Չե'մ ընկրկելու

Թերթ ստեղծելու գաղափարը ինձ կրծել է տարիներ շարունակ...

Ծանր է ու դաժան, անշուշտ` բազմաթիվ մարտահրավերներով ու ֆինանսական ահռելի ծախսերով...

Ոչինչ... Ավելի բարդ խնդիրներ ենք լուծել, աշխարհում անլուծելի ոչինչ չկա...

Երբ փորձառու խմբագիր Աշոտ Աղաբաբյանին առաջարկեցի թերթ հրատարակել` ասաց` խենթություն է, էդ ինչ ես ասում, պետք է մտածեմ... Հետո տարիների փորձառությունը հավաքեց ու սկսեց ջանքեր ներդնել` առույգ, ակտիվ, խիստ ու պատասխանատու, իր նման... Արդյունքը` թու, թու, թու, գոհացուցիչ է: Աշոտը պլանկաներ բարձրացնող մարդ է, այդ մասով ես ամբողջովին վստահ եմ...

Հավաքվել է հրաշալի թիմ... Արհեստավարժ, գիտակից, պատասխանատու, խստապահանջ ու տնավարի թիմ... Ապրեն բոլորը, օր ու գիշեր կիսում են թե դժվարությունները, թե պատասխանատվությունը... Չնայած մեծամասնությանը նոր եմ սկսել ճանաչել` շատ սիրեցի բոլորին անհատապես... Ապրեք...

Իմ մասով... Լավ է լինելու, ես լավատես մարդ եմ... Ոչինչ չեմ խնայելու, ամեն ինչ ներդնելու եմ, որպեսզի ունենանք կայացած, ազդեցիկ, փնտրվող թերթ... Տպագիր մամուլը չպետք է մեռնի... Չի մեռնելու...

Ոչ մեկից ու ոչնչից չեմ վախենում, չեմ ընկրկելու... Կորցնելու ոչինչ չունեմ, բացի իմ ազատությունից, որն ամբողջովին նվիրել եմ այս նոր նախագծին... Սա յուրօրինակ ծառայություն է, որտեղ երբեմն կարող են անձնական հարաբերություններում խութեր առաջանալ... Թեթև տարեք, ճշմարտությունն ավելի թանկ է...

Թերթը արդեն կրպակներում է, կարդացեք... 

Դիտողություններն ու առաջարկները կընդունվեն սիրով և ուշադիր...

Լավագույն առաջարկները կքննարկվեն տնական օղու զգլխիչ բույրի ընկերակցությամբ...

Ղոչաղ կացեք...

Վարուժան Բաբաջանյան