Հայկական արմատներ ունեցող շոու-բիզնեսի ներկայացուցիչներ

Ապրել Հայաստանում դեռևս չի նշանակում լինել հայրենասեր: Մարդը կարող է ապրել հայրենիքում, բայց ոչինչ չանել հայրենիքի համար, ինչն էլ հավասարազոր կլինի, հայրենիքի սահմաններից դուրս ապրելուն: Միաժամանակ մարդը կարող է ապրել հեռու, նույնիսկ ոչինչ չանել հայրենիքի համար, բայց սիրել և հարգել նրան և իր ժողովրդին: Նշենք, որ ներկայումս կան հայազգի այնպիսի ներկայացուցիչներ, որոնք չեն ընդունում իրենց հայկական արմատները՝ ասելով, որ իրենց հայ չեն համարում:

Մոլորակի համարյա բոլոր անկյուններում ապրում են բազմաթիվ հայեր: Նրանցից շատերը արդեն մոռացել են իրենց ծագման և հայկական արմատների մասին, իսկ ոմանք՝ լինելով հեռու, հիշում և պահպանում են իրենց հայկական ավանդույթները: Այսօր Ձեր ուշադրությանն ենք ներկայացնում հայազգի այն ներկայացուցիչներին, որոնք բնակվում են Ռուսաստանի Դաշնությունում և մեծ հեղինակություն վայելում այնտեղ: Նրանց շարքում կան ինչպես էստրադային երգիչներ և դերասաններ, այնպես էլ շոու-բիզնեսի այլ ներկայացուցիչներ:

Հարկ ենք համարում նշել, որ հերթականությունը կախված չէ հեղինակության և ճանաչելիության աստիճանից:

Իգոր Սարուխանով

Իգոր Սարուխանովը (Իգոր Արմենի Սարուխանյանը) ծնվել է 1956 թվականի ապրիլի 6-ին Սամարղանդում (Ուզբեկստան) հայկական ընտանիքում: Նրա հայրական գծով նախնիները ծնունդով Ստեփանակերտից են, իսկ մորականը՝ քաղաք Գորիսից: Սարուխանովի նախապապը շատ հարուստ մարդ էր: Զբաղվում էր հացահատիկի արտադրությամբ, փայտամշակմամբ և քարերի մշակմամբ: Նա ուներ ֆաբրիկաներ և գործարաններ: Զբաղվում էր բարեգործությամբ:

Իգոր Սարուխանովը Ռուսաստանի վաստակավոր արտիստ է, գրողների միության անդամ, «Ցվետի» խմբի կիթառահար, «Կրուգ» խմբի հիմնադիր, երգիչ, բանաստեղծ, կոմպոզիտոր: Սարուխանովը համարվում է ռուսական շոու-բիզնեսի լավագույններից և հարգված արտիստներից մեկը:

Իրինա Ալլեգրովա

Իրինա Ալեքսանդրովնա Ալլեգրովան (իսկական ազգանունը Սարգիսյան) ծնվել է 1952 թվականին հունվարի 20-ին, Դոնի Ռոստով քաղաքում: Հայրը հայ է` Ալեքսանդր Սարգիսով, ով երիտասարդ տարիներին ազգանունը փոխել է և դարձել Ալեգրով, իսկ մայրը ռուս է՝ Սերաֆիմա Սոսնովսկայա: Ալեգրով ազգանվան ծագումը գալիս է «allegro» բառից, ինչը թարգմանաբար նշանակում է «առույգ, ուրախ»: Իրինա Ալեգրովան ռուս էստրադային երգչուհի է, Ռուսաստանի ժողովրդական արտիստուհի:

Լևոն Օգանեզով

Լևոն Օգանեզովը ծնվել է 1940 թվականի դեկտեմբերի 25-ին, Մոսկվայում: Ավարտել է Մոսկվայի կոնսերվատորիայի դաշնամուրի բաժինը: Համարվում է բազմաթիվ մրցույթների մրցանակակիր: Վարել է բազմաթիվ ռուսական հեռուստանախագծոր: Նկարահանվել է մի շարք կինոնկարներում: 1993 թվականին արժանացել է ՌԴ վաստակավոր, իսկ 2010 թվականին՝ ժողովրդական արտիստի կոչմանը:

Կարեն Հովհաննիսյան/ Ավանեսյան

Կարեն Գարեգինի Հովհաննիսյանը/ Ավանեսյանը ծնվել է 1957 թվականի սեպտեմբերի 18-ին, Բաքվում: Կարեն Ավանեսյանը ռուսական էստրադայի և կինոյի արտիստ է, շոումեն, ծաղրերգության վարպետ, Ռուսաստանի վաստակավոր արտիստ: Համարվում է բազմաթիվ հումորային ծրագրերի մշտական մասնակից:

Եվգենիյ Պետրոսյան

Եվգենիյ Պետրոսյանը ծնվել է 1945 թվականի սեպտեմբերի 16-ին, Բաքվում: 1961 թվականին ավարտելով միջնակարգ դպրոցը՝ տեղափոխվել է Մոսկվա: Սովորել է էստրադային արվեստի համառուսական ստեղծագործական կենտրոնում: 1962 թվականից սկսել է խաղալ պրոֆեսիոնալ բեմերում: 1985 թվականին արժանացել է ԽՍՀՄ վաստակավոր, 1991 թվականին՝ ժողովրդական արտիստի կոչմանը:

Դմիտրի Խառատյան

Դմիտրի Վադիմովիչ Խառատյանը ծնվել է 1960 թվականի հունվարի 21-ին Ալմալիկում (Ուզբեկական ԽՍՀ): Որդու ծնվելուց երեք տարի անց Խառատյանների ընտանիքը տեղափոխվեց Մոսկվայի մարզ Մերձմոսկովյան շրջան։ Ավագ դասարաններում Դմիտրի Խառատյանը զբաղվում էր սպորտով, երաժշտությամբ, կիթառ էր նվագում, ղեկավարում էր «Արգոնավորդներ» դպրոցական անսամբլը։

Առաջին անձնագիրը ստանալու ժամանակ Դմիտրի Խառատյանը պնդեց, որ «ազգություն» սյունակում նշված լինի «հայ», չնայած այն բանի, որ նա միայն մեկ քառորդով հայ է: «Ես հոգով հայ եմ, չնայած այն բանի, որ արյունով մեկ քառորդով եմ հայ… Ես ունեմ հայկական ազգանուն, իմ հայրը` կիսով չափ հայ է», - ասել է Դմիտրի Խառատյանը:

Արմեն Ջիգարխանյան

Արմեն Ջիգարխանյանը ծնվել է 1935 թվականի հոկտեմբերի 3-ին, Երևանում: 1953-1954 թթ.-ին Ջիգարխանյանը աշխատել է Արմենֆիլմում որպես օպերատորի օգնական։ Իր դերասանական կարիերան սկսել է 1955 թվականին Երևանի Ստանիսլավսկու անվան Ռուսական Դրամատիկական թատրոնում, և 1967-ին տեղափոխվել է Մոսկվայի Լենկոմ թատրոնը։ 1969-ին աշխատել է Մայակովսկու Ակադեմիական Թատրոնում։ 1975-ին Ջիգարխանյանը ստացել է Հայաստանի Հանրապետության Պետական Մրցանակ «Եռանկյան» համար, ինչպես նաև 1979-ին՝ «Snow in Mourning» ֆիլմի համար։1985-ին Ջիգարխանյանին տրվել է ՍՍՀՄ Ժողովրդական Դերասանի կոչում։ Արմեն Ջիգարծանյանը խաղացել է սովետական բազմաթիվ ֆիլմերում, ինչպես նաև հնչունավորել է Սոյուզմուլտֆիլմի բազմաթիվ հերոսների։

Կարեն Շահնազարով/ Շահնազարյան

Կարեն Շահնազարովը/ Շահնազարյանը ծնվել է 1952 թվականիհուլիսի 8-ին, Կրասնոդարում: Ծնվել է 1952 թվականին հուլիսի 8-ին Կրասնոդարում: Սովորել է տեղի համար 4 դպրոցում, իսկ 1975 թվականին ավարտել ՎԳԻԿ-ի ռեժիսուրական ֆակուլտետը՝ Իգոր Տալակինի արվեստանոցը: 1976 թվականից ֆիլմեր է նկարահանում «Մոսֆիլմ» կինոընկերությունում: 1987 թվականից «Մոսֆիլմ»-ի մաս կազմող «Ստարտ» ստեղծագործական միավորման, որը 1990-ին վերանվանվել է «Կուրիեր» ստուդիաի գեղարվեստական տնօրենն է եղել, 1991-ից` «Մոսֆիլմ» կինոկոնցեռնի և «Կուրիեր» ստուդիայի գեղարվեստական ղեկավարն ու վարչության նախագահը: 1998-ին դարձել է «Մոսֆիլմ» կինոկոնցեռնի գլխավոր տնօրենը:

Գարիկ Մարտիրոսյան

Գարիկ Յուրիի Մարտիրոսյանը ծնվել է 1974 թվականի փետրվարի 14-ին, Երևանում: Ազգությամբ հայ հումորիստ և հաղորդավար է: Ներկայումս բնակվում է ՌԴ-ում և աշխատում է Ռուսաստանի առաջին ալիքում: Գարիկ Մարտիրոսյանը հանրությանը հայտնի է որպես շոումեն, հեռուստահաղորդավար, հումորիստ, պրոդյուսեր, «Քոմեդի քլաբ» նախագծի մասնակից և գեղարվեստական ղեկավար:

Վյաչեսլավ Դոբրինին (Պետրոսյան)

Վյաչեսլավ Դոբրինին (Պետրոսյանը) Խորհրդային եւ Ռուսաստանի Դաշնության հայկական ծագումով էստրադային երգիչ, կոմպոզիտոր է: Ծնվել է հունվարի 25 - ին, 1946 - ին Մոսկվայում: Մանկությունը անց է կացրել մոր հարզատների մոտ: Հայրը՝ Գալուստ Հովհաննեսի Պետրոսյանը (պատերազմում նրան կոչում էին Գրիգորի), հայ է, ծնվել է Սյունիքի մարզի Կապան քաղաքում: Մայրը`Աննա Անտոնովան է, ռուս է: Վյաչեսլավ Դոբրինինը չի կրում Պետրոսյան ազգանունը, և հորը երբեք չի տեսել: Վյաչեսլավը ԽՍՀՄ վաստակավոր արտիստ է, Ռուսաստանի ժողովրդական արտիստ, երեք անգամ արժանացել է Ռուսաստանի ազգային «Օվացիա», «Ոսկե գրամոֆոն» մրցանակի, 15 - հեռուստատեսության փառատոնի «Տարվա երգ» մրցանակի, Մոսկովյան կոմսոմոլի և Լենինի կոմսոմոլի մրցանակակիր է: