Օգոստոսի 26-ի աստղագուշակ
ԼԱՅՖԽոյ
Խոյերին այս օրը կմղի ինտենսիվ շփումների, որոնումների, ուղևորությունների: Շատ դեպքերում ստիպված կլինեք ոչ թե կառավարել իրադարձությունները, այլ կողմնորոշվել հանգամանքներով: Հնարավոր է ստիպված լինեք պարզել հարաբերություններ, հաղթահարել բյուրոկրատական քաշքշուկներ: Շրջապատի հետ շփման մեջ կարևոր է ոչ միայն խոսելը, այլև լսելը: Օրվա ընթացքում մեկ անգամ չէ, որ օգնության կհասնի ինտուիցիան:
Ցուլ
Այսօր շատ Ցուլեր ստիպված կլինեն դիվանագիտություն և հանդուրժողականություն դրսևորել` հատկապես շփման, ուսման, դաստիարակման ընթացքում: Ինչը պարզ է ձեզ, կարող է հասկանալի չլինել ուրիշներին: Ձեր գործերը կարող է բարդացնել արտաքին հանգամանքների կողմից թելադրված անպետք շտապողականությունը: Օրը հարմար է հավելյալ տարբերակների որոնման և համեմատման համար: Նոր գաղափարներին արժե քննադատորեն վերաբերվել:
Երկվորյակ
Երկվորյակներն այսօր տեղեկատվական հոսքերի կենտրոնում են, պատրաստ են ակտիվորեն տարածել կամ ընդունել հրատապ նորությունները, սովորել և սովորեցնել: Արժե ամեն ինչում ճանաչել չափը, այլապես տեղեկատվության մի մասը կրկնվող կամ անօգուտ կլինի: Բառերի և շփումների ավելցուկը կարող է հանգեցնել հոգնածության: Տվյալների որոնման մեջ անխտրությունը և չափից դուրս հետաքրքրասիրությունը կարող են ձեզ բամբասանքների տարածող դարձնել:
Խեցգետին
Խեցգետիններին այսօր ուղղորդում է գիտելիքների և որոնումների նկատմամբ ներքին ձգտումը: Շատ բան կորոշի իրավիճակը, մթնոլորտը, ինքնազգացողությունը: Գերազանց օր է, եթե հետաքրքրասեր եք: Ճանապարհը, հանդիպումը, միջոցառումը ճանաչողական կլինեն, սակայն հարցերի մի մասն անպատասխան կմնա: Սցենարները շարունակություն կպահանջեն: Շփվող Խեցգետիններին երեկոյան խորհուրդ է տրվում զգուշանալ հոգնածությունից, անքնությունից:
Առյուծ
Առյուծները կարող են այս օրն օգտագործել աշխարհայացքի ընդլայնման, այլընտրանքային ծրագրման, հավելյալ տեղեկատվական և ֆինանսական աղբյուրների որոնման համար: Լավագույն պահը չէ տվյալների համակարգման, որոշումների հաստատման համար: Ավելի լավ է զբաղվել համապատասխան նյութի կուտակմամբ, որից հետագայում կկարողանաք ընտրություն կատարել: Կարելի է մասնակցել փորձարարական ծրագրի:
Կույս
Կույսերին այսօր գայթակղում է ճանապարհների բազմազանությունը, գրավում է հավելյալ հնարավորությունների, առաջարկների, եղանակների առկայությունը: Հնարավոր է զգաք պահը, երբ անհրաժեշտ է հաղթահարել իներցիան, հրաժարվել հետագա փորձարկումներից և կանգ առնել` չնայած բոլոր գայթակղություններին: Տարբերակների բազմազանությունից ժամանակին չհրաժարվելը կարող է հանգեցնել ժամանակի ամինաստ վատնման, ուշադրության գերծանրաբեռնման:
Կշեռք
Կշեռքներին աստղերը խորհուրդ են տալիս ավելի խտրական լինել թեմաների և շփումների ընտրության մեջ: Հանգամանքները թույլ են տալիս ավելի մանրամասն ուսումնասիրել իրական կարևորություն ունեցող հարցերը, սակայն չարժե նույնքան մեծ նշանակություն տալ ձեզ համար անկարևորին: Հնարավոր է ձեզ փորձեն ներքաշել անպետք խոսակցությունների մեջ: Ժամանակը և ուժերն ավելի լավ է ծախսել գիտելիքների և տվյալների վրա, որոնք հեռանկարում կարող են պետք գալ:
Կարիճ
Կարիճներին այս օրը կարող է պահել չթուլացող լարվածության մեջ, բացառված չեն մտավոր ծանրաբեռնվածությունները: Հնարավոր է ստիպված լինեք հետևել միաժամանակ մի քանի իրադարձության, գործընթացի: Կարող են զարգացում ստանալ և կրիտիկական կետին հասնել նախօրեի սցենարները: Քաոսից գլուխ հանելու, ճշմարտությունը պարզելու, բանալին գտնելու փորձերը կարող են արդյունք չտալ, սակայն օգտակար կլինեն ուսման, զարգացման համար:
Աղեղնավոր
Աղեղնավորները կարող են հույս դնել իրենց հեղինակության, ազդեցության, փաստարկների ուժի վրա, սակայն ոչ իրադարձությունների ուղղակի կառավարման: Արժե հիշել, որ դուք չեք կարող ազդել ուրիշների մտքերի, ճաշակների վրա, սակայն կարող եք այնպես անել, որ յուրաքանչյուրն արտահայտվելու հնարավորություն ունենա: Օրը հարմար է գիտաժողովների, կորպորատիվ հավաքների, բաց նիստերի մասնակցելու, բանավեճերին հավելյալ մարդկանց գրավելու համար:
Այծեղջյուր
Այծեղջյուրները կարող են բախվել ընթացիկ գործերի ցուցակի ընդլայնման, հավելյալ նպատակների և նոր դետալների առաջացման հետ: Կարող է խնդիր դառնալ առանձնանալու, կենտրոնանալու, նյութը յուրացնելու, տպավորությունները և տեղեկատվական ծավալները դասակարգելու անհնարինությունը: Եթե չեք տեղավորվում ժամանակացույցում, չեք հասցնում ձևակերպել փաստաթղթերը կամ քննարկել հրատապ հարցերը, հնարավորություն ունեք այդ գործերը հետաձգելու:
Ջրհոս
Ջրհոսներին օրը թույլ է տալիս հետաքրքիր առաջադրանք լուծել, իրենց ուժերն ինչ-որ անսովոր ոլորտում փորձել: Մեծ են հնարավորությունները հաջողության հասնելու այնտեղ, որտեղ ուրիշները պարտություն են կրում, քանզի մտածում են ավելի ավանդական, պակաս ստեղծագործական: Կարող է արդյունք տալ անսովոր հոբբին: Տեղին է յուրօրինակ քայլը սիրային հարաբերություններում: Որոշ մտահղացումների իրագործումը կարող է հավելյալ միջոցներ պահանջել:
Ձկներ
Օրվա իրադրությունը Ձկներին դրդում է բարդ մանևրների, երկիմաստ արտահայտությունների, կասկածների, տրամադրության տատանումների: Որոշ Ձկների դիմակափոխության կստիպի իրավիճակը, ընտանեկան մթնոլորտը: Նման հանգամանքներում կարող եք հաջողության հասնել, եթե միացնեք ձեր բնածին ինտուիցիան, հոգեբանական ճկունությունը: Եթե ձեզ տհաճ են խաղերը և երկակի ստանդարտները, հենարան կարող է դառնալ հումորի զգացումը: