Ինչո՞վ դիմավորել Նոր տարին. խորհուրդ է տալիս հայտնի դիզայներ Հայկ Ավանեսյանը

News.am-ը գրում է.

Նոր տարին տարվա խորհրդանիշի նախասիրություններին համապատասխան դիմավորելն արդեն ավանդույթ է դարձել։ Այս տարի աստղագուշակներն ու ֆենշույի մասնագետները մեզ խորհուրդ են տալիս ընտրել այն ամենը, ինչը բնորոշ է կապիկին՝ վառ ու աչքի ընկնող գույներ, ուրախություն ու թեթեւություն:

Եվ այսպես, ինչո՞վ դիմավորել Նոր տարին, ի՞նչ հագնել տոներին նորաձեւ տեսք ունենալու համար։ Այս հարցի պատասխանը մենք որոշել ենք իմանալ դիզայներ Հայկ Ավանեսյանից:

«Կապիկի տարվա խորհրդանիշը կրակն է, իսկ հիմնական գույնը՝ կարմիրը: Խորհուրդ է տրվում նախապատվությունը տալ համարձակ կրակագույն երանգներին ու արեւադարձային թռչունների եւ ջունգլիների ցանկացած վառ հագեցած գույներին:

Ես կարծում եմ, որ հագուստը պետք է ընդգծի ձեր ոճն ու անհատականությունը: Նախեւառաջ դուք պետք է դրա մեջ ձեզ հարմարավետ զգաք: Հագուստը չպետք է կաշկանդի մեր շարժումները, դրա համար պետք է ընտրել թեթեւ ու բնական կտորներից եւ հարմար ձեւի հագուստ:

Նորաձեւ, ոճային ու ճաշակով տեսք ունենալու համար հագուստի գույնն ու մոդելը ավելի լավ է ընտրել 2015-2016 աշուն ձմեռ նորաձեւության միտումներին համապատասխան: 
Տեղին կլինեն գինեգույն, նարնջագույն, կիտրոնագույն, դեղին, մարջանագույն, կապույտ ու իհարկե, կարմիր գույները:

Կարող եք հավելել ցանկացած տեսակի փայլ՝ մետաղական տարրերով ասեղնագործություններ, փայլեր, պայետկաներ, մի խոսքով՝ ցանկացած մետաղական դեկոր: 
Կտորներին գրավչություն ու առանձնահատուկ ճոխություն կհաղորդեն ժանյակները, ու այս սեզոնին շատ արդիական են ծոպերը»,- նշեց հանրահայտ դիզայները:

 

Էսքիզները տրամադրել է Հայկ Ավանեսյանի մամլո ծառայությունը

- See more at: http://style.news.am/arm/news/27497/inchov-dimavorel-nor-tarin-khorhurd-e-talis-haytni-dizayner-hayk-avanesyany-newsam-style-exclusive.html#sthash.v0FscmOo.dpuf