Իրանի իշխանությունները թույլատրել են iPhone 7-ի ներկրումը
BLOGՏաթև Տիգրանյանը ֆեյսբուքյան իր էջում գրում է.
Իրանի իշխանությունները թույլատրել են iPhone 7-ի ներկրումը: Սմարթֆոնների առաջին խմբաքանակն Իրան կմտնի առաջիկա օրերին:
Ամիսներ առաջ Իրանի կառավարությունը Apple ընկերության առաջ պայման էր դրել` եթե երկրում չբացվի ընկերության պաշտոնական գրասենյակ, ապա շուկայից կհանվեն ներկրված բոլոր iPhone-ները: Հիմնական խնդիրն այն է, որ սմարթֆոններն Իրան էին բերվում զարտուղի ճանապարհով, ինչի պատճառով հեռախոսների գները բավական բարձր էին լինում: Իրանում միլիոնավոր մարդիկ օգտվում են Apple-ի սմարթֆոններից, ուստի այս քայլով իշխանությունները ցանկանում էին վերջ դնել մաքսանենգությանն ու սմարթֆոնների ապօրինի ներկրման գործընթացին:
Ի դեպ, Իրանի տեղեկատվության և հաղորդակցության նախարարությունը վերջերս կոչ է արել ստեղծել Messenger-ի ազգային հավելված: Նախարարությունը պատրաստ է աջակցել նրանց, ովքեր հետաքրքիր գաղափարներ կներկայացնեն ազգային հաղորդագրությունների ծրագրի ստեղծման և զարգացման համար: