«Փարաջանովը և նորաձևությունը» խորագրով ցուցահանդես՝ «Երևանի նորաձևության շաբաթ 2024»-ի շրջանակում
ՄՇԱԿՈՒՅԹՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Նորաձևության և դիզայնի պալատն ու Սերգեյ Փարաջանովի թանգարանը «Երևանի նորաձևության շաբաթ 2024»-ի (Yerevan Fashion Week 2024) շրջանակներում մայիսին նախատեսում են բացել «Փարաջանովը և նորաձևությունը» խորագրով ցուցահանդեսը:
Նորաձևության և դիզայնի պալատից հայտնում են, որ ցուցահանդեսին Փարաջանովի ստեղծագործությունների կողքին կներկայացվեն հայ դիզայներների աշխատանքները՝ ոգեշնչված մեծ կինոռեժիսորի արվեստով:
Նախաձեռնության նպատակն է դիզայներներին հնարավորություն ընձեռել ուսումնասիրել արվեստագետի թողած հարուստ ժառանգությունը, ներկայացնել թանգարանը և հայկական մշակույթը՝ նորաձևության և դիզայնի միջոցով:
Մասնակցության համար դիզայներները պետք է ներկայացնեն նախնական մուդբորդ, 2-3 էսքիզ կամ պատրաստի աշխատանքի լուսանկար՝ ցուցահանդեսին ներկայացվելիք հագուստի, գլխազարդի կամ զարդերի:
Այն դիզայներները, որոնց էսքիզները կընտրվեն մասնակցության համար, կստանան հնարավորություն վերջնական կերպարը ստեղծելու և ներկայացնելու: