Վեց վարժություն` լավ մարսողության համար

Այս վարժությունները կօգնեն լուծել կախված որովայնի խնդիրը և վերացնել իրանի ճարպը:

Շատ հաճախ այս խնդիրները նշանակում են մարսողության խանգարում: Եթե վերջինս կարգավորվի, ապա որովայնը կլինի տափակ, իսկ ինքնազգացողությունը՝ հիանալի:

Վարժությունները  շատ ժամանակ չեն խլի և օգտակար կլինեն ամանորից առաջ. դուք ոչ միայն կլավացնեք ձեր կազմվածքը, այլ նաև ձեր մարսողական համակարգը կպաշտպանեք ծանրաբեռնվածությունից:

1․ Ծնկները դեպի կրծքավանդակ

Պառկեք մեջքի վրա և թուլացեք: Խորը շունչ քաշեք և ձգեք ծնկները դեպի կրծքավանդակ՝ բռնելով երկու ձեռքով: Մի քիչ վեր բարձրացրեք պոչուկը  և  մեկ րոպե մնացեք այդ լարված դիրքում: Հետևեք, որ շնչառությունը հավասար լինի:

2․ Ոլորում

Նստեք հատակին` ոտքերը պահելով առաջ ձգած: Ծալեք աջ ծունկը և թեքվեք ամրակայվելով ձախ ձեռքով: Դանդաղ թեքվեք աջ՝ որքան հնարավոր է և մնացեք այդ դիրքում 30 վայրկյան: Կրկնեք նույնը ձախ ծնկով:

3․ Սահուն ծալում ենք ծնկները

Կանգնեք ուղիղ, ոտքերը ուսերի լայնությամբ: Բարձրացնում եք ձեռքերը վեր և պահում ուղիղ: Սահուն ծալում եք ծնկները, այնպես, կարծես նստում եք աթոռին: Մնացեք այդ դիրքում 1 րոպե, շնչեք հանգիստ:

4․ Անկումներ

Աջ ոտքով մեծ քայլ արեք առաջ, ձախը պահեք որքան հնարավոր է ուղիղ: Ձեռքերը տարեք հետ և ձգեք, մեջքը մի փոքր հետ տարեք: Մնացեք մի փոքր այդ դիրքում և կրկնեք վարժությունը մյուս ոտքով: Ամեն ոտքով կատարեք 5 անգամ: Մի շտապեք, խորը շնչեք և պահեք հավասարակշռությունը:

5. Կամուրջ

Պառկեք մեջքի վրա, ծալեք ծնկները և ոտքի թաթերով լավ հենվեք  հատակին: Բարձրացրեք ազդրերը՝  ձգված ձեռքերը պահելով գետնի վրա: Մնացեք այդ դիրքում մեկ րոպե՝ շնչելով հանգիստ:

6. Ոտքերը վեր

Պառկեք հատակին,  ոտքերը վեր բարձրացրեք: Ուղիղ պահեք, հենվեք մեջքին և ձեռքերին: Մնացեք այդպես մեկ րոպե:

Այս հասարակ վարժությունները հրաշքներ կգործեն ձեր մարսողական համակարգի հետ: Դուք կմոռանաք փորի փքվածության և ծանրության զգացողության մասին: Փորի մկանները կձգվեն: Այս պատճառները բավարար են, որպեսզի դուք սկսեք կատարել ներկայացված վարժությունները:

Աղբյուր՝ LADYNEWS.am