երբ որոշումը չկա, բայց որոշման օրինականության հարց են քննարկում, իսկ մինչև որոշումները հրապարակելը ասում, որ այլ մարմինները կարող են չկատարել դրանք:

Ընդհանրապես, ես ուզում եմ հասկանալ՝ մենք ո՞ւր ենք գնում, արդյո՞ք հասկանում ենք հետևանքները, որոնք արդեն կան և դեռ առաջանալու են:

Սթափվելու ժամանակն է, թեպետ շատ վաղուց է եկել այդ ժամանակը: Մենք արդեն անցել ենք սահմանը»,-շեշտեց մեր զրուցակիցը:

Լուսինե Սահակյանի խոսքով, խնդիրը լուրջ է, քան պարզապես մեկ որոշման օրինականության կամ անօրինականության վերաբերյալ քննարկումներն են. «Անկախ նրանից, թե մեզ դատարանի որոշումը դուր կգա, թե ոչ, մենք պետք է հասկանանք, որ Հայաստանն այլևս խոցելի իրավիճակում է:

Այստեղ որոշման օրինականության և անօրինականության հարցը չէ, այլ այն, որ գործադիր մարմինն ուղղակի ցանկանում է իր կամքը թելադրել դատական իշխանությանը, ինչն անում է կոպիտ ձևերով, արդեն ապօրինի հետապնդումներ իրականացնելով»:

Նշված իրավիճակին զուգահեռ՝ իշխանության ներկայացուցիչները շարունակում են խոսել դատական բարեփոխումների, դատարաններն անկախ դարձնելու ցանկության մասին, հրապարակվում են նախագծեր: 

Զուգորդելով երկու իրավիճակները՝ Լուսինե Սահակյանը շեշտեց, որ, այնուամենայնիվ, վերոնշյալ վտանգավոր իրավիճակից հետքայլ անելու միտում չի տեսնում:

«Հակառակը՝ տեսնում եմ, որ նույն ուղին է շարունակվում, իսկ մենք կործանարար ուղի ենք ընտրել: Այն, որ դատական համակարգը լուրջ բարեփոխումների անհրաժեշտություն ունի, տարիներ շարունակ ենք բարձրաձայնել:

Այդուհանդերձ, ինչն այսօր է նախաձեռնվում, այն չէ, ինչը պետք է կատարվեր. շատ հստակ է, որ այստեղ նպատակն այլ է, և այն անկախ դատական համակարգ ունենալը չէ:

Այսպես ասած, բարեփոխումների անունը կլինի նախագիծ, թե ռազմավարություն, այդ բոլոր նախաձեռնությունների միակ նպատակը դատական համակարգն ու անկախ դատավորներին ենթարկեցնելն է:

Փոխանակ գնային անկախ դատավորների քանակն ավելացնելու ուղղությամբ, որ ունենայինք անկախ դատական համակարգ և իր կարծիքն ունեցող դատավոր, հակառակն են անում:

Փորձում են ավելացնել այն դատավորների քանակը, որոնք միշտ ենթարկվող են եղել, պատվեր են կատարել:

Այդ դատավորները հիմա փառաբանվում են, իսկ անկախ դատավորները թիրախավորվել են:

Դատական համակարգը ենթարկեցնելն անթույլատրելի է: Մենք պետք է հասկանանք, որ եթե անկախ դատական համակարգ չունենանք, առաջ գնալ չենք կարող:

Բոլոր իշխանությունների օրոք է փորձ արվել ենթարկեցնել դատական համակարգը, և ենթարկեցրել են, բայց առնվազն մի քանի դատավորներ են եղել, որոնք պայքարել են, իսկ հիմա հենց այդ մի քանի դատավորներն են թիրախավորվել: 

Նախկին իշխանությունները գոնե ցուցադրաբար այդ դատավորներին պահում էին, նրանց դա ձեռք էր տալիս: Ցույց տալով այդ դատավորներին՝ կարող էին ասել՝ տեսե՛ք, մենք փորձում ենք անկախ դատական համակարգ ձևավորել:

Իսկ ներկա իշխանություններն անգամ այդ մի քանի դատավորներից են վախենում և այդ մի քանի դատավորներին ևս ցանկանում են ենթարկեցնել:

Այսպես ասած, բարեփոխումների հիմնական նպատակը դատական համակարգն ու բոլոր դատավորներին ծնկի բերելն է, բայց պետք է հասկանանք, որ սա կործանարար է»,-եզրափակեց Լ. Սահակյանը:

ԱՆՆԱ ԲԱԴԱԼՅԱՆ

website by Sargssyan