Առողջ ու անառողջ հարաբերությունների տարբերությունը

Shabat.am-ը գրում է.

Առողջ հարաբերություններն անկեղծության, այնինչ անառողջ հարաբերությունները մանիպուլիացիաների հիման վրա են կառուցվում։ Դու հավատո՞ւմ ես, որ նա քեզ իսկապես սիրում է։ Մինչև լուրջ հարաբերություններ սկսելը խելացի կլինի նախ վերլուծել՝ արդյո՞ք այն, ինչ ուզում ես սկսել, իսկապես արժե։ Նա, ով ասում է, թե սիրում է քեզ, հնարավոր է, նույնիսկ, իր սեփական զգացմունքերի ու ցանկությունների զոհն է։ Նույնիսկ հնարավոր է, որ նա ինքն է խառնված իր զգացունքների մեջ։ Այնպես որ մինչև կարևոր որոշում կայացնելը, որը չափազանց նուրբ հարց է կյանքում, ավելի լավ է նախ վերլուծել ձեր փոխհարաբերությունները։

1 Իրական տալը - Տալը՝ դրա դիմաց ստանալու նպատակով։ Առողջ հարաբերություններում մարդիկ տալիս են առանց որևէ բանի ակնկալիքի։ Նրանք տալիս են «անվճար»։ Այլ կերպ ասած՝ սա սիրո իրական նվերն է։ 
Անառողջ հարաբերություններում ինչ-որ բան տրվում է դրա դիմաց որևէ բան ստանալու ակնկալիքով։ Առողջ հարաբերությունների մեջ վստահությունն է գործողությունների շարժիչ ուժը։ Դուք վստահում եք միմյանց ու իրար մեջքի կանգնում։ Դուք հանգիստ եք ու չեք անհանգստանում հարաբերությունների համար, որովհետև գիտեք, որ նա երբեք չի դավաճանի։ Այնինչ անառողջ հարաբերություններում այն ամենն, ինչ տալիս ես, իր գինն ունի, որի համար պետք է վճարես։

2 Միմյանց ընդունելը – Միմյանց փոխել ցանկանալը։ Առողջ հարաբերություններում զույգերը սրտանց ընդունում են միմյանց։ Ժամանակ ու աշխատանք է պահանջվում նրան ամբողջությամբ ճանաչելու, բացահայտելու և ամբողջովին սիրելու համար, ու դու սրտանց նվիրվում ես դրան։ Անառողջ հարաբերություններում, սակայն, զույգերը փորձում են փոխել մեկը մյուսին, ստիպել մյուսին զիջել՝ սեփական կարիքների ու ցանկությունների համար։ Այս հարաբերություններում կառավարելն է հիմնական նպատակը՝ ստանալու համար այն բավարարվածությունը, որը փնտրվում է։

3 Իրական ցանկությունները - Զույգին ստիպելը։ Անառողջ հարաբերություններում ցանկալին ստանալու համար մեղքի զգացումն է օգտագործվում։ Այսպիսի հարաբերություններում միմյանց մեջ մեղքի զգացում են առաջացնում՝ պահանջելով այն, ինչ ցանկանում են ստանալ։ Այս տեսակ հարաբերություններում դու ազատորեն չէ, որ տալիս ես, այլ տալիս ես, որովհետև պարտավորված ես զգում։ Առողջ հարաբերություններում դու տալիս ես, որովհետև իսկապես ցանկանում ես հոգ տանել զուգընկերոջդ կարիքների մասին։ Դու իսկապես ցանկանում ես բավարարել նրա ցանկություններն ու մտահոգվում ես նրա համար։

4 Բացահայտելը – Անձնականը պահպանելը։ Առողջ հարաբերություններում դու ամեն բան անում ես զույգիդ թուլությունները ծածկելու համար։ Դու նրա մութ կողմերին նրբորեն ես վերաբերվում ու հրապարակայնորեն չես խոսում դրա մասին, հատկապես մյուսների մոտ։ Անձնական գործոններն ավելի են ամրապնդում ձեր հարաբերությունները, և դրանք դուք երբեք չեք պատմում մյուսներին՝ լինեն դրանք ընտանիքի անդամներ, թե մտերիմ ընկերներ։ Այն, ինչ դուք ունեք որպես զույգ, միայն ձեր երկուսի համար է։ Դուք այդ պահերին վերաբերվում եք այնպես, ինչպես երկրի կառավարությունը կվերաբերվեր գաղտնի փաստաթղթերին։ Դուք կարևորում եք միմյանց ներդրումները հարաբերություններում։ Անառողջ հարաբերությունների մեջ զուգընկերոջ բացասական կողմերը կատակների են վերածվում և նույնիսկ այնպիսի անձնական պահն, ինչպիսին համբուրվելն է, անառողջ հարաբերություններում զույգերը կարող են կիսել յուրաքանչյուրի հետ, ով կցանկանա լսել դրա մասին։

5 Վրեժ – Վերականգնում։ Տարաձայնություններն ու սիրելիի հետ ունեցած վեճերը հարաբերություններն ամրապնդելու եղանակ է։ Ինչպե՞ս։ Վեճերն օգտագործելով միմյանց ավելի մոտիկից ճանաչելու համար և ոչ թե ավելի շատ զենք հավաքելու՝ հետագայում նրան կառավարելու կամ ցավեցնելու համար։ Մյուսին հասկանալով ու ճանաչելով՝ դու կհասկանաս, ինչպես վերականգնել ձեր կապը։ Անառողջ հարաբերությունները շարունակ համեմատություններով են լցված, վրեժխնդրությամբ, վեճերով, որոնցից ի վերջո մերժում, մեղադրանքներ ու նույնիսկ ճնշումներ են առաջ գալիս։

6 Եսակենտրոնացում – Համատեղ երազանքներ։ Իրական սերը երկու անհատների մեկ իրական ամբողջություն է ստեղծում։ Փոխհարաբերությունների ստեղծման ժամանակ նրանք միասին երազանքներ են ստեղծում, որի թարմ պտուղը նրանց նպատակների միաձուլումն է, որի նպատակն, իր հերթին, նրանց երկուսի լավ լինելն է։ Անառողջ հարաբերւթյունները, դրան ի հակադրություն, պահանջում են քո անձնական երազանքներից հրաժարվելը։ Այն չի օգնի քեզ դրանք իրականություն դարձնել, այս տեսակ փոխհարաբերությունը ոչ թե տալիս, այլ գողանում է։