8 տարածված միֆ, որոնք իբր կարող են փրկել Ձեր կյանքը, սակայն իրականում մահացու վտանգավոր են

Blognews.am-ը գրում է

Մի անգամ կարդացի, որ նորվեգացի մի տղա կարողացել էր փրկել իր քրոջը՝ շնորհիվ համակարգչային խաղերում տեսած հնարքների: Սա իհարկե շատ լավ է, բայց ապրելով տեխնոլոգիական այս ժամանակաշրջանում՝ մենք հաճախ թյուրիմացության մեջ ենք հայտնվում՝ դիտելով ֆիլմեր, հաղորդումներ, խաղալով համակարգչային խաղեր ու օգտվելով տեղեկատվության աղբյուրներից, որտեղ ոչ այնքան արժանահավատ բաներ են ներառված: Եվ այսպես, ձեզ ենք ներկայացնում իբր կյանք փրկող 8 միֆեր, որոնք իրականում այդքան էլ օգտակար չեն, իսկ որոշ դեպքերում կատարյալ հիմարություն են և կարող են էլ ավելի մեծ վտանգի ենթարկել Ձեզ ճգնաժամային իրավիճակում դրանց դիմելիս:

1. Պետք չէ վերքի մեջ օտարածին մարմիններ թողնել

Սա շատ տարածված թյուրիմացություն է: Մարդիկ կարծում են, որ եթե իրենց մարմինը ծակել է ինչ-որ իր, և նրանք չեն կորցրել գիտակցությունը, ապա պետք է դուրս հանել այդ իրը մարմնի միջից: Սակայն իրականում առաջին հերթին պետք է շտապօգնություն կանչել, իսկ այդ առարկային ընդհանրապես ձեռք չտալ: Դուք կարող եք վնասել երակներն ու անոթները՝ այն դուրս հանելով, մինչդեռ սովորաբար դրանք խցանի դեր են կատարում՝ կանխելով ուժեղ արնահոսությունը:

2. Սաստիկ ծարավի դեպքում կարելի է մեզ խմել

Այս մեթոդը հանդուրժելի է միայն շատ կարճ ժամանակահատվածի համար: Բանն այն է, որ մեզի հետ մեր օրգանիզմից դուրս են գալիս որոշ նյութեր, որոնցից օրգանիզմն ինքնամաքրվում է, իսկ մեզը խմելով՝ մենք դրանք վերադարձնում ենք օրգանիզմ, ու եթե մարդը մի քանի օր ջրի փոխարեն մեզ խմի, ապա դա կարող է հանգեցնել երիկամային անբավարարության:

3. Ցատկել ընկնող վերելակի մեջ

Ի հեճուկս ոմանց երևակայության՝ սա ամենևին չի բարձրացնի ողջ մնալու Ձեր շանսերը: Դա կարող է փրկել միայն այն դեպքում, եթե Դուք ցատկեք ճիշտ պահին, ընդ որում՝ ցատկի ժամանակ Ձեր մարմնի արագությունն ավելի մեծ պետք է լինի, քան ընկնող վերելակինը: Ինչպես հասկանում եք՝ սա բացարձակ միֆ է:

Եթե թույնը ծծողի բերանի խոռոչում նույնիսկ չնչին վերք լինի, ապա դրա միջով օձի թույնը կանցնի արդեն «փրկիչի» օրգանիզմ: Իսկ եթե դրանով զբաղվի հենց խայթվածը, ապա միայն ավելի կարագացնի իր մահը: Միակ ճիշտ լուծումը ժգուտով արյան շրջանառությունը դանդաղեցնելն ու խայթած տեղին սառույց դնելն է մինչև բուժօգնություն ստանալը:

5. Հեղհեղուկ ավազ

Հեղհեղուկ ավազում խեղդվելն անհնար է: Մարդիկ մահանում են ոչ թե նրա համար, որ իրենք ամբոողջովին ընկղմվում են ավազի մեջ, առավել ևս, որ, որպես կանոն, դրանց մեջ առավելագույնը մինչև կուրծքն են ընկղմվում, այլ ամենասովորական ջրազրկումից, եթե մարդուն չեն կարողանում ժամանակին օգնության հասնել:

6. Կակտուսի հյութ

Կակտուսների հյութը չի կարելի խմել նույնիսկ ամենածայրահեղ դեպքերում: Դրանց մեջ բազմաթիվ նյութեր կան, որոնք Ձեզ մոտ լուծ ու փսխումներ կառաջացնեն, ինչը միայն էլ ավելի կջրազրկի Ձեր օրգանիզմը:

7. Անձրևանոցը դանդաղեցնում է անկումը

Միակ բանը, որին կարելի է հասնել անձրևանոցով ցատկելով, այն է, ինչ կարող եք տեսնել այս տեսանյութում: Բարեբախտաբար, տեսանյութում ցատկող մարդը նաև օդապարիկ ուներ ու միայն անձրևանոցի վրա չէր դրել հույսը:

8. Արջի հարձակման դեպքում ձևանալ մահացած

Այստեղ ամեն ինչ կախված է տվյալ արջից, ու ոչ մի բանում վստահ լինել չի կարող: Գրիզլիներն ագրեսիա են դրսևորում սովորաբար պաշտպանվելիս, ու եթե նա մտածի, որ Դուք վտանգ չեք ներկայացնում (մահացած եք ձևացել), ապա կարող է և նահանջել, բայց դա երաշխավորված չէ: Ինչ վերաբերում է սև արջերին, ապա նրանք գրոհում են ինչպես իսկական գիշատիչներ, ու այս հնարքը նրանց պարագայում չի աշխատի: Փախչել էլ չի կարելի, որովհետև արջերը մարդուց ավելի արագ են վազում: Եթե Ձեզ մոտ ինչ-որ սնունդ կա, ապա դրեք այն գետնին, դանդաղորեն նահանջեք ու հիշեք, որ վազել ոչ մի դեպքում չի կարելի: Իսկ եթե այս եղանակն էլ չաշխատի, ապա պետք է բարձր ձայներ հանել ու արջին հնարավորինս մեծ թվալ՝ ձեռքերը վեր բարձրացնելով: