Կանգնած ենք ճակատագրական երկընտրանքի առջև. «Փաստ» ՏՆՏԵՍՈՒԹՅՈՒՆ
Տեսանյութ պատրաստել սովորել են, իսկ զենք արտադրե՞լ. «Փաստ» ՀԱՍԱՐԱԿՈՒԹՅՈՒՆ
Հայաստանի կառավարությունը չի կարող իրեն թույլ տալ կպնել զինվ... ՎԵՐԼՈՒԾԱԿԱՆ
Ովքե՞ր զինծառայությունից կազատվեն առանց տարկետում ստանալու. ... ՎԵՐԼՈՒԾԱԿԱՆ
Հերոսների ու հակահերոսների մշտամնա փնտրտուքի շրջապտույտում․ ... ՎԵՐԼՈՒԾԱԿԱՆ
Երևան, 09.Մարտ,
00
:
00
:
00
Փոխարժեք
478.65
$
560.79
ՏԵՍԱՆՅՈՒԹ․ Փաշինյանը Գեղարքունիքի մարզպետարանում է. անվտանգության հարցն է օրակարգում ՊԱՏՄՈՒԹՅԱՆ ԱՅՍ ՕՐԸ (9 ՄԱՐՏԻ). Հրաժարական է տվել Կարեն Դեմիրճյանը. «Փաստ» Կրկին մահվան դեպքեր ունենք. իրավիճակը Հայաստանում Կանգնած ենք ճակատագրական երկընտրանքի առջև. «Փաստ» Բիթքոինի փոխարժեքը գերազանցել է 54 հազար դոլարը Համերգ՝ նվիրված Առնո Բաբաջանյանի 100-ամյա հոբելյանին Ո՞ւմ հրամանով և ի՞նչ պայմաններում է կայացել 2020թ. հոկտեմբերի 4-ի ճակատագրական օպերացիան. ՊՆ նախկին փոխնախարար Տեսանյութ պատրաստել սովորել են, իսկ զենք արտադրե՞լ. «Փաստ» Արցախից իրազեկում են Ոսկին թանկանում է ՌԴ պաշտպանության նախարարությունը հաղորդագրություն տարածեց Հայաստանի կառավարությունը չի կարող իրեն թույլ տալ կպնել զինված ուժերի բարձրագույն հրամանատարական կազմին. «Փաստ» Նիկոլ Փաշինյանը 10 նոր որոշում է կայացրել Ովքե՞ր զինծառայությունից կազատվեն առանց տարկետում ստանալու. «Փաստ» Պղինձը թանկանում է Ապրիլ ամսվա ոչ աշխատանքային և տոնական օրերը Իշխանության կոռուպցիոն սխեման կամ երբ կպայթեն Պատրոն Դավիթի ռումբերը Իտալիայում կարտադրվի «Սպուտնիկ V» պատվաստանյութը. մինչև տարեվերջ կարտադրվի 10 մլն դեղաչափ Հաստատվել է կորոնավիրուսի 182 նոր դեպք, 142 առողջացած և 7 մահվան դեպք

ԼՂ-ում հաջողություններով ոգեշնչված՝ Էրդողանը կարող է նորից փորձել հարցերը լուծել ուժի միջոցով. 2021-ին Միջերկրական ծովում աշխարհին կարող է սպասել նոր պատերազմ. Репортер

Ռուսական Репортер կայքը հոդված է հրապարակել, որում, վերլուծելով տարածաշրջանում ստեղծված իրավիճակը, եզրակացրել է, որ 2021 թվականին Միջերկրական ծովում աշխարհը կարող է բախվել նոր պատերազմի:

«Բոլոր առումներով դժվար տարի, 2020 թվականն ավարտին է մոտենում, բայց հաջորդն ունի բոլոր հնարավորություններն առավել բարդ լինելու համար: ԱՄՆ-ի, Իրանի և Իսրայելի միջև Մերձավոր Արևելքում հակամարտության սրման իրական ռիսկից բացի, հնարավոր է Արևելյան Միջերկրական ծովում դաժան բախում տեղի ունենա Թուրքիայի և Հունաստանի միջև: Եվ այս դեպքում արդեն գործով պարզ կդառնա, թե արդյոք ամերիկյան «անտեսանելի» «Ֆ-35»-ը և ռուսական հակաօդային պաշտպանության «Ս-400» համակարգերն այդքան լավն են:

Հունաստանը և Թուրքիան պատմական հակառակորդներ են: Նրանց ՆԱՏՕ-ի շրջանակում հաշտեցնելու փորձ կատարվեց, բայց ապարդյուն: Այսօր իրավիճակը սրվում է այն փաստով, որ երկու երկրներն էլ գտնվում են տնտեսական ծանր ճգնաժամի մեջ և վերականգնման ու աճի համար անհրաժեշտ են խթանիչներ: Դրանք կարող են լինել Կիպրոսի ափերի արևելյան Միջերկրական ծովում հայտնաբերված հսկայական գազի հանքերը: Այն երկիրը, որը կվերահսկի դրանց զարգացումը և արտահանումը ԵՄ երկրներ, կստանա տասնյակ միլիարդավոր դոլարներ: Ոգեշնչված Լեռնային Ղարաբաղում հաջողություններով՝ նորաթուխ «սուլթան, Թուրքիայի նախագահ Ռեջեփ Թայիփ Էրդողանը կարող է նորից փորձել հարցը լուծել ուժի միջոցով: Այնուամենայնիվ, ամեն ինչ շատ ավելի բարդ է, քան նա կցանկանար:

Կոշտ ասած՝ Կիպրոսը չի պատկանում Հունաստանին, այն ինքնիշխան պետություն է, որտեղ բնակվում են էթնիկ հույներ և թուրքեր: Անկարան մատնանշում է Կիպրոսի 1878 թվականի հունիսի 4-ի կոնվենցիան, որտեղ կղզին ներկայացվում է որպես Օսմանյան կայսրության մաս: 1969-ին Մեծ Բրիտանիան մասամբ ճանաչեց կղզու նկատմամբ Թուրքիայի իրավունքները, իսկ 1974-ին Անկարան ռազմական միջամտությամբ ստեղծեց Հյուսիսային Կիպրոսի Թուրքական Հանրապետությունը (ՀԿԹՀ): Չնայած այն փաստին, որ երկիրը ճանաչում է միայն Թուրքիան, դա չի խանգարում ՀԿԹՀ-ին հաջող կերպով գոյություն ունենալ մինչ օրս: Ի դեպ, թուրքերին հաջողվեց լուծել իրենց էքսկլավի ջրամատակարարման խնդիրը՝ մայրցամաքից դեպի կղզի ստորջրյա ջրատար կառուցելով:

Կիպրոսի հունական և թուրքական հատվածների համակեցության խնդիրն ներկայում սրվել է` մոտակայքում գազի հանքավայրերի հայտնաբերման ֆոնին, ինչպես նաև այն փաստով, որ կղզին առանցքային կետ է Իսրայելից Եվրոպա տարանցիկ խողովակաշարի կառուցման համար: Անկարան ցանկանում է իր բաժինն ունենալ այս ամբողջ «առատությունից», բայց հույները այլ կերպ են նայում հարցին: Հիմքեր կան ենթադրելու, որ Թուրքիան կարող է փորձել Կիպրոսում կիրառել խնդրի ուժային լուծման ղարաբաղյան փորձը: Նախագահ Էրդողանի տրամադրության տակ գտնվող հզոր նավատորմը և թուրքական բանակը համարվում է ՆԱՏՕ-ի ամենաուժեղը՝ ԱՄՆ-ից հետո: Բացի այդ՝ թուրքերն ունեն  նաև  հարվածային անօդաչու թռչող սարքեր, որոնք իրենց լավ են դրսևորել Լեռնային Ղարաբաղում:

Միևնույն ժամանակ մամուլում սկսեցին շրջանառվել լուրեր այն մասին, որ մի քանի տարի առաջ հեղաշրջման ձախողված փորձի մեջ ներգրավված զինվորականները ժամանակից շուտ սկսեցին ազատվել թուրքական բանտերից:

Տեսականորեն, իրադարձությունները կարող են զարգանալ հետևյալ կերպ: Ինչ վերաբերում է Կիպրոսի թուրքական հատվածին, ապա հունական կողմից որոշ սադրանքներ են տեղի ունենում, որը Անկարային դրդում է կղզու ծովային շրջափակում գործադրել և այնտեղ ռազմական զորախումբ ուղարկել: Դա անմիջապես ստիպում է Աթենքին միջամտել՝ պաշտպանելու Կիպրոսի հույն բնակչությանը, որոնք կարող են իրենց նավատորմը կղզի ուղարկել և ինչ-որ ռազմական գործողություններ սկսել Թուրքիայի հետ ցամաքային սահմանին: Անկարան ավելի ուժեղ է թվում, և Հունաստանի հետ մենակ մնալով՝ կարող է միաժամանակ «քամել» երկրից այլ վիճելի կղզիներ:

Նախագահ Էրդողանի խնդիրն այն է, որ Աթենքը, ամենայն հավանականությամբ, չի հանձնվի նրան: Նորանշանակ «սուլթանի» նեոօսմանյան զորավարժությունները առանց բացառության մեծ մտահոգություն են առաջացնում Թուրքիայի բոլոր հարևանների շրջանում: Սիրիայի հյուսիս, Լիբիա՝ իր ծովային շելֆով, Լեռնային Ղարաբաղ, այժմ հունական կղզիներ, իսկ հետո ի՞նչ՝ Կենտրոնական Ա՞սիա, Ա՞ֆրիկա, Մերձավոր Արևե՞լք: Այս դեպքում ՆԱՏՕ-ի պաշտոնական դաշնակիցները ստիպված կլինեն աջակցել Հունաստանին:

Ի դեպ, ԱՄՆ-ն արդեն սկսել է դա ցուցադրաբար անել: «Ս-400»-ի գնման համար նրանք պատժամիջոցներ կիրառեցին Անկարայի նկատմամբ: Ամերիկացիները բացառեցին թուրքերին իրենց «Ֆ-35» ծրագրից՝ հույներին հանձնելով հինգերորդ սերնդի վեց կործանիչներ: Պենտագոնը հասկացրել է, որ քննարկում է հունական Կրետեում գտնվող «Հերակլիոն» ավիաբազան՝ որպես «Ինջիրլիկ»-ին փոխարինող: Վաշինգտոնը մտադիր է ամրանալ Թուրքիայի Դարդանել նեղուցի մոտակայքում, որտեղ ԱՄՆ բանակի ինժեներական կորպուսը ներկայում արդիականացնում է Ալեքսանդրուպոլիս նավահանգիստը: Սրանք բավականին լուրջ ազդակներ են Անկարային, որոնք անտեսելը շատ անխոհեմ կլինի:

Արդյո՞ք նախագահ Էրդողանը ռազմական բախման կգնա Հունաստանի հետ: «Սուլթանը» կծում է միայն այնպիսի կտոր, որը կարող է կուլ տալ: Ակնհայտ է, որ նա առաջնորդվելու է ԱՄՆ Դեմոկրատական կուսակցության նորացված արտաքին քաղաքականությամբ: Իսկ, թե ինչպիսին կլինի դա, դեռ կտեսնենք», - ասվում է հոդվածում:

website by Sargssyan