Երևան, 09.Փետրվար.2023,
00
:
00
1 $ = 0 ֏, 1 = 0 ֏, 1 = 0 ֏
ՀՐԱՏԱՊ


Տեխնոլոգիաների աշխարհում ռեզյումեներին փոխարինման է գալիս հայկական CodeSignal-ը

ՀԱՐՑԱԶՐՈՒՅՑ

Այսօր անչափ մրցակցային աշխատաշուկայում ընկերությունները ցանկանում են գտնել ամենատաղանդավորներին  ներգրավելու նոր ճանապարհներ։ Սա հատկապես վերաբերվում է տեխնոլոգիական ոլորտի կամ տեխնիկական մասնագետներ ներգրավելուն։ Հմուտ ծրագրավորողների պահանջարկը մեծ էբայց երբեմն նրանց ֆորմալ կրթությունը և ռեզյումեները չեն արտացոլում իրենց իրական հմտությունները և կարողությունները։ Սա վնասում է և՛ դիմորդներինև՛ գործատուներին։ Ընկերությունները բաց են թողնում տաղանդներինիսկ դիմորդները հնարավորություն չեն ստանում ցուցադրել իրենց իրական կարողությունները։

Այստեղ էոր անհրաժեշտություն է լինում անկողմնակալ գնահատման տեխնիկական գործիքների ՝ գործատուին թույլ տալով  օբյեկտիվ գնահատել դիմորդի տեխնիկական հմտությունները, իսկ դիմորդներին՝ իրական պայմաններում ծանոթանալ այն աշխատանքի բնույթին, որի համար դիմել են։ Փորձը ցույց է տալիս, որ դիմորդները առավել դրական են գնահատում աշխատանքի ընդունման իրենց փորձառությունը, եթե դրա ընթացքում  առնչվում են իրական աշխատանքի հետ։ Սա շատ կարևոր է կադրերի հավաքագրման այսօրվա շուկայում։ Համաշխարհային IBM ընկերության վերջին հետազոտությունը ցույց է տալիսոր աշխատանքի առաջարկը ընդունելու հավանականությունը 38%-ով ավելի բարձր է այն թեկնածուների մոտովքեր աշխատանքի ընդունման ընթացքում դրական փորձառություն են ունեցել։

Տեխնիկական հմտությունների գնահատման CodeSignal հարթակը հիմնադրվել է 2015թ.-ին։ Այն իր ոլորտի առաջատարն է, որի տրամադրած ավտոմատացված լուծումներն արդեն ստանդարտ են դարձել շատ գործատուների համար։ CodeSignal-ի մեքենայական ուսուցման ալգորիթմը վերլուծում է հմտությունների գնահատման տվյալների տերաբայթեր և դիմորդին տալիս է «Ծրագրավորման վարկանիշ»որը ցույց է տալիս դիմորդի ծրագրավորման և խնդիրների լուծման հմտությունները։

Ներկայացնում ենք The Silicon Review առցանց պարբերականի հարցազրույցը CodeSignal-ի համահիմնադիր և գործադիր տնօրեն Տիգրան Սլոյանի հետ։

– Ինչու՞ որոշեցիք ստեղծել հմտությունների իրական գնահատման այս հարթակը։

Երբ նայում եք իմ անցած ճանապարհին, ապա կարող է հարց առաջանալ՝ ինչու է այս մարդը ձգտում գնալ «ռեզյումեներից այն կողմ»։ Հարցն առաջանում է այն պատճառով, որ իմ ռեզյումեում կան այն բոլոր կետերը, որոնք ցանկալի են լավ աշխատանք գտնելու համար։ Սակայն իմ գործընկեր և CodeSignal-ի համահիմնադիր Արամ Շատախցյանը լրիվ այլ փորձառություն է ունեցել։ Ես մաթեմատիկայի ազգային չեմպիոն էի, իսկ նա՝ ծրագրավորման։ Արամն իմ հանդիպած ամենաուժեղ ծրագրավորղներից մեկն է։ Երկուսս էլ ունեինք անչափ մեծ ներուժ։ Հանգամանքների բերումով Արամը Հայաստանում ընդունվեց տեղական ԲՈՒՀ, իսկ ես՝ MIT (Մասաչուսեթսի Տեխնոլոգիական Ինստիտուտ)։ Այս միակ տարբերությունը մեծագույն ազդեցություն ունեցավ մեր կարիերաների վրա։ Միայն այն փաստը, որ ես ավարտել էի լավագույն տեխնիկական ԲՈՒՀ-ը, ինձ գրավիչ թեկնածու էր դարձնում երկրի բոլոր գործատուների համար։

Մարդկային ռեսուրսների հավաքագրմամբ զբաղվող բազմաթիվ մասնագետներ կարծում են, որ լավագույն ԲՈՒՀ-ն ավարտած ՏՏ մասնագետը վստահաբար պատրաստ է աշխատանքին, իսկ ոչ հանրահայտ ԲՈՒՀ ավարտած մեկի հմուտ լինելը կասկածելի է։ Այդ իսկ պատճառով Արամը դժվարանում էր լավ աշխատանք գտնել՝ չնայած, որ նա իմ իմացած լավագույն ծրագրավորողն է։ Սա նշանակում է, որ ռեզյումեն մասնագետների հմտությունները գնահատելու լավ գործիք չէ։ Մենք հիմնադրեցինք CodeSignal-ը, որպեսզի գործատուները հնարավորություն ունենան օբյեկտիվ գնահատել և ընտրել լավագույն տեխնիկական մասնագետներին`չհիմնվելով միայն ռեզյումեների վրա։

– Կարո՞ղ եք կարճ ներկայացնել CodeSignal-ը

CodeSignal-ը տենիկական հմտությունների գնահատման հարթակ է, որն առաջարկում է իրական աշխատանքին ամենամոտ մոդելավորումը։ Հարթակն առաջարկում է երեք հիմնական պրոդուկտ.

Ա. Սերտիֆիկացում՝ մեծ քանակով դիմորդների գիտելիքների ստանդարտացված և վավերականացված գնահատում հավաքագրման պրոցեսի սկզբնական փուլերում։

Բ. Թեստեր՝ ծրագրավորման ավագ մասնագետների հմտությունների գնահատման հատուկ մշակված թեստեր

Գ. Հարցազրույցներ՝ իրական ժամանակում՝ տեսազանգով անցկացվող տեխնիկական հարցազրույցներ։ Սա նման է մեքենա վարելու թեստի, քանի որ հնարավորություն է տալիս գործատուին իրական ժամանակում հետևել, թե ինչպես է թեկնածուն օգտագործում իր կարողությունները։

– Երբ մարդիկ լավ և ուրախ ժամանակ են ացկացնում, նրանք միասին ավելի արդյունավետ են աշխատում։ Ինչպե՞ս կմեկնաբանեք այս խոսքը։

Իրականությունն ավելի բարդ է։ «Հետևիր քո երազանքին» հասկացությունը միանշանակ չէ։ Որոշ մարդիկ կարծում են, որ եթե ինչ-որ բանից անընդհատ հաճույք չեն ստանում, ապա դա անել պետք չէ։ Դա ճիշտ չէ, և պրոֆեսիոնալ մարզիկները շատ լավ հասկանում են սա։ Ցանկացած ոլորտում վարպետանալու համար պետք է մարզվել, ինչը ոչ միշտ է հաճելի։ Սակայն երբ դուք շատ ժամանակ եք տրամադրում մի բանի և իսկապես հմտանում եք, արդյունքում ավելի եռանդուն եք դառնում և ավելի շատ եք հաճույք ստանում։ Դուք չեք հանդիպի որևէ պրոֆեսիոնալ մարզիկի, ով լավագույնն է աշխարհում, բայց ատում է իր սպորտը։ Այդպես չի լինում։ Նրանք սիրում են այն, ինչում լավագույնն են, և դա դառնում է իրենց ինքնությունը։ Այսպիսով, կարծում եմ՝ մարդիկ միասին առավել արդյունավետ են աշխատում, երբ յուրաքանչյուրն աշխատում է այն ուղղությունով, որը սիրում է, և որտեղ մասնագիտացած է։ Նման թիմը ստեղծում է գերազանց աշխատելու և մասնագիտական աճը խթանելու մոտիվացնող մի միջավայր։ Սա շատ ավելի խորն է, քան պարզապես լավ և ուրախ ժամանակ անցկացնելը:

– Աշխատակիցների երազանքների վրա հիմնված ընկերություն ստեղծելն առաջնահերթություն է։ Դուք հարցնու՞մ եք Ձեր աշխատակիցներին, թե ինչով են հետաքրքրված և ինչպես են տեսնում իրենց կարիերայի զարգացումը։

Իհարկե։ Երիտասարդ և համեմատաբար փոքր ընկերության առավելություններից մեկն այն է, որ կարող ենք արձագանքել մեր թիմի բոլոր անդամների կարողություններին և հետաքրքրություններին։ Ես գիտեմ, որ այժմ սա թրենդային է, բայց այն երկկողմանի ջանք է պահանջում։ Ղեկավաները պետք է թափանցիկ լինեն բիզնեսի կարիքների և թիմի նպատակների վերաբերյալ։ Աշխատակիցներն էլ պետք է բաց լինեն իրենց կարիերաների պլանների հարցում և բացահայտեն իրենց մասնագիտական ուժեղ կողմերը։ Հակառակ դեպքում դժվար իրավիճակ կստեղծվի բոլորի համար։

– Ունե՞ք նոր ծառայություններ, որոնք պատրաստ են գործարկման

Մենք հետևողականորեն աշխատում ենք ծրագրավորողների և տվյալագետների աշխատանքի՝ հնարավորինս իրական մոդելավորման հարթակ ստեղծելու ուղղությամբ։ Ուրախ եմ նշել, որ վերջերս գործարկել ենք գնահատման առաջադեմ գործիքներ, որոնք կապահովեն ճշգրիտ գնահատման փորձառություն մեր գործընկերների համար։ Արդյունքում, CodeSignal-ը կարող է օգտագործվել որպես ծրագրավորման և տվյալագիտական ամենաբարդ հաստիքների դիմորդների իրական հմտությունների գնահատման գործիք։

Գործատուները կարող են գնահատել դիմորդների անհրաժեշտ գիտելիքները և հմտությունները, քանի որ CodeSignal հարթակը ամբողջովին արտացոլում է իրական աշխատանքային միջավայրը և համապատախան հանձնարարությունները։ Սա նշանակում է, որ գնահատումը ցույց է տալիս, թե ինչպես դիմորդը կդրսևորի իրեն իրական աշխատանքի ժամանակ։ Ավելին, անկախ գործատուի վերջնական որոշումից՝ յուրաքանչյուր դիմորդ ունենում է դրական փորձառություն, քանի որ հարցազրույցների պրոցեսը համապատասխանում է իրական աշխատանքին, և հարթակը շատ հարմար է օգտատերերի համար։

Այժմ կարող եմ վստահ ասել, որ CodeSignal-ը բրաուզերով հասանելի ավտոմատացված գնահատման և հարցազրույցների անցկացման ամենաառաջադեմ հարթակն է։

– Ի՞նչ ապագա է սպասվում Ձեր ընկերությանն ու հաճախորդներին: Ի՞նչ հետաքրքիր զարգացումներ եք ակնկալում

Մոտ ապագայում նպատակ ունենք ավելի հիմնավոր դիրքավորվել տեխնիկական համայնքում և դառնալ տեխնիկական հմտությունների գնահատման բացարձակ առաջատար։ Աշխարհի ընկերությունների մեծամասնությունը դիմորդներին գնահատելիս դեռևս հիմնվում է ռեզյումեների վրա՝ նույնիսկ տեխնիկական հաստիքների դեպքում։ Դեռևս ահռելի աշխատանք ունենք անելու, որպեսզի գործատուները թեկնածուներին դիտարկեն «ռեզյումեներից այն կողմ»՝ հիմնվելով հմտությունների գնահատման առավել օբյեկտիվ մեթոդների վրա։

Ո՞վ է կանգնած CodeSignal-ի հաջողության հետևում

Տիգրան Սլոյանը CodeSignal-ի համահիմնադիրն ու գործադիր տնօրենն է։ CodeSignal-ն առաջին ընկերությունն է, որը ստեղծել է դիմորդներին՝ իրենց իրական հմտությունների վրա հիմնված գնահատական տալու արդար և ավտոմատացված հարթակ։ Այն օգտագործվում է որպես չափանիշ տեխնիկական կադրեր հավաքագրողների և գործատուների համար։ Տիգրանը նաև #GoBeyondResumes հասարակական շարժման հիմնադիրն է։ Տիգրանն իր ակտիվ գործունեությամբ պարբերաբար ներդրում է ունենում Forbes-ի տոխնոլոգիական խորհրդի կազմում, որպես մտքի առաջնորդ՝ տեխնիկական կադրերի հավաքագրման, ծրագրային ապահովման և նորարարությունների մշակման ուղղություններում։

CodeSignal-ի առաքելությունը կարողությունների և հմտությունների գնահատման միջոցով տաղանդներին հասանելի դարձնելն է։

Երբ ամենամեծ արժեքը աթոռն է. «Փաստ»Թուրքիայում երկրաշարժի զոհերի թիվը հասել է 12391-ի «Թույլ տալ, որ Արցախը հայազրկվի, նշանակում է՝ բացել ՀՀ պետականության ոչնչացման դուռը». «Փաստ»Երկար ժամանակով լույս չի լինելու Երևանում և 7 մարզերում Փաշինյանը հաղթահարեց իր աղքատությունը, իսկ ժողովրդի՞նը«Բյուջետային հանցավոր քաղաքականություն է իրականացվում». «Փաստ»Ռուսաստանում, մեղմ ասած, ոգևորված չեն «փոխարինման» մասին խոսակցություններից. «Փաստ»Սիրտը բացել է եվրոպացիների առջև. «Փաստ»«Անգամ լավ ընդդիմություն չեն եղել». «Փաստ»Տե­սա­րան­ներ՝ առանց հա­ցի. «Փաստ»Բլինքենը վստահ է, որ Ֆինլանդիան և Շվեդիան շուտով կմիանան ՆԱՏՕ-ին ԱՄՆ-ում արևային վահանակների տեղադրումը նվազել է Չինաստանի պատճառով Քարոզչական միֆի վախճանը. Սյունիքում քաղցկեղի ամենաքիչ դեպքերն են գրանցվել Գորիսում խիտ մառախուղ է․ Տիգրանաշենի ոլորանները դժվարանցանելի են Արցախի պետնախարարը քննադատել է Եվրամիությանը՝ Բաքվի նկատմամբ մեղմ վերաբերմունքի համար Հայաստանից Թուրքիա մեկնած փրկարարական խումբն սկսել է աշխատանքը Ադըյամանում Անդրադարձել եմ օդային հումանիտար միջանցքի ապահովման անհրաժեշտությանը, ինչը կիրառվել է Բեռլինի և Սարաևոյի պաշարումների ժամանակ. Ռուբեն ՎարդանյանԱրցախի Հանրապետության շրջափակման սոցիալ-տնտեսական հետևանքների մեղմացման նպատակով կառավարությունը իրականացնում է միջոցառումներ. Մեսրոպ Առաքելյան Թուրքիայում երկրաշարժի հետևանքով զոհերի թիվն աճել է Արմավիրի Երասխահուն համայնքում ապօրինի ընդերքօգտագործման դեպք է բացահայտվել Բացարձակ սուտ է. ՀՀ ՊՆ-ն հերքում է ադրբեջանական հերթական ապատեղեկատվությունը Ամերիաբանկն ամփոփեց Visa-ի հետ համատեղ արշավը. Հայտնի է Volkswagen ID.4 էլեկտրամոբիլի հաղթողըՏեղի ունեցավ Ռուս-հայկական գործարար խորհրդի հիմնադիր ժողովը (տեսանյութ) ՀԱՊԿ-ից այս հարցի հստակ պատասխանը չենք ստացել․ Նիկոլ Փաշինյան Թշնամին նույնիսկ խաբել է Նիկոլին և օկուպացրել է Հայաստանի տարածքները. Արտակ ԶաքարյանՔիչ առաջ Նիկոլ Փաշինյանն Ազգային Ժողովում արեց սենսացիոն հայտարարություն. Արմեն ԱշոտյանՇոյգուն կոշտ նամակ է գրել Ալիևին. Աղբյուր ՊԵԿ-ում 2022-ին իրականացվել է 73 ծառայողական քննություն. 89 ծառայող ենթարկվել է տարբեր կարգապահական պատասխանատվության «Ես ինձ հաջողակ համարեցի, երբ վերադարձա հայրենի գյուղ և հիմնեցի առաջին բիզնեսը». շեֆ խոհարար Յուրա Սարգսյան Դոլարի փոխարժեքը կայուն է. եվրոն թանկացել է Ադրբեջանը կրկին արգելափակել է Հայաստանից Արցախ գազատար խողովակը Ադրբեջանը կրկին արգելափակել է Հայաստան Արցախ միակ գազատար խողովակը Դպրոցներում սառը զենքի կրումը կանխելու միջոցառումների մասին․հնարավոր է արգելվող իրերի ցանկ ստեղծվի Փոփոխվել են Ucom շարժական կապի ծառայության Level up կանխավճարային սակագնային պլանների ամսավճարները Հայ փրկարարները քիչ անց կժամանեն Հալեպ, երեկոյան կհասնի նաեւ մարդասիրական օգնությունը Զինծառայողներ են կալանավորվել Երկրաշարժի հետեւանքով Թուրքիայում եւս մեկ հայ է զոհվել. Արա Գոչունյան Զելենսկին ժամանել է Լոնդոն. նրան կընդունի թագավորը Նախագահ Խաչատուրյանը և Պորտուգալիայի դեսպանն անդրադարձել են ԵՄ դիտորդական առաքելության կարևորությանը Շատ կարևոր է Վրաստանի դերը որպես Հայաստանի և Ադրբեջանի միջև կամուրջ. ԵՄ ներկայացուցիչ Պղինձը թեթեւակի թանկանում է Տեղի ունեցավ «Հորիզոններ. համապարփակ մոտեցում ազգային անվտանգության կերտմանը» գրքի շնորհանդեսը Հայաստանին և Ադրբեջանին հաջողվել է մոտեցնել իրենց դիրքորոշումները որոշ հարցերում. Արարատ Միրզոյան Կարմիր խաչի միջնորդությամբ Լաչինի միջանցքով Հայաստան է տեղափոխվել 17 անձ Լույս է տեսել հայոց լեզվի «Կռունկ Հայաստանի» դասագիրքը Ալեն Սիմոնյանը հանդիպել է զոհված զինծառայողների ծնողների հետ Թուրքիայում երկրաշարժի զոհերի թիվը հասել է գրեթե 7000-ի Հայաստանը Թուրքիա է ուղարկել 27, Սիրիա՝ 29 փրկարար Թուրքիայում նոր երկրաշարժ է գրանցվել Ողբերգական դեպք` Օշական գյուղում․ տանը հայտնաբերվել են տղամարդու դի և կիսաայրված անկողին