Հիանալի պանրային ձվածեղ՝ լավաշով

Այս հետաքրքիր պանրային ձվածեղն, իրոք, կախվածություն է առաջացնում, և հարցը միայն օգտագործվող բաղադրիչները չեն, այլ նաև այն, որ ներկայացվող ուտեստը շատ հեշտ է պատրաստելը:

 

Այն կարելի է մատուցել ոչ միայն նախաճաշին, այլև օրվա ցանկացած ժամի:

 

Պատրաստելու համար մեզ անհրաժեշտ են․

Լավաշ՝ թավայի չափսի կտոր
Ձու՝ 1 հատ
Պանիր՝ 30-50 գրամ
Երշիկ, խոզապուխտ կամ միս՝ ըստ ճաշակի
Աղ՝ ըստ ճաշակի
Ձեթ՝ 1 ճաշի գդալ։

Կարող եք ավելացնել այլ բաղադրիչներ՝ ըստ ցանկության

Պատրաստման եղանակը․

1. Ձուն խառնում եք, ավելացնում աղ: Եթե աղի պանիր եք օգտագործում, կարող եք աղ չանել:

2. Պանիրն անցկացնում եք քերիչի միջով:  

3․ Lավաշի կտորը դնում եք ձեթով պատված թավայի մեջ, այնպես, որ ծայրերը մի քիչ դուրս գան թավայից։ Դնում ցածր կրակի վրա: Եթե լավաշը պնդոտ է, ապա կարող եք այն նախապես թրջել, կամ ձվի մեջ ավելացնել 1-2 գդալ կաթ կամ ջուր․ այդ ժամանակ լավաշը լավ կխոնավանա:

3. Լավաշի վրա լցնում եք ձուն, ապա՝ պանիրը: 

Փաթաթում եք լավաշի ծայրերը և ավելացնում կրակը՝ լավաշը տապակելով երկու կողմից:

Ուշադրություն․ եթե կրակը միանգամից ուժեղ է լինում ապա լավաշը կվառվի, իսկ ձուն կմնա հում:

Բարի ախորժակ։

Աղբյուր՝ LADYNEWS.am