SMS-ներ, որոնք սպանում են սերը

Դուք կարծում եք, որ պարզապես սե՞ր կխոստովանեք: Իսկ սերն այդ ընթացքում մահանում է տանջանքների մեջ` ավարտվելով հեռախոսի էկրանին հայտնված երկու կարճ տողով:

Նախկինում սերը որտե՞ղ էր: Նրա թարթիչների ծայրերին, նրա մատների վրա: Այն հայացքի, հոգոցների, հպումների մեջ էր: Սերը պատահական հպումով հոսում էր քեզանից դեպի նա և նրանից դեպի քեզ, իսկ հետո խտանում արտասանված պարզ խոսքերի մեջ:

Այսօր մենք սիրում ենք SMS-ներով, և սերը շրջում է հեռախոսից հեռախոս` ճանապարհին կորցնելով կախարդանքը, ուժը, բաղադրությունը և իմաստը: Բացի այդ` կանայք դրանք սիրում են, իսկ տղամարդիկ` ոչ:

Ամեն ինչ կատարվում է գրեթե այսպես.

Կինն արթնանում է. Աստված իմ, այդեն առավոտ է, իսկ ես նրան դեռ չեմ գրել, թե որքան եմ սիրում: Շտապ, շտապ, շտապ` ինչ-որ հոգեթովիչ բան, այլապես ամեն ինչ կփշրվի:

Եվ ահա թռչում է ինչ-որ վարդագույն և հյութեղ արտահայտությունը. «փիսիկ, արթնացել եմ քո մասին երազելով, որտե՞ղ ես»: Երկու, երեք րոպե՝ պատասխան չկա:

Կինն արդեն մի փոքր զղջում է, որ այդպիսի թեթևամիտ հաղորդագրություն է ուղարկել մի մարդու, որը տվյալ պահին խորհրդակցության է: Եվ մեծ է ցանկությունը, որ նա շտապ ինչ-որ բան պատասխանի և հարթի այդ հիմար քայլը: Սակայն նա չի պատասխանում:

Այստեղ հիմար իրավիճակի գիտակցումը խորանում է առավել մեծ արագությամբ. նա արդեն զղջում է ուղարկած երկու SMS-ների համար և փորձում է այնպիսի գործառույթ գտնել, որով կարող է տեղեկատվական տարածությունից ջնջել սիրային բարբաջանքը, սակայն պատասխան չկա ու չկա, և հասունանում է պայթյունավտանգ իրավիճակ:

«Դու ի՞նչ է, սիրուհուդ մո՞տ ես: Դժվա՞ր է պատասխանելը»: Լռություն:
«Այսօր չգաս»: Լռություն:
«Իրերդ կվեցնես երկրորդ հարկի Վարդանենց տանից»: Լռություն:
«Ես հարբած եմ, ինձ վատ եմ զգում, տար ինձ այստեղից»:
Եվ վերջապես գալիս է պատասխանը. «OK»:

Այնպես որ՝ սիրելի լեդիներ.

Առաջին. Տղամարդիկ շատ չեն սիրում SMS-ներ գրել, հատկապես՝ սիրո թեմաներով:

Երկրորդ. Տղամարդիկ ատում են SMS-ներ կարդալը, հատկապես՝ սիրո մասին:

Երրորդ. Որքան շատ SMS-ներ եք նրան ուղարկում, այդքան բարձր է նրա նյարդայնության աստիճանը, քանի որ նա այդ պահին աշխատավայրում է, իրոք զբաղված է կարևոր գործերով, և ոչ թեայլ ընկերուհու մասին խոհերով, իսկ դուք փորձում եք նրան ցույց տալ, որ պատրաստ եք գայթակղել ու ցանցը գցել անգամ բջջային հեռախոսով:

Չորրորդ. Գրեթե ցանկացած սիրային SMS շարժման, հայացքի, ձայնի և շնչի բացակայությամբ բավականին խեղճ է նայվում:

Հինգերերդ. Եթե ձեր մոտ անդիմադրելի ցանկություն է առաջացել նրան գրել կրքի, սիրո, կարոտի, ցանկության և այլ դատարկաբանության մասին, ապա խիղճ ունեցեք և օրվա ընթացքում ընդամենը մեկ նման SMS ուղարկեք:

Այո, այն հաշվվում է: Քանի որ նա արդեն տագնապում է և տհաճորեն ծանրաբեռնվել այն մտքից, թե ձեզ ի՞նչ պատասխանի, որպեսզի թե չնեղացնի, թե կանխի հետագա փորձերը: Նա, իհարկե, դժվար թե ինչ-որ արժանի բան կհորինի, այնպես որ արագ պատասխան մի սպասեք:

Ընդհանրապես, փորձեք վերադառնալ նախապատմական ժամանակները և սիրո մասին խոսել պարզ, մարդկային եղանակով: Օրինակ, նույն այդ հեռախոսով…

Աղբյուրը` ladynews.am