5 արդյունավետ դիմակ՝ տնային պայմաններում

Դեմքի համար նախատեսված դիմակներն օգնում են արագ և արդյունավետ խոնավացնել, մաքրել կամ հանգստացնել բորբոքված մաշկը:

Դրանց ընտրում են անհատական յուրահատկությունները հաշվի առնելով. այսպես՝ չոր և մանր կնճիռների առաջացմանը հակված մաշկին նպատակահարմար է սնուցող դիմակը, իսկ յուղոտին՝ ծակոտիները նեղացնող: Եթե ծանր աշխատանքային օրվանից կամ անքուն գիշերից հետո դուք ստիված եք շքեղ տեսքով ներկայանալ երեկոյան բաձրաշխարհիկ հանդիսության, կենսունակություն հաղորդող դիմակը «կջնջի» հոգնածության հետքերը, մաշկը կդարձնի թարմ և շողացող:

1. Խնձորից ու վարսակից դիմակ

Մաքրեք խնձորի կեղևը և անցկացրեք քերիչով: Ավելացրեք 1 ճաշի գդալ կաթ և 2 ճաշի գդալ վարսակի փաթիլներ։ Թողեք մնա 5 րոպե և քսեք դեմքին։ Դիմակը հրաշալի կերպով մաշկը կհարստացնի վիտամիններով։

2. Բանանով դիմակ

Մեկ հասած բանանը տրորեք պատառաքաղով և խառնեք 1 թեյի գդալ յուղոտ սերուցքի հետ։ Քսեք դեմքին՝ պահելով 15-20 րոպե, որից հետո լվացեք։ Դիմակը խոնավացնում է չոր մաշկը։

3. Կաղամբով դիմակ

Կաղամբի մի քանի թերթ անցկացրեք մսաղացով։ Ստացված զանգվածը քսեք դեմքին և պահեք 20-30 րոպե։ Այնուհետև լվացեք։ Այս դիմակը խորհուրդ է տրվում ծերացող մաշկին։

4. Թթխմորով դիմակ

100 գրամ թթխմորը բացեք ջրով՝ ստանալով թթվասերի խտութան զանգված։ Քսեք դեմքին և լվացեք 15 րոպե անց։ Դիմակը մաշկին առաձգականություն կհաղորդի։

5. Կարտոֆիլով դիմակ

Կարտոֆիլը խաշեք, մաքրեք և ճխլեք՝ ավելացնելով 1 թեյի գդալ կաթ և ձվի դեղնուց։ Տաք զանգվածը հաստ շերտով քսեք դեմքին և պարանոցին։ Պահեք 20-25 րոպե, որից հետո լվացեք սառը ջրով։ Մաշկը չի թեփոտի։

Ուշարություն․ դիմակները կիրառեք շաբաթական 2-3 անգամից ոչ ավելի։

Աղբյուր` LADYNEWS.am